Tycoons cafe

最近吃了超好吃的麵，真的超推薦！！！ 吃到的味道就像早幾年在馬來西亞吃到的一樣，還要更好吃！ 這店是我上次在尖沙咀金巴利街吃韓國菜時發現的， 在芸芸韓國餐廳當中，唯一一間東南亞餐廳，這令我留下了頗深印象， 因為我想，如果不是好吃的話是無可能在這裡立足。 果然沒有推斷錯誤，三少爺實在值得一去再去！ 三少爺位於韓國街中，門面不大所以有點不起眼， 但在眾多韓國餐廳當中也不難發現它， 店面不大但全部都是半卡位，坐得舒服！ 我們約莫7時半去到，當時只有 2 枱客人， 但到 8 時開始多人，很快就坐到滿滿了。 店內裝潢別緻，照片清晰、食物賣相吸引。 其中很吸引我的是牆上的大時鐘，它是真的會運行的！ 三少爺蝦湯麵 HK$90 來到三少爺，又怎麼不能試試這裡的招牌三少爺蝦湯麵呢？ 蝦湯底用超過 7 斤的海蝦拆出蝦殼及蝦頭， 混合 14 種香料，每日新鮮淆製長達 6 小時， 才得出約60多碗濃而不膩的蝦湯精華。 首先喝一口蝦湯，果然十分濃郁，滿滿都是蝦的精髓， 麵底是油麵，可以免費轉米粉底金邊粉，但第一次來還是試試原始的。 配料十足，有 2 隻大蝦、切片豬腩肉、雞蛋、通菜、豆卜。 蝦同樣很有鮮味，而切片豬腩肉亦不覺肥膩， 在外面吃飯很多時都只有半隻蛋，但這裡竟然奉上一整隻蛋，有驚喜！ 通菜和豆卜將湯底吸收，令到味道更有層次，好高水準。 吃罷整碗三少爺蝦湯麵真的有想要把湯底全都喝掉的衝動！ 古法豬頸肉喇沙 HK$63 厚切豬頸肉一點也不韌，軟軟的很易咬開， 而且味道很香，有種入口即化的感覺。 喇沙湯底用上淆了3-4小時的雞湯底及其他香料混合而成， 比我們平日在香港吃到的少了椰奶味、還要辣一點， 但這樣才是正宗的口味，和我在馬來西亞旅行時吃到的味道是一樣的！ 配料有豆卜，吸收了喇沙的湯底簡直無得彈～ 很推薦大家試試三少爺的豬頸肉，因為真的好軟稔！ 所有麵或飯類全部都會送汽水，如果不想飲汽水也可以加 HK$5 轉枝裝維他奶／罐裝烏龍茶／罐裝咖啡，另外也可以選擇加 HK$8 轉為罐裝椰青水或自家製飲品。生炸蝦餅 HK$48 / 2 件三少爺的蝦餅每日自家新鮮製造，真材實料。在客人下單後才即炸，比出面吃到的更為彈牙有口感，炸到金黃色熱騰騰十分鬆脆燙口，值得一試！ 芝士蝦春卷 HK$48 / 2 件另外一個推薦的小係是芝士蝦春卷，這個同樣是自家製的！ 蝦春卷平日吃得多，但是加入了芝士的卻沒有吃過，與蝦餅同樣即叫即炸，熱辣辣同時香脆鬆化，裡面還有一粒粒粟米，口感豐富。 生炸蝦餅和芝士蝦春卷還可以點雙炸的組合，每樣各一件，價錢同為 HK$48。但因為和朋友都為食所以就索性點 2 份了 (笑)三少爺的炸雞脾好像都好出名，看見有很多客人都有點，而炸雞脾同樣即叫即炸，香脆可口，還可以碎上，下次一定要來試試這裡的炸雞脾呢！如果來到尖沙咀，我推薦大家去三少爺試試，因為在這裡可以體驗到正宗東南亞風味！…查看更多

之前黎呢條街都係食韓國野，都無留意到有呢間我地叫左蝦湯麵，同小食A01 (即係蝦春卷同蝦餅各一件)首先蝦湯麵，一試湯底覺得唔夠熱，但的確蝦味濃郁，個腩肉好食！肥瘦均勻油麵底，都夠大碗。不過賣$90 (連汽水或紙包飲品)又好似有d貴。但係勝在湯底飲得出係熬左好耐，d蝦既精華出哂黎勝在夠熱！足料彈牙其實食物唔錯，但兩樣（加汽水）就已經$138略嫌少少貴同埋真係湯底同腩肉加分之外，其他麵同配料都好普通，並唔會特別想再去食…查看更多

