珞桐冰室

星期日懶懶散散，去咗珞桐食下午茶。之前食過早餐覺得普普通通，奶茶味道過得去，今次專程嚟試下午茶。坐底見個小妹妹同爸爸食緊焗雪山，亞姐又 sell, 問吓妹妹好唔好食佢話好 (其實小朋友實鍾意 🤣🤣)，佢爸爸又話呢個唔飽肚，咁我哋就叫一個啦，然後加個一口蜜糖多士，落咗單最少等 15分鐘，先上焗雪山，初初好驚喜，好好味，食食吓有"了"到粒嘢。 。 。 點解焗雪山會生蛋嘅。 。 。又似粒粉粿 。 。。原來係雪米糍，又幾得意喎，但再食就有啲漏囉。 。 。跟住再嚟個一口蜜糖多士，多士好香口，但蜜糖只淋到面上，所以食到中間有啲乾。兩個甜品都有餐茶送，咁嘅價錢算係好抵食，下次再試其他咸點先。…Read More

由大圍踩單車到大尾督後，已經又攰又餓，係大尾督入面搵唔到想食嘅野，記起早前友人推介而未有時間光顧嘅珞桐冰室，佢話比一般大型連鎖店更好食，既然一場黎到大埔，冇理由唔去試下吖好彩係平日唔算多人，唔使等位就有得坐喇，一坐低就見到個周圍附近都係食一口蜜糖多士，就跟風都叫返個黎食而男友就試生炸雞脾配薯條，覺得生炸個名好吸引等了不算太耐，我的多士先到了，看到金黃色的面包真係好吸引，影左張相已經忍唔住口要試下，果然很脆，多士就係要夠脆先好食！！如果要挑剔的話，蜜糖略嫌少左啲，係咪覺得食客唔會食哂所以冇俾咁多呢？定係可能怕啲人覺得太甜？唔夠甜就會硬係爭少少，如果枱面有蜜糖俾客人自己加就更好喇食左差唔多一半多士嘅時候，雞脾都到喇，睇個樣好似都幾乾喎，相比之下，啲薯條有啲白，食落去好彩個雞脾唔係炸到太乾，可惜啲薯條墊底搞到腍哂，最後男友放棄最腍嘅幾條薯條如果兩樣分開放就會好好多啦，或者用一個大啲嘅碟都唔會疊埋一齊放啦整體黎講，個多士真係幾好食，值得推介架，炸物唔係咁出色，下次要試埋朱古力味多士先得！…Read More

終於嘗試了大埔著名的冰室！可能已經是下午兩點多，所以不用排隊。這個冰室位於街市內，其實環境並不像冰室，反而較像街市內熟食中心大排檔的樣子。珞桐的小食還是飯麵類都是包飲品的，如此價位（$2x-$3x）實在是十分抵食！飲品其中一杯是阿華田，值得一讚是它相當濃味，並沒有因價格便宜便把阿華田粉溝稀。首先！當然來個必點的一口蜜糖多士。很脆很脆很脆，爽爽的！如果蜜糖再多點更佳！不過我們點的原味，不知為何灑上了杏仁粉，可能是為了美觀吧⋯⋯玉桂不喜歡杏仁的味道，但因為它很脆口，惟有愛屋及烏了。另外點了焗芝士雲吞（配沙律）。可以選配薯條，但我們選了沙律。沙律很多醬，又有水果又有薯仔！珞桐的雲吞是中西混合的，中式的薄薄雲吞皮配上西式的雲吞餡，很特別很美味。重點是很多很多芝士，很適合玉桂這個芝士怪！最後點了焗茄汁豬扒意粉，另外還有其他汁和飯作選擇。豬扒很大塊，但仍然很入味！意粉都很入味，不過已經略發漲了，但這個價位而言，已經很值了！雖然是下午茶時段去吃，但其實兩個女生是去吃午飯，所以輕鬆吃掉三種食物，就是沒肚子再點還餘下的一杯飲品！…Read More

