夏日炎炎去食tea　七大消暑清新下午茶推介！

天時暑熱，梗係要食返啲清新啲嘅嘢refresh一下。今個夏天唔少餐廳都推出咗夏日限定afternoon tea set，有水果主題，又有東南亞風味，有啲仲有禮物送添！

 

呢個下午茶以各式當造苺果為主題，例如有紅莓法式小圓餅、藍莓蛋白撻同車厘子開心果杏仁蛋糕等。而下午茶必食嘅鬆餅就特別配上紅莓果醬，酸酸甜甜，同鬆餅嘅牛油香好夾。鹹點亦貫徹法式風味，有山羊芝士酥皮盒、煙燻三文魚批同煙燻吞拿魚配牛油果酱等，賣相精緻。

夏莓果漾法式下午茶
供應日期：即日起至8月31日
供應時間：星期一至五下午3時至6時；星期六、日及公眾假期下午2時至6時
價錢：星期一至五每位$258；星期六日及公眾假期每位$298

 

餐廳同日本文具KING JIM合作，以品牌主打嘅KITTA系列紙膠帶為靈感，創作出一系列嘅意式美食。迷你意式香草包拼盤有四款口味，包括橄欖蕃茄、鮮蝦露筍、煙三文魚紅洋蔥同鮮菠蘿意式火腿，色彩繽紛又香口惹味。凡惠顧此下午茶餐嘅食客仲可以免費獲贈KITTA系列紙膠帶一份，有得食又嘢送，正呀！

「文創‧清新」下午茶
供應日期：即日起至至8月31日
供應時間：下午2時半至5時半
價錢：$120一位

想係室內嘆住冷氣得感受到陽光與海灘？得！呢個tea set 以夏日為靈感，有以雲呢拿軟心朱古力同糖漬石榴組成嘅太陽造型甜點同水泡造型嘅露絲瑪莉草莓圈等，賣相夠哂呃like。仲有貝殼造型嘅Mövenpick薄荷朱古力雪糕甜品，好睇又好食。

 

夏日清新下午茶
供應日期：即日起至至8月31日
供應時間：下午3時至5時半
價錢：星期一至五每位 $148；星期六日及公眾假期每位 $168

呢個tea set顏色鮮艷，所有點心都以熱帶水果入饌，好似有香脆意大利煙豬腩卷配菠蘿、椰子閃電泡芙同檸檬蛋白脆撻等，清新消暑。而榴蓮控就一定要試下榴蓮芝士慕斯蛋糕，師傅將新鮮榴蓮蓉打入忌亷芝士奶油中，口感綿滑香濃。

盛夏鮮果誘惑下午茶
供應日期：即日起至至8月31日
供應時間：下午3時至5時
價錢：$398兩位

Superfood 藜麥係近年唔少關注健康人士嘅選擇，酒店同Aveda合作，以Superfood及藜麥炮製健康美食。藜麥豆腐漢堡選用豆腐取代肉類，感覺比較輕盈。薑味乳酪條則酸甜中帶點辛辣，相當創新。現凡惠顧兩位用下午茶，每位即可享速效修復受損秀髮體驗一次及damage remedy™體驗套裝一份。食完仲有treatment做，好抵。

夏之「麥」語下午茶
供應日期：即日起至至9月30日
供應時間：下午3時15分至5時15分
價錢：$388兩位

呢到有無鐘意飲香檳嘅朋友仔呢？酒店同法國著名G.H. Mumm瑪姆香檳合作，創作出一系列粉紅美食。英式提子鬆餅伴玫瑰果醬香甜濃郁，士多啤梨大黄慕絲蛋糕幼滑芳香。食客可以選配香檳，感覺更high！

瑰麗香檳下午茶
供應日期：即日起至至8月31日（逢星期四至星期日）
供應時間：下午3時至6時
價錢：每兩位$498配G.H. Mumm瑪姆香檳乙枝連同香檳杯一對 / 每兩位$438

tea set唔係剩係得西式嘅，呢間餐廳就以榴槤、咖央同斑蘭，設計出新加坡口味下午茶。斑蘭咖央多士即叫即炸，香脆帶椰香。榴槤雪米糍口感軟糯，榴槤味濃，啱哂鐘意東南亞風味嘅朋友仔。

 

「星洲三點」下午茶
供應日期：即日起
供應時間：下午3時至6時
價錢：每兩位$208

文：Crystal