尖沙咀嘅金巴利街其實會好少行到入去，唔係朋友帶去食蝦湯麵都未必知道乜玉泉忌廉都有ZERO，真係果日先食麵先知，應該唔多餐廳有賣<三少爺蝦湯麵> $90入面有蝦，切片豬腩肉，魚片，雞蛋，通菜，豆卜湯或有濃郁蝦味，據稱用上大量蝦肉跟蝦殻餚製，每一口都有鮮甜味，不過湯有少少唔夠熱而麵有幾款選擇，我選了米粉吸湯不錯，基本上配料都好味，最愛豬腩肉的入味軟腍，反面隻蝦有少少不夠彈牙<瑞士汁雞批> $35隻雞批肉汁豐富，而且啲瑞士汁入哂肉身裡面，好正…查看更多

油少旺區 要開一間有特色既小店其實難度都高 平靚正 不在話下 仲要有特色先吸引到客人入黎幫襯 實屬困難其實一直以黎都對東南亞風味既食物有興趣 一黎甜酸為主較開胃 二黎味道新鮮感大唔似中西餐咁普遍路過俗稱韓國街既金巴利街 見到新開左間東南亞餐廳 竟然進駐韓國街？！ 而且都唔少人食喎 望下menu 主要係食麵食同小吃 望落都幾吸引行街行到肚餓叫多少少無問題丫整返個沙律試下間舖啲野新唔新鮮先田園沙律 $30真係估你唔到咁大碗 認真30蚊我平時食既應該得幾啖就食晒但呢碗最少值50蚊既份量而且用既材料都好新鮮 起碼夠凍 有好好保存 再者佢既胡麻沙律醬相當重手 我鐘意！炸雞脾 $35我見隔離幾枱都叫 所以心郁郁又試下睇下點解咁多人叫先！！一黎到見份量都唔少喎 一隻大碼既炸脾 而且細心地係切好先上碟 方便進食咬落係好似台式酥雞咁既口感 鬆脆非常但雞肉仍然保持到幼嫩香滑 廚房技巧好好怪唔之得咁多客人都叫啦 我覺得好食過近期出名既某炸脾三少爺蝦湯麵 $90推介麵食 主打其實係個湯底 用上鮮蝦再配上湯同其他材料足材煮理三少爺入面有蝦、豬腩肉、魚片、雞蛋、通菜同埋豆卜充滿馬來西亞風味 我真係連湯都飲埋 無味精之如仲要係鮮甜好味 有heart誠意爆分！！雖然暫時無新鮮椰青 不過椰青水都搭夠 食完濃味食物 飲返啖椰青水又真係咩都舒服晒！！…查看更多

二人，七點半晚餐，有幾枱客人，不用等位。員工悉心介紹餐牌內的食物。讚！點了招牌三少爺蝦湯麵$90（包汔水或紙包飲品），有3隻細蝦，豬腩肉，魚片，豆卜，蛋和通菜。蝦湯很濃，很有蝦味，偏咸。麵是油麵。豬腩肉和魚片好吃。整體感覺上不是越食越上引果種。芝士蝦春卷喇沙$73（包汔水和紙包飲品）。麵底是幼河粉，有咬口。湯底是不算濃的沙喇湯，有蝦米仔。春卷是即炸，熱辣辣脆卜卜，好味。總結，一般質素，價錢偏貴。不過其他小食好似賣相幾好，和其他檬粉只是$50至$63未試。…查看更多

之前睇完蘋果動介紹已經Bookmark咗今日終於有機會一試嗌咗個三少爺蝦湯麵同芝士炸蝦卷喇沙唔知係咪新開張原因，仲會送小食(瑞士雞翼)同嘢飲個蝦湯聽講每日用咗7斤蝦去煲，真係名不虛傳，真材實料。而喇沙個湯頭都好甜，肯定係我食過嘅Top 3我唔係咩專業食家，不過我對喇沙都幾挑剔，好似X坤，XX工房，個啲我食過一次唔會再食喺度我feel到有滿滿嘅人情味同好用心去經營，呢樣係我最Impress，老闆會同你閒話家常，介紹佢地嘅招牌菜，個用餐感覺好好，好到要寫評支持一下…查看更多

餐廳細細，但得一位女侍應。呢位女侍應好細心，問你黎過食未，本人未黎過啦。咁佢就介紹左佢地啲招牌菜，蝦湯面（講明係用左7斤蝦去煲呢個湯底），到個麵上嘅時候，又好驚你會誤會係好辣，因為佢地仲用左蝦膏油去煮。我就叫左一碗叫"三少爺蝦湯麵" 份量十足，本人都叫大食，原先仲想叫多個小食，點知佢仲同我講，所有叫麵餐嘅客人都會再送一份小食。十分有心思，希望佢地可以保持呢份心思！小食係送左瑞士汁雞中翼，雖然得一隻但都足夠表示佢地嘅用心同誠意，雞翼好入味同好滑！最後跟餐有嘢飲送，但只係得汽水、紙包飲品同枝裝水。係美中不足左少少，不過我就加錢叫左佢地今日嘅特飲，木瓜煲雪耳十分滋潤，唔太甜好有屋企自己煲嘅感覺。總括黎講係可以再黎食過，唔食蝦嘅朋友唔洗擔心。因為佢地都有一般好大路嘅越南粉麵同飯類！…查看更多