係寶湖街市遊走左陣都未搵到，不過佢咁出名早知一早問個街坊去到已經見到排隊既人龍，驟眼見有2個用餐區，2邊都勉強坐到大約十幾二十人。街市環境大家都係為左美食先黎，都唔會話坐好耐都唔走，所以等左20分鐘到就輪到我地喇坐低唔洗諗咁多即刻叫個一口蜜糖多士（$24連咖啡/茶！今時今日真係抵到爛）。烘多士需時又另外等左15分鐘頸都長埋...登登登主角出場！嘩～D厚多士方形粒疊到3屠高，睇佢烘到咁金黃就知一定好香脆食落口真係quach一聲咁脆（略乾身）多士除左蜜糖仲灑左d杏仁碎片同糖霜，令多士更加香甜。十幾粒多士旋風式落左肚，得番條包邊。平時都好鐘意食包邊，不過依個真係烘得乾過頭，又唔似中間果d有蜜糖滋潤下，要送野飲一齊食先得...飲品＋$2要左凍咖啡，口乾得濟未影相就飲左...哈哈其實佢面頭有d咖啡粉嫁，飲落更重咖啡香～P.S. 第2次黎食左一口杏仁朱古力多士，本身個多士既配料唔似出面咁又有生果又有cream，所以配朱古力醬比起清甜既蜜糖好似多d味覺上既刺激…Read More

自從一位大埔友朋友帶過我過來一次, 我就久不久會自己來這裡雖不好坐, 大排檔格局.但食物高質抵食下午茶時間4:30左右到, 很幸運很快就有位了~餐牌選擇很多, 中西合壁, 平均$30樓下有找另外還有一個粉麵餐牌, 我就沒有拍了芝士火腿牛角包 - 平常茶餐廳絕對不會有的牛角包,賣相一般,有稍為熱過有一點牛油香味但不鬆化, 火腿是一般火腿但熔化了的芝士很出色,  想平平地過下口癮非常足夠蜜糖芥末豬扒包 - 推薦!!!這是我必叫之選!CP值超高豬扒厚度適中, 半煎炸成金黃色, 熟度剛好小juicy;麵包表面焗成微脆, 看連芝麻都是金黃色的;夾有蕃茄生菜, 再加上蜜糖芥末醬, 大愛!一口蜜糖多士 - 推薦所有一口多士~~~第一次食的話真的很難相信在街市裡有那麼精美漂亮的疊疊多士麵包有3CM厚！切成粒粒狀再烘成多士，所以每一粒都是香脆的上面洒上糖霜和蜜糖增加風味，墊在最低的是麵包皮也是烘過的！我們吃到一包都不剩呢大部份餐點均送飲品！飲品質素則一般，不會偷工減料但沒有特別出色～總結:環境很簡陋但食品物超所值！還會再來的…Read More

味道雖然唔算一流，但都總算唔錯，地點喺街市入面，有冷氣, 零裝修，摺枱摺椅其中一大賣點係好抵食, 呢個陣容只需$82!兩杯朱古力咖啡都唔錯,不過要加$7,另外見同枱飲熱啡,聞落幾香,鍾意coffee嘅都可以試試.…Read More

襯星期日時間,去左屋企附近的一間冰室,原來這間舖頭都係7月尾岩岩先開張架咋!地點係街市裡面位置.舖內需然細細地但都可以放到幾張台架,同埋都幾多人Wow.好多台都滿晒 但係難得廚師兼老闆阿Man 用心製作特色小食:一口蜜糖多士 未食就係睇個樣都有心思啦 一食之下多士非常鬆脆,而且好有BBQ蜜糖麵包的味道與及也方便一些女士一啖一啖咁食 仲有招牌珞桐PIZZA ,Ymmy .  厚厚的吐司,材料也好多而面層芝士一流好味.唔單止咁連埋套餐都係廿幾蚊,抵食 !!! 而我最喜愛就係呢度既咖啡,簡直係高級餐廳水準 不過我唔記得左影相~~ he he下次我要去試埋早餐同佢既其他特色小食先…Read More