明記腸粉 (Closed)

呢間都幾出名嘅上水老字號由鋪面已經睇得出充滿歷史嘅痕跡，冇咩特別裝修，係比較舊式本土嘅街坊小店。鋪頭簡陋狹小，得三四張圓枱加摺凳，但都叫做乾淨企理小食就得幾款選擇唔多，可以自由配搭腸粉、魚蛋、燒賣、豬皮、腸仔，另外仲有粥同炒麵。雖然係區內幾有名氣嘅小店，網上評論大部份都話好好食，但老實講味道服務環境都一般，話超好食又未至於，不過廿幾蚊黎講都算唔錯，有時行過口痕想簡簡單單食啲小食醫下肚都可以幫襯下➤三式套餐🍡$21所謂嘅‘三式’即係有齊晒腸粉、魚蛋、豬皮嘅招牌配搭套餐，份量都唔少，廿幾蚊當早餐或者下午茶都可以腸粉夠軟夠滑，粉皮唔會太厚，卷得夠實淨，亦唔會蒸過籠淋哂痴埋一舊豬皮爽口都幾入味，陳皮魚蛋細細粒口感扎實，不過不失醬汁係腸粉嘅靈魂，呢度嘅醬料同芝麻都係自助嘅，自己落就可以按番個人囗味，想點混醬都得，個人就鐘意落超級多嘅甜醬同麻醬，食落夠哂惹味

《明記腸粉店》肥肥細個經常食腸粉，識食一定要混醬😏😏，咁啱行過，咪試下。好食到米芝蓮又唔係，但就係小時候的味道，一種熟悉的味道。醬料唔係佢地落，係自己鐘意咩就自己落。🤓🤓🤓三式(套餐：腸粉,魚蛋,豬皮)$18腸粉唔會蒸過龍唔會淋patpat，陳皮魚蛋同豬皮唔會煮過龍， 爽口👍👍雖然醬料係買返嚟，唔似外邊d店，偷工減料d醬溝水， 因為肥肥出去食過d好難食淋patpat的腸粉加偷工減料的醬，好大陰影🤣🤣🤣🤣==============================味道：(8/10)抵食：(10/10)🤓🤓🤓環境：(6/10)服務：(8/10)

腸粉比較有名就係聯和墟既四眼仔腸粉今次去另一間上水既明記腸粉試下上水度度都係藥房依間淨賣腸粉、皮蛋咸蛋瘦肉、粥、魚蛋、燒賣、豬皮淨係賣依幾樣野都可以維持到個租金成本都真係好犀利（或者佢間鋪係之前買落）講番啲野食，小妹叫左燒賣+腸粉$20腸粉唔係好黏黏咁，幾好燒賣又唔會好硬因為小妹有個習慣係將腸粉攤番開好似河粉咁食😂佢整到唔黏，要攤番開好易同埋佢唔會好似有啲咁黏住張紙而且佢醬汁係自助加😌如果大家鍾意食豬皮，其實可以揀「三式」會抵啲，$20有豬皮魚蛋腸粉😌