【特約分享】美食博覽!多間社企推有機零食/本地製作/節日之選
2021-08-14

美食博覽今年返嚟喇,大家都蓄勢待發入場大掃零食美食!想食得滿足又有意義,可以去集合咗多間社企嘅1E-C02攤檔,經1E展覽廳入口就即刻見到喇!今次開飯仔就為大家分成3大主題—健康養生、本地製作、同慶佳節,方便大家出發覓食!

經1E展覽廳入口就見到1E-C02社企攤檔。

【健康養生生活之選】
生活好點 為院舍青年、基層提供就業機會
生活好點一向著重街坊健康,除咗不時舉辦健康講座,亦有各款調劑身心靈嘅健康食品。「清心去火茶」就混合咗菊花、桑葉茶、金銀花、甘草等,有助緩解肝火旺盛、心煩氣燥,尤適合三高或長期捱夜人士。

清心去火茶

泰國製嘅「Greenday 香脆桃片」,係將新鮮桃片以冷凍乾燥技術製成,所以保留大部份天然營養,閒時口痕當作零食都唔怕肥,好啱放定幾包喺Office。

香脆桃片

母嬰康逸協會 開創陪月員.基層婦女獲就業機會
21年前喺香港首創陪月員職業,為基層婦女創造就業機會,並關注香港媽媽身心健康。所以佢哋美食博覽必食一定係「古法自家製薑醋」,薑膽足足準備1個月,將高質薑刨製、曬乾、煲煮,最後加入醋同豬手以瓦煲煮出傳統味道。

古法自家製薑醋

同場仲有多款養生湯水—抗氧化「獨子黑蒜螺頭燉雞」、安神「花旗参燉竹絲雞」、滋陰「石斛螺頭燉鮮肉」等。所有湯水均真材實料熬製6小時,買到返屋企倒入玻璃器皿以微波爐翻熱即飲得,輕鬆養生。

多款養生湯水

樂.養膳 照顧長者膳食.設計有營膳食
食材均來自本地供應商,確保新鮮優質。今次特選夏暑當造食材,如冬瓜、蘿蔔等,並由大廚以地道方式醃製同烹調,推出一系列解暑、清熱、袪濕等消暑菜式—「上湯瑤柱浸冬瓜」、「涼拌菠菜」等。收益扣除成本後會用於「共襄膳舉」,提供免費營養膳食予低收入家庭㗎!

上湯瑤柱浸冬瓜

仲有必食「秘製醉鮑魚」,每隻鮑魚都熬煮得入味煙韌,微微酒香好開胃。

秘製醉鮑魚

【本地用心製作之選】
土作坊 支持本土農菜.為基層街坊提供就業培訓
全由灣仔街坊手工製作嘅「有機芝麻花生糖」,以100%有機食材如花生、蔗糖、山茶油等製成,絕無任何添加防腐劑。花生味甘,可健脾潤肺化痰,配埋有機芝麻更有獨特香味。

有機芝麻花生糖

「有機糙米腰果燕麥餅」同樣係一眾灣仔街坊嘅誠意之作,100%有機食材!將燕麥同糙米,混合糙米粉、腰果、蔗糖等,成份健康又飽肚,好啱作早餐或小食,唔會一次吸收過量熱量。

有機糙米腰果燕麥餅

康姨小廚 自設工場.助殘疾人士學工作技能
今次帶嚟多款曲奇,全部都係自家工場製作,為殘疾人士提供工作機會並學習技能。曲奇口味眾多,有加入咗澳洲朱古力粒嘅「粒粒朱古力曲奇」,含健康美國燕麥嘅「麥麥提子曲奇」、以香濃法國牛油製作嘅「鬆香牛油曲奇」等。

必試由工場工友阿瓊獨創嘅「甲虫曲奇」,籌備過程中遇上不少憂慮,幸於導師鼓勵下創作出呢款黑櫻子口味嘅「甲虫曲奇」。

 多款口味曲奇

細味公平 堅持公平貿易.減低小農被剥削
喺香港新鮮製造嘅「有機腰果糖」,由葵青區街坊婦女喺公平棧自家食物工場,利用大大粒印度有機腰果、清甜巴拉圭有機原蔗糖製成,甘香可口,絕無防腐劑同添加劑。

有機腰果糖

呢套「Drip Drop 冰滴咖啡壼套裝」包括香港人設計嘅冰滴咖啡壼、本地新鮮烘焙嘅咖啡豆—細味公平印尼阿齊省卡瑤咖啡豆。冰滴咖啡壼使用簡單,唔使用電、無需技巧,5分鐘就可以喺屋企輕鬆沖杯冰滴咖啡喇!

Drip Drop 冰滴咖啡壼套裝

【同慶佳節之選】
匡智社會企業部 智障學員獲工作機會及培訓
匡智烘焙蛋糕系列由前九龍香格里拉酒店行政餅廚,孔志賢師傅研發同監督,再由每位學員親手製作。高品質又有意義嘅蛋糕系列,好啱嚟梗中秋同親友一齊分享。「日式芝士蛋糕」就有雲呢拿同熱情果兩款口味揀,味道香濃仲有4層口感。

日式芝士蛋糕 (2款口味)

今次喺美食博覽仲可以預購「匡智奶黃迷你月餅」(8月31日前享早鳥優惠HK$143/原價HK$168),同樣由匡智學員製作嘅香滑奶皇迷你月餅,月餅皮厚薄恰好、奶皇餡綿滑輕甜。

同場仲有多間社企一直幫助香港有需要人士,例如幫助基層生活嘅天天加油站、同本地有機農夫合作嘅綠家居、協助自閉症青年就業嘅星星堂等。每間社企都要自負盈虧,所以你喺度買嘅一餅一麵都直接支持社企繼續經營,直接幫助各類有需要人士㗎!

美食博覽2021 - 社會企業攤位
展覽日期:2021年8月12至16日 (星期四至一)
*部分社企展覽日期有別,包括:
「天天加油站」、「匡智社會企業部」 展覽日期:2021年8月12至14日 (星期四至六)
「樂.養膳」、「康姨小廚」 展覽日期:2021年8月15至16日 (星期日及一)

客戶專訊
Monthly chart
【X'mas】4 Christmas Markets and Fairs in Hong Kong for 2021
2021-11-18
Top 10 Recommended Restaurants in October 2021
2021-11-18
【X'mas】9 Christmas Buffet with Oysters
5 Days Ago
【X'mas】 6 Afternoon Tea to Spend Christmas
5 Days Ago