O&S

約舊同事敘舊一行三人，突然好想食齋，就上網查吓邊到有好嘢食，見到介紹一心素食，睇到相原來係新派素食，就約朋友試。我們叫了一個2人餐，再加散叫其他小食同甜品，二人餐（叫了姖松茸豆腐湯素翅，這個似街邊碗仔翅，味道ok；配風芝士年糕，好味；跟招牌一心炒飯，飯炒得乾身同埋一粒粒好味；秘制神仙香芋（芋頭魚），份量少不過味道ok；跟頂級鮑汁雙菇扒鮮蔬，這個普普通通冇特別，由於我哋唔要餐飲品轉了2碗糖水（雪梨雪耳糖水，夠滋潤👍🏻）另叫了一個小食酸齋，好細碗和凍，所以唔值得叫，再加$10叫了一個甜品係芒果千層蛋糕，芒果不酸，味道好味，但好細件。整體來講份量不算太多，但味道都OK，價錢合理，不妨一試…Read More

日日大魚大肉，係時候食返餐清清淡淡，去清下腸胃。之前試過一心素食的午餐，簡單好食，今次試一試晚市，唔知會唔會有驚喜呢！位於鴻圖道的工廠大廈內的一心素食，由牛頭角站行過去只不過數分鐘的路程，方便快捷。餐廳佈置簡單，似茶餐廳格局，乾淨企理。除了有一人套餐外，還有2,4及6人餐可供選擇。齋菜款式甚多，有純素、蛋素、奶素等選擇，下單時必須要跟店員溝通清楚。我們點了個二人餐$259，包括一湯一小食及二主菜，另外送炒飯甜品及飲品。姬松茸豆腐湯素翅除了姬松茸、豆腐及素翅外，還有金菇及鮮冬菇等全部切成絲狀，有點似外面食的碗仔翅，加了點胡椒粉調味，味道不錯。牛蒡湯水餃8粒水餃外觀跟平時食開的分別不大，每隻都是脹卜卜，咬開後餃子皮較厚，裏面有牛蒡及紅蘿蔔等，有蔬菜汁，比較清新。菠蘿咕嚕肉咕嚕肉有青紅黃三椒及菠蘿配搭，色澤鮮艷奪目，味道方面，咕嚕肉彷真度勁高，以為自己食緊舊豬肉，肉質跟豬肉勁似，難辦真偽。不過有點失望是整碟大部份都是配料，咕嚕肉份量極少，應是一大鑊煮出來分得不夠均勻，有待改善。秘制神仙香芋即是芋頭魚，外觀精緻，外層有點酥脆，芋頭很綿，不過比較滯。一心炒飯炒飯飯粒分明，而且不油膩，有冬菇、蛋及葱等，非常爽口。薑蜜薑味濃郁，帶點辣味，不過加了蜜糖中和，不會太辣。千層蛋糕 (另加$10)芒果味的千層蛋糕比我想像中硬，因是放過冰箱再取出，中間的芒果芯是冰來的，味道其實不錯，不會太甜，就是硬了點。總括而言，齋菜外觀跟普通的小菜相似，但味道不俗，不太油膩，食落去唔會食到成肚油，非常清新。…Read More

朋友的公司在牛頭角的新式工廠大廈，今天上去跟他交收順便一起去吃飯。他說附近有間不錯的素食店，所以跟他去試試。一入到去見到有8成入座率，原來是適逢初一，兩個男人叫了個二人餐，似乎不太夠飽，再加多了一碟炒麵。姬松茸豆腐湯素翅：湯很杰身，有幾款不同的菌類，冬菇、金菇最多，菇味香濃有咬口，味道很清淡。酥炸三拼鮮菇：外觀精緻，有點似炸魷魚，有雞比菇，金菇等，外層的粉漿比較厚，但炸得得香脆。香煎腐皮卷：賣相比較一般，上枱時比較散亂，不過腐皮炸得非常香脆，裏面的餡料不多，只有少許冬菇。黑松露秋葵炒滑蛋：黑松露很香濃，每啖蛋都充滿著松露的香味，反而秋葵有點鞋口，不夠爽脆。一心炒飯：有菇、蛋及葱等配料，炒得非常爽口。特色干鍋星洲素海鮮炒淮山麵：外觀及味道跟星洲炒米非常相似，素火腿跟真的味道一樣，完全分不出真假，淮山麵質感爽口彈牙，炒麵有點辣味，為整餐素食帶點刺激，是全餐最好食的一味。薑蜜：薑的辣味再加上蜜糖味，辣中帶甜。腐竹糖水：表面有層腐竹皮比較稀，味道不太甜，只有腐竹水完全無其他配件，有點單調。總結：炒淮山麵是整餐的亮點，雖然整餐比較清淡，但味道不錯，價錢便宜，值得一試。…Read More

