楚撚記大排檔

Open Now

Now Closed

哩個名聽咗好耐，終於都book位去食喇🤭大排檔係時代嘅回憶，餐廳裝修還原度極高，同細個媽咪帶我去嘅差唔多，不過而家有冷氣舒服好多🌬👑楚撚豬油撈飯 $25好少喺出面見到有哩隻飯，一定要試吓！砵仔飯當然有別於一般白飯，好似煲仔飯咁多咗啲焦香，飯粒亦更加粒粒分明，加埋豬油同豉油就更香更滑，就算知道好邪惡都抵擋唔到😈✨七味黃金炸一口金磚豆腐 $78一上枱就見到粒粒金黃色🤩 外皮香脆內裡豆腐滑捋捋，一口size夠方便，一啖一粒😋 加埋七味粉同椒鹽調味，味道一流👍🏻✨古法涼瓜炆魚雲煲 $138涼瓜炆得好入味而且唔苦，份量都唔少，可惜魚雲有啲啲乾，美中不足。✨香煎黑松露手打蓮藕墨魚餅 $118一咬落去就係香濃黑松露味，墨魚餅好彈牙，入面仲有粒粒爽脆蓮藕粒，口感豐富🤤✨蜜椒薯仔牛柳粒 $118牛柳粒肉味香夠腍滑，薯仔一樣好入味，黑椒味濃再加少少甜味，食多啲都唔會膩😆✨家鄉炒銀針粉 $86係我好喜歡嘅銀針粉，唔係好多地方有得食。份量唔少，炒得好香好惹味，我自己食咗半碟🤭🔍整體感覺：裝修好有氣氛，還原傳統大排檔感覺，環境乾淨衞生，仲重要哩度係有冷氣嘅大排檔😌 上菜速度好快，食物質素同味道都好好，餸菜夠鑊氣

天氣炎熱 想搵間坐得舒服 環境充滿港式風味嘅大排檔依家餐廳絕對係首選😎🍻菠蘿拔絲咕嚕肉梅頭肉外脆內軟，外層酸甜拔絲，大排檔必點菜式！！！🍻七味黃金炸一口金磚豆腐好耐冇食過咁滑嘅豆腐，外層鬆脆，內裏豆腐入口即溶，好味道一口接一口，出色👍🏻🍻黃金椒鹽粟米第一次接觸椒鹽粟米係喺澳門大排檔，味道一試難忘，估唔到香港都有咁出色嘅做法，外層椒鹽味鹹鹹地，配香甜粟米味道即刻昇華10倍！🌟不得不提依間新派大排檔嘅煎炸類、小炒類食物特別出色，嚟到一定要試🙌🏻

如果唔係幾日前訂位應該食唔食，點解咁講？因為前幾日就係walk in食唔到即刻訂位囉。先上咗個湯，呢個湯無得輸，完全為呢餐飯開咗個靚頭。湯料夠、豬肺香口、唔咸、唔油，夠濃郁。一定要叫！咕嚕肉都係要試，唔肥唔瘦，皮脆肉實，但旁邊嘅糖餅，後生可咬一口，年紀大要避避。炒蜆炒得香口，好食，香辣。可以叫，但人少就可以叫其他試。豬油撈飯，豬油、豉油加上蒸飯，我平時晚飯走飯都忍唔到食咗幾啖，又係必叫。蒸飯真係好味好多，煲飯無得比。豆腐係滑嘅，但七味粉同椒鹽味唔夠，有啲失色咗。粟米係真係要試，外香內甜，唔柴。今晚廚心情靚，咸蛋黃俾多咗，所以某啲部份咸咗啲。鮮魷係滑到口嚨，無牙都咬到，但今次入貨好似中等咗？一餐飯個半小時，人客太多，人手有啲不足。今次試唔哂，一定要再見。

