聖誕2025｜聖誕蛋糕訂購揀邊間好？今次搜羅咗多個香港聖誕蛋糕推介，無論係星級酒店定誠意小店出品都有～甜品控預訂聖誕蛋糕前記得睇定以下推介，啱晒開聖誕派對或者拍拖慶祝聖誕節！
車厘子黑森林蛋糕 Lady M
今個冬天朱古力Fans必食甜品登場！講緊嘅係Lady M重新詮釋德國經典「車厘子黑森林蛋糕」～蛋糕沿用傳統法國朱古力海綿蛋糕，再鋪上自家製車厘子果醬，完全係升級版黑森林蛋糕!!一切開蛋糕就見到兩款獨特夾心，第1層係軟心黑朱古力忌廉夾心，用咗法國70%黑朱古力同頂級白蘭地；第2層係酒浸車厘子軟心(法國得獎item)，會食到果肉、自家製啫喱同果醬，清新得嚟又幾有咬口。
Miffy卡通聖誕蛋糕 半島精品店與咖啡廳
身為Miffy控，慶祝聖誕節又點少得可愛嘅Miffy蛋糕！半島酒店新出Miffy與Boris節日系列，立體卡通造型打卡一流，加上童趣同聖誕元素，超得意～Miffy聖誕甜品有黑森林蛋糕、椰子熱情果糕點、榛子朱古力糕點，另外仲有半島小熊糖霜餅乾，送禮自用都好適合！
精緻日式甜品POP UP URA
源自日本巴斯克芝士蛋糕Urasaki Lab品牌，以全新形象限時登港！鍾意芝士嘅朋友推介你試「日式熔岩慕絲芝士蛋糕」同埋「日式布雪糕(軟心)芝士雪糕」，前者面層加熱至半融狀態，入口幾滑；後者就帶奶油芝士香氣，輕盈綿密冇咩負擔。同場仲有日式牛油蛋糕、日式慕絲蛋糕等甜點𠻹。即食醫肚嘅朋友不妨加杯焙茶、果茶或玄米茶Balance一下都唔錯㗎。
期間限定店：銅鑼灣SOGO B2超市 (營業至2025年12月25日)
聖誕小點+造型蛋糕 森林麵包
今年聖誕限定新品有好多款(供應至12月31日)，包括3款聖誕布甸(聖誕蘭王布丁燒/蘭王布甸千層撻/聖誕老人布甸生乳包)、聖誕意大利水果包、4款壓扁牛角聖誕版同聖誕馬卡龍等等，當中融入聖誕老人、薑餅人、聖誕樹等造型，睇見都有濃厚嘅節日氣氛～佢哋仲有1磅聖誕樹開心果北海道忌廉蛋糕、聖誕松果Tiramisu蛋糕，無論想Share食或當做聖誕禮物仔咁分享都得。留意產品每日限量供應，最好預先向店家查詢供貨情況。
藍帶餅廚主理泡芙蛋糕 AW Patisserie
甜品店由法國藍帶餅師主理，以開心果麻糬撻同爆餡泡芙打響名堂，適逢節日更新出一系列精緻聖誕甜品，聖誕Party首選聖誕樹造型泡芙蛋糕，仲有多款聖誕手工撻，包括薄荷朱古力脆脆撻、熱情果牛奶朱古力撻、三重開心果士多啤梨撻、香濃榛子咖啡撻等，每款嘅配搭同層次都好豐富！甜品控喺銅鑼灣、尖沙咀都買到小店嘅出品，亦可以去旺角朗豪坊聖誕市集(2025年12月24-28日)，夠晒方便～
文：Cathy、Kylie
編：Kate