預先用TABLEMAP訂位, 既可儲分黎到又唔洗等位~ 餐廳好大, 我地一行3人都被安排坐一張6人檯, 不過檯偏高所以就坐得唔多舒適, 而且冷氣又唔夠, 有D侷~食物選擇頗多, 份量又大而且味道唔錯, 我地3個點左個二人餐另外加個炒麵, 都有剩pack左兩盒番屋企~二人餐包括: 一個湯 、一份小食、兩款小菜、兩份甜品以及兩杯飲品, 另外會送一客一心炒飯。我地就揀左海皇金湯翅、黃金炸素魷魚、芋頭魚、竹笙羅漢上素齋, 味道大致上都唔錯, 只係個湯唔夠熱影響左質素。「一心炒飯」應該係餐廳既signature dish, 味道果然唔錯, 雖然係跟餐送但都足料又大碟。其實3個人食二人餐係夠既.. (當時大家都已經飽, 每碟都有剩), 只係之前睇其它食評見到呢度有道「淮山麵」幾特別, 所以都點左一碟黎試, 味道一般而且偏油, 同埋唔講係唔覺佢係淮山制品, 試一次就夠了~最後, 我地要左一碗是日甜品「蕃薯糖水」, 另一份甜品就加$10轉成千層糕, 兩款既味道適中, 唔會太甜~總括而言, 呢餐係抵食又好味既, 不過如果所有飯菜都可以再熱D就更佳啦~…Read More

今次同朋友一齊食晏, 朋友係食齋嘅所以我哋今次就揀咗一間位處於觀塘工業區裏面嘅素食餐廳.餐廳環境十分之闊落!午市精選套餐餐牌坐低之後好自然就拎起個餐牌睇睇!發現呢道嘅午市精選套餐其實都幾抵食下,平均50蚊左右免加一就可以食到一個餐, 而套餐嘅內容亦十分之豐, 包括咗一個餐湯, 一個前菜, 一個主菜,仲有飲品同埋甜品, 可以話係性價比什高!晚市套餐餐牌雖然我哋今次約咗係食午餐,但係因為我同埋我嘅朋友都十分之肚餓,睇完餐牌之後我哋一致決定選擇分量較為多嘅晚市套餐, 我哋今次揀咗嘅係一個二人套餐, 249蚊包兩杯餐飲, 一個冷盤, 一個小食, 一個炒飯, 同埋兩個小菜, 仲有包埋甜品㖭! 咁我哋今次揀咗嘅菜式包括有:秋葵包絲撈起, 特色一心雜菌pizza, 一心炒飯, 石鍋雜菌茄子猴頭菇, 椰香紅咖哩鮮蔬素肉腩!喺啲嘢嚟齊曬之後影返張相!秋葵鮑絲撈起 呢一道菜秋葵鮑絲撈起係一道冷盤以烏冬麵為主, 然後配上沙律,呢一道菜完全適合夏天食, 超fresh,加上有秋葵, 雖然麻醬唔多, 但係本身秋葵會有膠質, 所以就算無醬都係唔會好乾!特色一心雜菌pizzapizza餅底係手抓餅, 比起正常pizza底唔會咁油, 芝士量超夠, 上面材料係菇菌同彩椒, 本人平時比較少食彩椒, 因為怕彩椒隻味道, 但係依個同芝士搭配剛好可以覆蓋個隻味而又令口感豐富左!一心炒飯呢一道一心炒飯內容有冬菇,雞蛋,紅蘿蔔,合掌瓜絲, 炒飯呢就有鑊氣大亦都唔會炒到好燶或者太多油,個炒飯口感好Rich, 我諗係因為啲材料切得好細粒!石鍋雜菌茄子猴頭菇呢一道石鍋雜菌茄子猴頭菇,內容主要有茄子同埋猴頭菇, 猴頭菇呢就十分之彈牙,而茄子就好新鮮, 呢一道菜裏面還有一啲好似肉碎嘅素食材料,味道較為清淡容易入口,好適合一啲唔鍾意食太鹹嘅朋友!椰香紅咖哩鮮蔬素肉腩呢一道椰香紅咖哩鮮蔬菜肉腩, 內容十分之豐富有西蘭花,椰菜花,紅蘿蔔,合掌瓜,芋頭,西芹同埋冬菇,再加上素肉腩, 椰香同埋咖哩味十分之明顯!但係唔會太過辣! 素肉腩入口嘅時候真係有啲似食緊牛腩!成個套餐包埋餐飲同埋甜品(泡芙兩粒或者麻薯紅豆未)249蚊, 呢個價錢嚟講其實都幾抵食! 整體嚟講呢一間餐廳嘅食物唔會太鹹或者太濃味,好適合嗰啲唔多食味精又或者鍾意食清淡口味嘅人. 餐廳價錢合理, 性價偏比高! 地理位置都算唔錯係正觀塘工業區裏面唔難搵, 餐廳裏面嘅用餐範圍亦都十分之大坐得十分之舒適, 好適合三五知己嚟傾計食齋菜!…Read More