如果有人問🐻嚟香港最緊要去食咩？大排檔一定係首選✨體驗正宗香港味道🇭🇰當中「楚撚記大排檔」係不二之選💕味道高質外，價錢亦非常可觀，性價比超高👍🏻.甫入門內，已經好似回到五六十代🇭🇰牆身掛滿舊式手寫菜式木牌、舊式磚地板、舊式綠鐵閘，周圍裝潢都充滿香港情懷☺️最重要冷氣搭夠，可以嘆住冷氣食小菜😆.🍴楚撚記原隻脆皮炸豬手💰$159外皮脆卜卜，咬落勁香脆😆肉質尚算軟嫩，唔會太乾😌而且都幾入味，加少少芥末食更惹味😋.🍴香煎黑松露手打蓮藕墨魚餅💰$108墨魚餅食得多，黑松露真係比較少見😌入口勁彈牙，中間仲有粒粒蓮藕，帶爽口感😚好香松露味，同墨魚味好夾😌兩個人食八塊啱啱好🤪.🍴七味黃金炸一口金磚豆腐💰$75金黃香脆炸皮內包裹著嫩滑豆腐✨本身加咗七味粉及椒鹽調味，蘸埋喼汁就啱啱好🤓.🍴楚撚豬油撈飯💰$23邪惡但又無法拒絕嘅美食😈將豬油及豉油倒入缽仔蒸飯，飯嘅熱力將豬油迅速滲透🍚再加入蔥花及香菜，入口香氣四溢🤤唔多地方有得食，必點之選🌟.想舒舒服服嘆大排檔美食？楚撚記絕對係好選擇👍🏻

由佢開業已經成日話要去食 終於 係終於都食到🥲兩個人食乜鬼大排檔丫 食得幾多😪我地成日都會掛係咀邊最終都係忍唔住 豁咗出去 因為真係好難等到人多🫢當日去到 真係見到爆晒棚人山人海😲估唔到閒日都咁爆場懷舊既設計風格令人更投入當中😍最重要既都係個種熱鬧既感覺 講句野都要大聲啲😆➷🪐 七味黃金炸一口金磚豆腐唔知點解 黎到大排檔食呢啲就特別好食🫢粒粒金磚豆腐 入口時都依然係熱辣辣 非常滋味😋薄脆既外皮加上微辛既七味粉 每一粒厚度都好均勻👍🏼我地叫咗啤酒飲 所以用黎當係送酒小食都好夾🍻▸🪐 菠蘿拔絲咕嚕肉用上梅頭肉去整 啖啖肉既口感 岩晒唔鍾意有骨既朋友👍🏼沾上既炸粉唔會太多 唔擔心食落口係粉多過肉而甜酸度既調配都做得出色 仲帶有菠蘿香🍍夾埋拔絲同焦糖碎食仲可以多一份甜 有助提升肉香😶‍🌫️▸🪐 香爆黑椒牛仔骨煲牛仔骨煲反而就幾適合送飯🍚因為醬汁比較多順帶一提 佢地有豬油撈飯食嫁 如果你唔怕肥又想香口的話可以試吓佢 唔係度度都有得食😆試一次都唔過份既🫢講返個煲先 牛仔骨既份量都有幾多舊 唔係淨係食椒🫑肉質都好嫩腍 容易同骨位分開👍🏼黑椒帶點辛口既味道😋成日話食大排檔要有鑊氣 應該就係講緊呢一種🤤➷

