Tanigawa (上環)
位於酒店內嘅「Tanigawa」，有格調又有高私人度。由前四季酒店日本餐廳行政總廚日本藉師傅Shigeru Tanigawa主理，以高級日式料理為主打，主要提供精緻嘅廚師發辦 （Omakase お任せ），以最基本嘅方式烹調出最新鮮嘅食材，店內所有食材都有一半食晒，碟碟都擺碟精美，配搭特別，每碟皆可見師傅嘅用心! 今次小編就試咗近期嘅廚師發辦套餐入邊嘅幾款：
（季節性）露筍 魚子醬 魚珍味
和食加上魚子醬同發酵鰹魚醬，配搭非常新鮮，和風得嚟又有fusion感！
（季節性）吞拿魚 白身魚海膽 刺身 鰻魚壽司
店內水產皆由日本空運新鮮直送，保證新鮮，入口鮮甜美味！
（季節性）牛蒡 香草炸 喜之次魚
用筷子夾開魚皮，隱約聽到炸脆嘅聲響，配着草藥鹽同蘿蔔蓉吃，分外鮮嫩。再配埋炸牛蒡一齊食，仲有助油膩感！
（季節性）和牛 蕃茄 鉄板燒
牛脂分佈均勻，師傅巧妙咁煮到啱啱好，表面酥香，質地柔嫩多汁，入口肉味濃郁，油香突出！
（季節性）無花果 抹茶雪糕 樹苺
用頂級日本抹茶粉去做，細緻滑溜，甜中帶微澀，奶香茶香並重嘅抹茶雪糕，加埋無花果蜜餞同紅豆蓉，係大餐嘅Prefecf Ending!
Mr. Teppanyak (尖沙咀)
鐵板先生以主打日式鐵板燒，晚市供應多款價位嘅鐵板燒套餐給客人選擇，店內設有新鮮水缸，海鮮即食即活捉，保證新鮮。師傅會於吧檯烹調鐵板料理時同客人互相交流、確保食物啱客人口味！亦用上十多款材料自家調製醬汁比客人選擇，非常有heart!
師傅會即時係魚缸捉龍蝦出來，保證新鮮！更會問客人需唔需要影相呃like，非常貼心！師傅仲刀功一流，簡單咁用兩個小剷就可以將龍蝦清理好，蝦肉塊塊大小一樣，切件成個過程令小編目不轉睛！龍蝦香到令人食唔停口！
北海道帶子皇
日一斤得兩隻，手掌咁大隻嘅新鮮北海道帶子皇，簡單地加入清酒、豉油、鹽、 胡椒等煎至外脆內軟，香氣撲鼻，入口鮮甜無比！
鮑魚原隻係客人面前即剝殼即燒，富有濃濃嘅天然海水味，簡單撒上海鹽同黑椒 ， 再加上清酒炒 香同切粒 ， 入口鮮嫩彈牙 ，啖啖清新海水味 ， 還有微微酒香， 肉質爽彈牙，又鮮又香 !
馬來西亞黃金老虎巨蝦
馬來西亞黃金老虎巨蝦隻隻都近一尺長，出名爽口、鮮甜、蝦膏！師傅手勢純熟咁將蝦頭同蝦身分開， 三兩下動作就將蝦殼完全起出來，蝦肉肉質鮮甜彈牙又鮮甜，蝦頭嘅蝦膏被煮晒出嚟，沾係烘過嘅白麵包上一齊食，勁香濃惹味！小編真係食到停唔到口！
馬來西亞黃金老虎巨蝦隻隻都近一尺長，出名爽口、鮮甜、蝦膏！師傅手勢純熟咁將蝦頭同蝦身分開， 三兩下動作就將蝦殼完全起出來，蝦肉肉質鮮甜彈牙又鮮甜，蝦頭嘅蝦膏被煮晒出嚟，沾係烘過嘅白麵包上一齊食，勁香濃惹味！小編真係食到停唔到口！
金石寿司 (沙田)
金石壽司係石門新開張嘅壽司店，裝飾以原木色同黑色為主，牆上掛有多幅金黃色嘅銀杏樹畫作，環境衛生又舒服。主廚兼老闆之一嘅榮哥曾任灣仔萬麗酒店松菱和食部主管，所以從選料到製作都一絲不苟，日本食材如北海道出產的根室海膽、日根島吞拿魚等通通用上，食材保證時令又新鮮，但價錢唔會離地，但求讓客人可以以一個容易負擔嘅價錢，食到高質素嘅日本料理！
選用赤身同大拖羅製成呑拿魚腩碎，加入日本長白葱喙芝麻提升香氣，再加入天婦羅碎，難怪入口時囗感咁有層次！仲有金箔係面，又靚又好味！
帆立貝博多
燒到半熟嘅北海道帆立貝，再配脆脆嘅白飯魚苗乾，包埋紫菜ㄧ起食，增加香氣同口感！正呀！
選用加拿大翡翠螺，再加上北海道海膽，入口鮮甜有囗感！
汁燒芝士竹輪牛肉卷
選用美國牛肉、車打芝士竹輪，再加入用牛肉煮3個小時先製成嘅自家製醬汁，絕對係心機之作！一咬入口又芝士爆出嚟非常特別！
海街丼 （ 九龍灣） 選用美國牛肉、車打芝士竹輪，再加入用牛肉煮3個小時先製成嘅自家製醬汁，絕對係心機之作！一咬入口又芝士爆出嚟非常特別！
位於九龍灣展貿中心嘅海街丼，主打築地市場直送魚獲入饌嘅魚生丼，亦提供各式熟食丼飯。格局簡潔，環境光猛乾淨，用上木質桌椅俾人一種溫馨嘅感覺，全由日藉師傅主理，夠晒地道有風味！
極上海寶丼 （海宝丼【特上】）
餐廳嘅招牌海鮮丼，有齊10幾款海鮮，全部不經冰藏，直接由日本漁港空運到香港，真正帶出魚鮮味道！仲可以一丼三食，可先混合醬油同芥末，用嚟試試魚嘅鮮味，當壽可飯吃到差不多嘅時候，可加入用鮮魚秘製嘅「魚介出汁」，混成茶漬飯咁享用。然後再將特製「壽可醋果凍」溶入米飯，享受壽司嘅味道！
吞拿魚二色丼（マグロの二色丼）
豐腴的吞拿魚蓉油脂香十足，加上麻醬，就香氣十足，配搭鮮甜嘅三文魚籽，同爽脆嘅青瓜一齊食，口感一流！
特上吞拿魚蓉丼（うにトロいくら丼）
足足有10cm高嘅吞拿魚蓉，啖啖甘香細滑，配上質感細膩，幾乎入口即溶嘅海膽，再加上蟹籽、三文魚籽，鮮味大大提升！快啲嚟感受依份澎湃海洋感覺啦！
海寶天婦羅丼 （海宝ばら天丼）
滿滿嘅甜蝦、魷魚、白身魚、小扇貝、茄子、甘薯同海苔，外層包麵粉同雞蛋溝埋嘅脆漿，炸到金黃色，入口香脆可口，鮮味極致！
心動不如行動！有興趣就快啲約埋三五知己去嘆下美食啦！快啲bookmark定啦！
*以上圖片只供參考，所有食品以實物為準. 食品供應因餐廳而異
相、文：Tiffany