晚飯的時間，我和朋友路過這間吃素食的餐廳，看到店內環境寬敞，富有空間感，給我們一種得舒適的感覺，而餐廳內的顧客也很多，所以便決定入去試一試菠蘿咕嚕肉賣相光澤誘人，顏色鮮豔，菠蘿甜中帶微酸，嫩滑細密又軟綿綿的咕嚕肉，加上自家製的醬汁，整體配撘恰到好處，份量又多牛蒡湯水餃薄身又鬆綿的水餃配上自家制的牛蒡湯，味道清鮮甜美海皇金湯翅清新淡雅的翅加入一些細碎和清幽的菇，配上醋，味道微酸，很開胃西芹腰果炒素丁西芹十分新鮮和爽口，爽脆和香口的腰果，都富有水分，份量很多一心炒飯細碎的瓜，幼細的菜，白茫的炒飯，味道偏向清淡，份量合理整體來說，食物質素很高，價錢相對合理，店員給我一種友善親切的感覺，所以我覺得這間餐廳值得再去惠顧…Read More

想食清淡啲，晚餐揀咗素食。環境大，乾淨。可能因為區廠區或星期二關係，無book枱都有位。其實離牛頭角地鐵站10分鐘路程左右，唔算遠。我地5個女仔叫咗4人餐，1碟炒飯加7個餸加4杯野飲加4份前菜同4份甜品，夠食之餘仲有剩，每人大約$120，抵食。本人好鐘意食咕嚕肉，所以點咗菠蘿咕嚕肉，面筋口感好似真肉，汁好味，唔會太酸，唔會好茄汁味。整體野食好食，美中不足係果日無晒芋頭魚。我覺得食素一定要試芋頭魚，唯有下次再試。…Read More

和素食朋友慶祝生日 黎到呢間環境唔錯 價錢相宜 食物份量個人覺得較少 （可能係我比較大食xd)選擇都算多味道我覺得唔錯 以呢個價錢黎講算幾好 適合一班朋友或家人黎食臨走前送左幾杯蘋果汁俾我地 味道較淡 似係加左水 但天然冇落糖 同埋送就唔計咁多…Read More

