醬油蟹放題推介！佐敦韓國人主理餐廳醬缸任食爆膏醬油蟹優惠

1 Day Ago

醬油蟹放題推介！佐敦有間由韓國人主理嘅韓式餐廳「醬缸韓國料理」近日喺Threads爆紅，餐廳推出超抵食嘅任食醬油蟹放題，最平$468就食到。醬油蟹放題包任食爆膏醬油蟹、醬油蝦，食到回本冇難度！套餐仲有辣醬蟹、小花蟹湯、泡菜餅、炒年糕、炒粉絲等，分量十足，CP值高～

圖：FoodPraiser

唔使飛到韓國旅行，喺香港都可以食到正宗醬油蟹，而且仲有得無限任食！佐敦「醬缸韓國料理」由韓國人主理，任食醬油蟹放題有兩個套餐選擇($468起/位)，每位只需加$30就可以任食埋醬油蝦。醬油蟹同醬油蝦都係白飯小偷，隻隻都爆膏又鮮味，撈埋紫菜飯食一流！無蟹不歡嘅朋友一定要試埋辣醬蟹、小花蟹湯，配香辣泡菜餅、煙韌炒年糕、炒粉絲更加惹味。

圖：meal.fyi、foodismylife.hk