尋日地鐵半價😳大家有冇去邊呀小妹尋日同屋企人去咗荃灣😝呢間大排檔超級出名我哋大頭蝦冇book位本身以為6點去到實有位嘅點知原來已經full booking 冇得walk in啦🥺尋日真系好好彩咁啱有個客遲到所以先有張枱比我哋但要準時7點交枱比下場差啲就食唔到🙈如果唔系山長水遠嚟到就真系白嚟啦😂😂-♥︎ 七味黃金炸一口金磚豆腐 $75份量都唔少😳嚟到嘅時候熱辣辣豆腐炸到金黃色😍食落脆脆地幾香口入面非常嫩滑😚本身以為黃金&金磚會系鹹蛋黃但原來唔系😂椒鹽嘅調味啱啱好 夠味得嚟唔會加鹹加埋炸蒜食就更加惹味😋推薦🙌🏿🙌🏿味道: 9/10性價比: 8/10-♥︎ 楚撚記原隻脆皮炸豬手 $159連個名都擺埋上去 睇嚟真系幾推介🤣嚟到嘅時候見到豬手咁大隻 份量真系好足 仲要都系$159咋 抵啦!🤩外皮炸到好香脆 完全唔韌咬落去真系 “咔”一聲架🤪豬手肥瘦適中 食落唔會話好肥膩😚肉質非常嫩滑 食到豬手嘅鹹香 夠晒惹味😋不愧為招牌菜👍🏿味道: 9/10性價比: 8/10-☻︎ 豉汁蒸大鱔 $168份量好足 有成10件咁多🤩而家去街市閑閑哋買條膳分分鐘唔止呢個價😳劏膳去潺又麻煩 但呢度整埋都系$168 真心幾抵😆

一直都好想來試呢間懷舊型嘅大排檔，之前見到YouTuber都成日去食呢間，而網上都幾多好評,食物相片都吸引🤩今日夜晚7:00幾過嚟排隊，咁啱有最後一張枱直接入去。當我哋食完已經8:00好多人喺度排隊食下一輪。菜單有好多選擇，最後揀咗以下幾款每張枱都幾乎會點嘅菜式。楚撚記原隻脆皮炸豬手 $159見到附近嘅枱面幾乎都有呢一碟，賣相勁吸引、打卡一流📸而且份量都好多😚豬皮炸到脆卜卜，好似食緊燒肉嗰層皮咁💯，啲肉都好大舊，唔算咸！食肉獸必點🤩蜜椒薯仔牛柳粒$113 成碟餸炒到好夠鑊氣又好香😍，牛仔粒入口軟多汁，而薯仔有口感得來又吸收晒晒蜜糖同牛柳嘅香味😋😋大愛薯仔🥔依啲配菜青椒同洋蔥都好入味，成碟餸飯一流🍚七味黃金炸一口金磚豆腐$75一口豆腐外脆內滑，配埋炸蒜再點埋汁簡直冇得頂！🤩鑊氣豉椒炒蜆$99又係超高人氣嘅鑊氣小炒😋，蜆新鮮冇沙👍粒粒都充滿濃烈豉椒汁味🥳成碟都係餸飯一流🍚馬拉盞炒芥蘭$72 🥬馬拉盞味都幾濃，好爽脆！可惜芥蘭太大舊🥬飲品點左：🥤芬達支裝$13 🥤Zero可樂支裝$13 🍺藍妹大枝$33 識飲梗係要用戰鬥碗飲🥣夠晒霸氣又別有一番風味😎整體而言：全部嘢食都好夠鑊氣同味道，而且份

無人不知既大排檔～食大排檔又想新派裝修同坐得舒服啲，一定係楚撚記，之前都成日黎荃灣分店，但就算堂食/外賣都太多人，成日唔想等就冇食好耐了，估唔到冇食一排，又好食左，員工質素都好左好多🥹！-💕 菠蘿拔絲咕嚕肉(梅頭) $113👅好味指數：9/10遲左影 搞到影唔到企係到既拔絲造型Tim🥲🥲份量超多，4人食剛好，咕嚕肉外層炸得好香脆😍 梅頭肉質好軟腍入味，甜酸汁味夠濃郁👍🏻，除左咕嚕肉，仲有3色椒同焦糖脆餅☺️，幾創新加埋一齊食又幾正🥰。-💕香爆黑椒牛仔骨煲 $113👅好味指數：8/10新鮮滾熱辣😍用煲上一開蓋就香氣撲鼻同「滋滋聲」，黑椒汁味極香濃，牛仔骨肉質軟腍唔韌，每塊都多汁耐嚼又入味☺️👍🏻 -💕 七味黃金炸一口金磚豆腐 $75👅好味指數：8/10一口金磚豆腐外皮輕脆重黃金味，內夠嫩滑，配埋炸蒜好惹味🥰。-💕 楚撚豬油撈飯 $23👅好味指數：8/10砵仔飯蒸得剛好，飯粒粒分明有咬口有米香🥰，淋上豉油豬油，潤滑而不油，配埋蔥花芫荽更香更完美。-環境：8.8/10服務：8.5/10整體味道：9/10回頭率：9/10