家住觀塘區的朋友，說是想試一下素食，因素食給他健康的感覺，於是與他一起到此在工業區內的素食餐廳。雖是素食，內部裝修看似酒樓，卻又有茶餐廳的特色，感覺頗為特別。二人坐在一角，卻不時有客人到訪，似乎在觀塘也有不少喜愛素食的，不知是否原素食者，還是與我們一樣的想法？餐牌也很多，問及店員，我們二人的話，套餐是方便及優惠之選，我們選擇了二人的套餐。最先為我們送上的是兩份沙津，看似中式的素食，卻有西式的沙律，而且還很西化，是配上沙律油，雖不怎突出，在晚市也保持新鮮，配上合適的沙律油，的確值得一讚。日本炸甘粟紫薯餅，外脆內軟，咬口軟綿綿，卻不太熱，紫薯甘甜可口，天然的甜味非常吸引，胃口大開。前菜吃過不久，就送上湯羹，上菜時候控制非常好，一般餐廳也接不上來。姬松茸豆腐羹，姬松茸的味道非常濃郁，我對菇菌類也算喜愛，那種菇菌味尚可接受，可是好友就不太習慣。姬松茸雖濃，可是湯羹本身卻清淡非常，湯羹本身卻濃稠稠的，不是稍後攪伴多次就變成有如水一樣。蟲草花羅漢上素齋，鮑汁雙菇扒鮮蔬，同時上枱，可是不論用料及顏色上也差不多，可見是較傳統的一派。用料雖是差不多，卻不是煮得爛爛一樣，不論是蔬菜，豆腐乾，冬菇等，都是很有咬感，也有味道，卻又清淡，吃不到多糖多鹽的感覺，假使吃到底，卻看不到有油，不如茶餐廳一般，用油多如水浸一般。一心炒飯，雅淡的顏色，蔬菜及蛋伴著，雖沒有茶餐廳的鑊氣，同樣地不鹹，也沒多油份，炒飯很一般，仍是勝在健康之感。甜品是南北杏燉蘋果，蘋果味很香，卻又不是蘋果那種香氣四溢，糖水甜味適中剛好，似乎是來自蘋果本身的甜。此店鮮有的是杏霜，明顯是即沖的那種，仍杏仁香味很充分，濃稠稠的，不需加糖就剛好的甜味，非常喜愛。對於喜吃的我，雖不太受濃味，此店的素食，很清淡，低糖低鹽低油份的，或許有點不太習慣，可是卻是如此健康的感覺，對於健康有要求，以及真正的素食者，的確是值得推崇，值得讚揚。…Read More

朋友是素食之人, 他相約我官塘工廠區食晚飯 ~ 一心素食 .在街見到一心素食二拉架 介紹 2 人套餐只需 HK$249 及有得預訂素盤菜.位於官塘鴻圖樓3樓店簡潔以白色為主裝修,地方舒適.* * * * *點了二人餐前菜豆腐沙律滑溜溜豆腐及新鮮沙律菜,配芝麻醬,非常開胃.* * * * *冷盤素鮑魚撈起 (蛋素)撈起寓意一生運財,風生水起,好意頭新年菜式.這撈起十分豐富,有以切好條彈牙素鮑 ､爽甜蘿蔔絲､ 爽口青瓜絲 ､新鮮生菜絲等, 而下面有好滑烏冬,配合芝麻醬撈起來食,非常清新好食.* * * * *小食酥炸三拼鮮菇三拼鮮菇有白玉菇 ､靈芝菇 ､雞脾菇,菇外層非常熱辣香脆,而內層保持菇甜鮮味不乾,沾點沙律醬更滋味,必點小食.* * * * *自家秘制南乳素肉腩石頭鍋這石頭鍋內有好有質感素肉腩､好軟蓮藕､枝竹､花生等,配咸咸地南乳汁,非常好送飯.* * * * *百結炒東坡素肉塊有東坡素肉塊,口感好似真肉有肥膏口感,配打結腐竹及紅黃椒一齊來炒,但汁不夠惹味呢!* * * * *一心炒飯炒飯有內什菜及冬菇等,說到飯粒炒得好乾身,好好味,* * * * *香甜水蜜桃布甸及蕃薯糖水當然二人餐有餐飲啦! 忘記拍照在出入口旁, 有售素食乾糧及飲品呢!…Read More