酸酸辣辣食上癮泰國菜 (1)

甜酸辣咸口味並重係泰國菜嘅最大特色，炒或煮出嘅香氣令人垂涎。泰式餐廳係港門庭若市，為咗讓大家都可以嚐到宛如置身曼谷嘅泰國菜，小編為大家嚴選咗幾間高質正宗泰國菜，希望總有一間啱大家心水！

泰道 (西貢)

泰道位於由西貢市中心走約10分鐘嘅大網仔海灘岸邊，設室內及室外座位，主打嘅是坊間少見嘅泰北菜，食品全由泰國廚師主理，香料專程由清邁等地運到，務求讓食客可一邊感受吹海風，一邊享受酸酸辣辣嘅正宗泰菜，仿如置身置身滿滿度假風情嘅芭堤雅海邊一樣，係壓力大嘅生活中relax一下!

金龍蛋 (皮蛋蝦餅)
用自家製手打蝦膠包皮蛋，然後粘上麵包糠炸到金黃色，切開後沾泰式雞醬食, 材料簡單但滋味十足，外脆內軟，係必食之嘅香口小食！

泰式香燒雞(製作需時35-40分鐘）
一上菜已經聞到好香燒雞香味，師傅用上秘製泰式香料腌制燒雞，再用220度火燒25至30分鐘，將多餘油份排出，雞皮燒至金黃色，雞肉好鲜嫩，有炭燒味道，即叫即整熱辣辣特別好食！

泰道（黃金菜）
清邁嘅地道家庭菜之一，廚師會將通菜好似天婦羅咁炸得又薄又脆，再蘸特製嘅酸辣汁一齊食，食落口感似薯片，配埋新鮮爽口又彈牙嘅蝦肉一齊食，口感清新，酸酸甜甜好開胃呀！

脆爆香茅三文魚鮫
用上辣椒、乾蔥、蒜頭、香茅等泰式避風塘風味材料炒魚油十足嘅三文魚鮫，入口充滿魚油香味又唔會膩，食之前可加上檸檬汁，入口更加清爽，更能夠帶出三文魚嘅鮮甜！

新派美味老虎蝦
泰式紅咖喱、檸檬葉、椰漿炒乾炒香後加入大大隻虎蝦，蝦肉肥厚彈牙，咖喱汁香口得來唔會太啦，非常惹味！

Thai cool (觀塘)
觀塘工廈林立，而且租金便宜，孕育了不少甚具質素而價格相宜嘅餐廳，位於觀塘嘅泰菜餐廳，環境寬趟舒適，環境富有泰國氣氛，價錢適中，性價比高。食物款式豐富且多元化，菜式味道正宗，令人有一種置身於泰國嘅感覺。

泰式鐵板蠔仔蛋
蠔仔粒粒圓滿碌碌又飽滿，食落新鮮、冇腥味，非常真材實料又香脆可口！

泰式豬手飯
豬手炆到非常入味，口感軟滑，骨膠原豐富，入口帶濃郁嘅滷水清香，送飯一流！

海南雞飯
飯煮到油而不膩，雞肉又香又滑，醬汁亦唔馬虎，秘製嘅辣椒醬富有泰國當地風味!

軟殼蟹焗巨型麵包
巨型麵包盛載住熱騰騰又香脆嘅咖哩軟殼蟹，用外脆內軟嘅麵包沾香而不太辣嘅黃咖哩同吃，很容易不知不覺就將成份食清光!

Krua Walaiphan (西環)

一Krua Walaiphan 意思係「Walaiphan嘅廚房」係主廚 Walaiphan Hanyut 同有豐富客戶服務經驗Renee Dancel 共同開設嘅正宗泰國餐廳。佢地堅持所有食物都是唔落味精，醬汁自家新鮮烹製，務求用心地讓客人可以享受到最新鮮、最高質、最地道嘅泰國美食！

小食併盤（二人份） (Starter Platter for Two)
非常豐富嘅小食併盤，包括：炸蝦餅、炸魚餅，泰式春捲、花生醬，一次過可滿足食客幾個願望！