楚撚記一向都是熱門小炒之選，記得電話預約，否則有機會撲空。用餐時間1.5小時，所以最好排隊時構思好食物，用餐時便可以盡情享受食物。🙂🙂店內都是懷舊裝修，播著香港懷舊的歌曲臨走時拍下店內照片，其實當晚是座無虛席，因為我是差不多最後一枱走人🤣所以拍下這樣情景燕麥金沙蝦球 $113必吃之選 鹹蛋黃的蝦球配上微甜的燕麥，很有新鮮感，除了減少鹹蛋黃的油膩感外，燕麥沾上鹹蛋黃後，用來拌飯真的一流所以記得要點白飯七味黃金炸一口金磚豆腐 $75軟軟的豆腐，配上炸蒜粒，又是拌飯之選楚撚記原隻脆皮炸豬手 $159頗大隻的豬手，脆脆的豬皮，配有甜酸醬及芥末醬。已經切好一片片，比起德國豬手，這個味道更適合我，因為不太濃味樽裝汽水🤩懷舊餐廳當然少不了樽裝汽水，聽說樽裝汽水特別夠汽的。餐牌

好耐未食過大排檔啦😙朋友仔話想食豬油撈飯，所以上網搵下，一搵就介紹楚撚記出名，咁就黎試試😄估唔到食落香口感覺又唔係好肥膩喎😋之後當然試下佢啲招牌菜式啦😊叫左個楚撚記原隻炸豬手望落好脆好好味咁🤪食落未到夠但個脆皮就好癲牙無想像中咁正😐七味黃金炸一口金磚豆腐，又真係好脆喎豆腐仲好滑食落口感又唔錯👍🏻黎到大排檔當然要食下海鮮啦😙諗左好耐先決定到食咩🙈因為太多款好難揀😝最後揀左避風塘鮮魷😋我覺得呢個有驚喜🥸因為我本身好鍾意食蒜，所以對避風塘都好有要求，呢個味道食落香口少許辣之餘仲帶點甜👍🏻而鮮魷食落同出面唔到，佢比較大件食落又唔會好韌仲好鮮味👍🏻👍🏻食咁多油膩野最後叫左個啫啫唐生菜煲🥬連呢個食落都咁野味好有鑊氣，真的好好味😋最衰得3個人，多人啲可以試多幾款唔同既菜式🤭飲品我揀左杞子龍眼菊花蜜清下熱氣😄揀凍飲冰冰涼涼喉嚨好舒服😚朋友揀左杯Hoegaarden Rose玫瑰味啤酒🍻佢地話味道唔錯有玫瑰清香味道🤭我就唔飲酒真係唔知幾好味😆整體來講我好鍾意，下次同屋企人再黎試埋其他菜式😙

大排檔嘅菜式不嬲都出名好好味不過大部分大排檔都係無冷氣楚撚記大排檔就唔同喇除咗小炒夠晒鑊氣之外最重要嘅係佢有冷氣🌬環境亦都好乾淨舒適咁就唔洗食到大汗疊細汗💦餐廳係長期大排長龍想食一定要訂檯呀‼️🔸七味黃金炸一口金磚豆腐🔸菠蘿拔絲咕嚕肉🔸香爆黑椒牛仔骨煲🔸楚撚豬油撈飯楚撚記嘅小菜真係好有鑊氣，全部都係即叫即炒，又多款揀。一口豆腐炸到外皮勁香脆，但內裏嘅豆腐就好嫩滑，形成強烈對比，再加埋七味粉同椒鹽，食落好惹味🤤咕嚕肉份量都幾多，有別於傳統大排檔，楚撚記嘅擺盤好精緻，呢道菜真係有個拔絲伴碟，咕嚕肉個汁酸酸甜甜，非常開胃😋牛仔骨煲上菜時都仲炸炸聲，聞落超香流哂口水，佢個黑椒汁調得好惹味，唔會太辣，咸度亦都適中，牛仔骨炆得好腍，亦都有好多肉，唔會淨係得骨，非常有誠意👏🏻豬油撈飯真係要試吓，將豬油同豉油配埋香蔥去撈飯，真係無得輸，兩三下就食哂成碗飯🤣食完仲有糖水揀，有蕃薯糖水同綠豆配清心丸，我地每款都要一碗，兩碗都唔會太甜！清心丸煙煙韌韌好好食

