疫症已經橫行咗超過一年，對我哋嘅日常生活當然有好多影響，亦改變咗大家唔少嘅習慣。不過即使喺疫情下，我哋都可以從新常態中，尋找趣味！年度盛事「OpenRice優秀開飯熱店大賞」即將開始接受投票喇，今年以「日嚐作樂」為主題，希望大家從每日品嚐到嘅美食中創造樂趣，從探索餐廳中感受香港「味」力。3月24號就開始可以一人一票投選你心目中嘅本土出色熱店！而喺未開始投票前，大家都可以先參與「有獎分享活動」，有機會贏取獎品總值超過30萬！想知點玩？記得睇到最尾！
因為疫情已經成年無得飛去外地度假，所以發夢都想去旅行？其實香港都有唔少裝修同美食都好有異國風情嘅餐廳，畀大家唔使帶Passport都可以一秒飛到唔同地方，味遊全世界！
正宗泰國船麵 Samsen 泰麵
餐廳旨在令客人品嘗新鮮及正宗嘅泰國街頭美味，唔單止設計以泰式懷舊下鋪上居小店為藍本，亦供應多款泰式街頭美食。招牌菜和牛船麵嘅湯底用多種香料熬製而成，顏色較深香味濃郁。另一必試係椰子雪糕，用椰子殼奉上，雪糕加埋配料啖啖香甜。
走入阿拉丁世界 Shahrazad Lebanese Dining Lounge & Bar 
講到異國風唔少得中環呢間黎巴嫩餐廳，店內同露天座位裝修同擺設都充滿中東風情，好似進入咗阿拉丁嘅世界！第一次去推介試Mixed Cold Mezze Platter同Shahrazad Mixed Grill，前者有四款沾醬，包括大家熟悉嘅鷹嘴豆泥配薄餅；後者有齊烤雞、羊同牛，香料味道香濃。
色彩繽紛摩洛哥風 NACASA Café & Bar 
Cafe其中一位老闆去過摩洛哥同土耳其旅行，因為鍾意當地嘅風格，就將呢種色彩繽紛又夢幻嘅元素帶到自己嘅咖啡店裡面！小店樓高兩層，上層嘅一角放滿編織地氈絕對係呃Like熱點。All Day Breakfast用自家慢煮手撕豬肉代替煙肉，豬肉加入中東香料，加上BBQ汁非常惹味。
日系榻榻米Cafe 十常八九
深水埗Cafe越開越多，但呢間依然Keep住長期排隊，因為環境真係好加分。以白色同淺木為主，一邊係日式榻榻米另一邊係長木凳，加埋落地玻璃窗感覺真係有啲似去咗日本咁！幾位店主參考咗之前去日本Cafe時食到嘅甜點，供應十常吐司、天使之鈴等自家製甜品。
台灣夜市滋味 燈籠滷味
呢間喺台北師大夜市起家嘅滷味店，將大家掛住嘅台灣風味帶到嚟香港！食滷味前不妨先留意下小店裝修，無論係銅鑼灣定旺角店都擺咗唔少復古或者台灣Feel嘅裝飾同擺設呀。滷味會以台灣總店嘅祖傳滷湯滷製，單點滷味得，懶得揀食套餐亦得，得咗。
投票未正式開始前，您可以先分享一張與美食的快樂時刻😋到個人FB/IG (必須設定為公開)，加Hashtag #日嚐作樂 #OpenRice。完成整個投票活動後，即有機會贏取獎品總值超過30萬！
投票和獎品詳情將於3月24日正式公佈，密切期待：https://bit.ly/3bRsGaH
*活動須受條款及細則約束
文：Cathy
