話咁快春天就過咗，為咗令你嘅味蕾都一齊「投奔初夏」，呢間連鎖咖啡店即將推出全新嘅星雪冰系列，無論係味道定口感都帶嚟新驚喜！另外仲有全新嘅品牌聯乘商品，熱帶主題嘅花卉圖案加粉嫩配色相當吸睛。
星巴克咖啡將會喺10/5(星期三)推出兩款全新星雪冰，星雪冰係以星雪冰以意大利甜品Granita Float做藍本，裡面會有加咗果汁或者咖啡等飲品嘅碎冰，搭配唔同材料。例如菠蘿椰子啫喱星雪冰嘅底部鋪滿帶果肉嘅椰子啫喱，上面再倒入椰子水同菠蘿果汁冰，非常有熱帶小島氣息！
而特濃咖啡啫喱星雪冰就先倒入肯亞咖啡同特濃咖啡，然後鋪上咖啡啫喱同牛奶冰，口感層次豐富之餘，亦令你品嘗到唔同濃度嘅咖啡風味。
更多【飲食潮流】： |
同一日仲會有星巴克同美國生活品牌ban.do聯乘嘅商品，以熱帶氣息嘅花卉圖案襯粉色色調，有夏日氣息又不失可愛感，啱哂一班粉紅色控同花花控啦。
文：Cathy