間唔中都想食下大排檔既鑊氣小炒，呢間楚撚記真係久仰大名，想食好耐，開業至今都人龍不斷，除左野食好味抵食之外，仲要係黃店黎🤩好少大排檔係黃店。今次黎嗌左幾款小菜，款款都冇令我失望，唔怪之得咁多人幫襯，不過記得黎食既話最好預先訂左位先，如果唔係黎到都唔知要排幾耐隊先有得食。  要注意呢度有限制用膳時間一個半鐘頭，如果係想慢慢食慢慢坐同朋友吹下水既話就未必啱la。不過呢度既野食真係覺得係高質過出面一般大排檔，價錢又唔算特別貴，仲要最後每人會送一碗糖水😍有得揀熱既蕃薯糖水或者凍既清補涼，食完啲煎炸炒既熱氣野，飲翻碗即刻感覺清熱左。1️⃣香煎黑松露手打蓮藕墨魚餅（$96）一咬落有少少汁，勁彈牙食到粒粒墨魚肉，仲有陣陣黑松露味🤤加埋一啲蓮藕粒粒增加成個墨魚餅既口感。呢個可以話係傳統既墨魚餅既進化版！其他地方都食唔到呢種味道。  2⃣️燕麥金沙蝦球（$98） 蝦全部剝曬殼，比鹹蛋黃包住，面頭仲有啲燕麥片，多一層脆脆既口感👍  3⃣️難忘漁港蝦醬骨（海山骨）（$98）第一次食呢到菜，其他地方好似冇乜見過。一食落口，真係驚呆左😳蝦醬味道真係諗唔到咁濃。而且豬扒炸完之後依然好juicy，肉質夠厚。  4⃣️蜜椒薯仔牛柳粒

荃灣人龍店，每次行過都一定有人排隊等位，門口大大個牌坊「楚撚記」是也。一入門口同傳統大牌檔好唔同，就係佢地方企理唔會污污糟糟咁，行上二樓見到佢掛住一張食物相就已經好期待食佢啲小炒了一坐低睇下order紙，發覺佢嘅食物唔貴，價位正正常常，咁我哋一行七人就瘋狂咁剔，一共叫咗14個小菜同一個老火湯。就等我講下今晚食咗啲乜先。七味黃金炸一口金磚豆腐($68) - 豆腐炸得外脆內軟，加埋面頭大量風砂碎同吃好有大牌檔風味，表層鹹味與豆腐平衡得宜，好吃。秘製辣酒煮花螺($128) - 鍋連火蠟同上，啲辣酒係越煮越辣嘅，秘製辣酒出色有明顯玫瑰露味，花螺唔會好似坊間俾啲唔新鮮臭貨你，全部都係新鮮貨，重點係啲蘿白浸係入面，蘿白全部有揀過無渣，個煲一路煮佢一路入味，辣酒同花螺味係入晒係啲白蘿到，好食。白灼八爪魚仔配秘製惹味醬汁 ($98) - 八爪魚仔灼得剛好，一啲都唔韌，係脆口嘅，惹味汁酸辣適中，底層牙菜多汁，加埋面頭蔥花姜同吃，好食。黃金椒鹽粟米 ($65) - 依個好食，鹹蛋黃完美咁查上粟米面，椒鹽同蛋黃原來係好夾但同時又唔會搶走粟米嘅甜味，依個嚟到楚撚記一定要食。金沙黃金白飯魚 ($78) - 火口