月尾出街食飯用盡訂座優惠，唔使等位又可以舒舒服服平啲食餐好，而且一啲小眾餐廳都好有特色，分分鐘有驚喜𠻹！今期介紹呢幾間餐廳有5折起優惠，即睇邊間啱你心水啦～
Owens 新出黑芝麻系列 / 晚市優惠套餐低至$108 
圖：呢間Cafe以提供悠閒舒服環境為設計概念，裝潢走清新風格，無論嚟享受Me Time或聚餐都唔錯。晚市優惠套餐低至$108，如意式芝士肉醬焗千層麵、意式西西里虎蝦意粉、美國牛小排燒汁意大利飯等10款選擇。餐廳仲不定期推出新款甜品，而家就有黑芝麻拿鐵同黑芝麻提拉米蘇！拿鐵用上日本九鬼芝麻粉，香氣濃郁；而提拉米蘇嘅咖啡味同黑芝麻都好夾，令甜苦之中多一份層次感。
湊湊火鍋‧茶憩 (尖沙咀) 新台午饗 半價超值 / 堂食火鍋單點8折起
圖：即日起至7月29日，「新台式午餐」5折強勢登場！餐廳每日精選1-2款精緻午市套餐做5折特惠價，其中海鮮麵食按口味加入蝦、鮑魚、蜆、魚片等食材，輕盈又鮮味，夏天食幾舒服。另外Early Dinner同宵夜時段嚟打邊爐，單點食品都有8折起優惠，咁嗌多幾碟牛肉同海鮮就更滿足啦～
圖：一間糅合意大利、法國同東南亞元素嘅西餐廳，味道同食材配搭都帶畀大家新鮮感～好似Mozzarella芝士焗生蠔‧炸紫菜帶子配芒果莎莎，以唔同烹調手法凸顯海鮮嘅鮮味；而香茅燜乳鴿配法式鵝肝多士、麻辣四川意粉配虎蝦都係特色fusion菜之選，當然肉食控最愛嘅西冷牛扒都一樣有供應。
圖：秒速踏陣東京！呢間居酒屋以東京嘅eki (火車站) 周邊環境為設計靈感，而昏暗嘅燈光增添神秘感，夜晚同朋友嚟邊食邊偈好啱feel。主打嘅爐端燒同串燒火候控製得恰到好處，雞中翼串燒皮脆肉香，烤舞茸內裡仍保持軟嫩；仲有厚身嘅和牛三文治同吉列蝦手卷都值得一試，前者和牛漢堡扒咬落有肉汁，後者炸蝦幾大隻，搭配醃酸瓜同吉列醬汁中和油膩感，鍾意食香口菜式嘅朋友一定啱！
Lunch想獎勵自己？不如打邊爐開心吓～呢間港式火鍋餐廳午市有一人同二人火鍋套餐，提供素食、肉類、海鮮同日本和牛主題，再配餃子、丸子同蔬菜拼盤，豐富得嚟又照顧唔同口味嘅朋友仔。可能你會諗「肉類」同「日本和牛」有幾大分別，前者肉盤提供美國高級雪花三角肥牛、內蒙特選肥羊同埋熊本黑豚梅肉三選一；後者就選用宮崎A5和牛，都係各有捧場客嘅款式。
Bagaicha Restaurant & Bar 單點及晚市套餐9折
圖：夏天冇咩胃口，不妨食吓咖喱或香料味較重嘅食物提高食慾。呢間主打印度菜同尼泊爾菜嘅小店，提供輕食同肉類料理，大小胃子都照顧晒！好似尼泊爾餃子Momo就有9款口味，包括雞肉、豬肉、素菜等，配埋特色醬料juicy又惹味；另外Bagaicha Thali set、辣味炸奶酪、羊肉Masala咖喱都唔錯，價錢仲好親民𠻹～
無論約會或同朋友嚟個二人聚餐傾密偈，日本菜都係唔錯嘅選擇，呢個晚市2人餐就有齊沙律、刺身、燒物、鐵板燒、天婦羅、鍋物同甜品，由清新鮮味到香口菜式都有，味道層次多變。好似龍蝦沙律、日本海膽刺身，真鯛刺身等入口爽甜；蒲燒鰻魚、鐵板燒蒜片牛柳粒同松葉蟹棒天婦羅就夠香口惹味。
圖：呢間西餐廳以白色為主調，又有落地大玻璃窗透入自然光，帶點慵懶氛圍，嚟食個靚lunch有種忙裡偷閒嘅舒適感。餐牌選擇幾多，好似素漢堡配薯條及松露醬、日式胡麻雞肉豆腐貝果相對輕盈啲；辣墨西哥牛肉酥餅、烤美國肉眼扒、黑椒牛柳意大利飯等啱晒牛魔王。配埋香芒蟹肉沙律、楓糖伯爵鮮奶茶等前菜同特色飲品，精神返晒嚟呀！
文：Cathy
