One Piece Restaurant Hong Kong

每日keep住忙之後 都好想搵個地方放鬆下今晚終於可以食餐有返少少童心嘅飯去左海賊王主題餐廳 除左環境之外重不停播住相關嘅主題歌曲 入左去即刻放鬆晒見到啲餐具已經令我好開心 好鐘意本menu 個封面 餐廳周圍都有唔同嘅角色俾大家影相叫左luffy單骨雞翼 夠晒熱辣辣 加上bbq醬味道十足 雞肉入口都算嫩滑 幾好味重有三刀流串燒 有牛肉。雞肉。海鮮重有個沙嗲醬調味 啲牛肉比想像中好食海鮮串有蝦。帶子。三文魚 呢個組合唔錯最尾叫左個西班牙海鮮飯 都幾多海鮮喎青口。尤魚。大蝦。帶子 味道都唔錯啊…Read More

第一篇開飯食評~諗嚟諗去都係揀左最鍾意嘅海賊王主題餐廳嚟寫其實之前係台北都食過一次，真心唔錯所以都好想睇下嚟到香港有冇Keep得到。晚上八點幾到，唔駛等就有位可能因為平日關係場內只有三、四枱客。首先送到嘅係"三刀流串燒"外觀已經贏晒牛、雞、海鮮每樣一串，貼心嘅係每層都夾住三色椒，減低油膩感最愛牛肉串，外皮燒得剛剛好，內裏肉質幼嫩多汁跟住嚟嘅係"路飛Jumbo肉盤"一次過有齊燒雞扒、司華力腸同羊架，啱晒食肉獸另配上燒汁、薄荷燒汁同藍莓汁。雞扒就燒得最香羊架有D過左火，不過大大份嚟計，一大班人食都係個好選擇最後係"正義牛扒三文治"一大塊牛扒仲大過個包可惜掛住影相，到食果時塊扒已經凍左但係咬落仲好多肉汁，食得出唔係用渣野下次一定要熱辣辣咁食多次提提大家，場內每隔一個鐘係大螢幕會有場Lighting Show，記得睇埋先走呀以主題餐廳嚟講，海賊王餐廳無論食物質素，服務都算得上高水準值得一讚係場內枱與枱唔會擺好貼，夠晒空間比一大班人傾下計，聚一聚所以真心推介比各海賊王粉絲唔係粉絲都值得一試呀…Read More

去到海賊王餐廳好在跟足openrice食評嘅建議排隊前問晒要唔要登記同幾時截龍嗰啲但露天室外排隊真係食西北風食到傻😣結果排咗大概一個鐘就有得入兩人枱果然比較快但係好景不常大概落咗單半個鐘見到遲過我哋落單嘅隔離枱都已經有嘢食有嘢飲發現唔對路就即刻問下先發現頭先個staff原來無落到單但啲職員態度好好即刻就再落單同好快送餐嚟仲要好多位職員分別送餐嚟到都say sorry個人覺得草帽咖喱飯係必食咖喱有啲甜味牛肉粒好腍三刀流串燒都好食但多啲人share應該更好因為呢堆肉實在好飽 同埋都幾油一串雞 一串牛 一串海鮮最伏真係路飛BBQ雞翼無味都算 仲要有啲唔熟蒜香大蜆意粉就一般無咩汁真係幾乾身悲觀鬼Parfait唔差雪糕甜咗少少中間層cream實在太多好在有啲士多啤梨中和下底層啫喱幾好味山治藍菠蘿幾好飲不過就記得一定要撈勻底層初時無撈勻好似飲藥水咁 好苦有菠蘿果肉食下Zoro蜜瓜麻麻地 我試完覺得唔似蜜瓜味以主題餐廳整體嚟講都算okay嘅起碼都齊晒主角（利申：係作為粉絲嘅朋友講嘅咋）不過啲食物上面唔係紙牌仔會更好因為紙牌真係無咩誠意囉 送嘅精品又真係少得可憐 得個杯墊仔搞啲消費滿幾錢抽下扭蛋或者紀念品咪仲好（雖然我唔係fans😂）最後我真係好飽好飽好飽嗌咗7樣嘢 我哋2個人埋單計晒加一總共8百幾蚊值唔值就真係見仁見智但我唔係粉絲就真係覺得肉赤仲要淨係飲品先隨機送個杯墊實在食水深啦PS因為無落到單再落返都嘥咗至少半個鐘所以到咗90分鐘都無趕走我哋而且我哋都未食晒不過大家齊人嚟先入去食會好啲因為係入座開始計90分鐘時限…Read More