一福

去開深水埗買野，行行下肚餓想食日本野，就入左去一福試試！餐廳唔大，不過無諗過可以自己用手機落單，方便又快速，唔洗一陣就落好單等食喇！首先黎既係一福刺身盛，$198黎講真心唔算多，不過魚生都好新鮮好鮮甜，最無諗過既係連海膽質素都好好，鮮甜無腥臭味，好食！第二個係一福卷，有海膽有吞拿魚腩有三文魚子，細細件唔會膩，又滿足到一次過享受三種奢華既享受，只係啲吞拿魚腩蓉一次過放係上面好難分，好容易散開。另一個卷物係明太子吞拿魚卷，明太子令成個卷辣辣地，好好食，我覺得好食過一福卷，而且好平好抵食，中意明太子一定要試！！！主食我地叫左雜錦刺身丼，因為角切刺身淡淡飯都有刺身食，而且易啲分。冇諗過刺身嘅種類都唔少，有油甘魚，三文魚，希靈魚，甜蝦，帆立貝，吞拿魚...而且仲送麵豉湯，難得嘅係佢啲麵豉湯有加到魚肉落去煲，比一般麵豉湯鮮甜。冇諗過喺深水埗區都可以食到咁高質素嘅日本野，雖然係同區黎講佢比其他餐廳貴，不過我覺得係物有所值嘅！…Read More

今日去左鴨記買電話卡，再去埋黃金中心買電腦💻嘢，行到攰，於是搵嘢食，見呢間日本🇯🇵餐廳咁旺場，再睇下門口Menu，咦，望落唔錯喎，一於就呢間啦🤗店內設計好有東洋風，右邊係廚師工作嘅地方，面前一排吧枱，另一邊是單邊卡座，人客都有七、八成滿😀除左主打刺身、壽司🍣、丼飯之外，我特別比佢呢個甜品拼盤吸引，一於Order定，因為製作需時😅［一福刺身盛］$198，七款刺身包括鮭、油甘魚、帆立貝、赤海老🦐、拖羅、赤貝和海膽，賣相吸引，未食已經口水流😬鮭魚刺身鮮甜味美，入口冰凍新鮮感猶如即場捕獲一樣，厚度十足，海膽真材實料，一個字「鮮」，吃得我十分滿足😍自選五款刺身丼$98，有十多款比客人選擇，丼飯加入香醋是正宗日式造法，估唔到喺深水埗都食到咁正宗嘅丼飯，連埋飲品和麵豉湯都係收$98，抵👍🏻而且質素絕對係我嘅預期至上，有圖有真相😍終於到我期待的甜品併盤$99出場，最吸引我的是透明狀的水信玄餅，震騰騰的，晶凝通透，入口不會太甜，滑嘟嘟；還有心太軟、咖啡味奶凍和軟雪糕，一時間都唔知食邊樣好😬特別是呢個紅豆抹茶厥餅，厥餅本身沒有什麼味道，但沾上粉末和紅豆蓉，又非常之匹配，絕對值得一試👍🏻總括而言，整體食物質素唔錯，服務又好，環境整潔舒適，況且價錢唔貴，難怪咁多人幫襯🤗…Read More

買完電話卡又到食飯既時間，去完外國返黎真係好掛住日本野，係黃金附近見到呢間一福，應該係新開既，見到幫襯既人都幾多，咁我都去幫襯下呢度有壽司，刺身丼，小食，烏冬，甜品！首先就叫左個一福刺身盛，有7款刺身，分別有三文魚，油甘魚，帆立貝，赤海老，拖羅，赤貝同海膽，$198黎講都算幾抵食，質數都唔錯，幾新鮮！跟住要特別一提嘅係壽司，餐廳用嘅係赤醋飯，唔係好多地方有得食！壽司我哋叫咗三文魚腩，墨魚，馬刀貝，海膽， 黃金蟹膏，帆立貝，幾好味，價錢合理！呢度嘅甜品都好吸引，本身想叫甜品拼盤，$99有五款唔同嘅甜品，可惜雪糕機壞咗，店員話會用芝士凍餅黎代替，但由於媽媽唔太鍾意食芝士，所以最後叫咗佢最鍾意食嘅厥餅，配埋紅豆蓉，煙煙韌韌好食，又唔會太甜！就算唔係食飯食甜品都可以！…Read More