以前放假會去旅行，而家放假就會去Staycation。唔覺唔覺，Staycation呢個term喺香港都興咗近兩年喇，係時候試下新嘢，轉一轉玩Foodcation，點睇？

Foodcation，顧名思義，梗係以食為先啦~ 即刻為大家介紹全新嘅北歐Foodcation體驗之旅，喺2日1夜內，不停食食食，以超抵價錢嘆足5餐富北歐特色嘅早餐、午餐、下午茶、Happy Hour同晚餐，兼且送你1晚藝術主題精品酒店嘅住宿同房內迷你酒吧。

位於尖沙咀嘅帝樂文娜公館，走型格藝術路線，無論係酒店大堂定房間設計，都好似歐式大宅氣派。其中，喺大堂嘅老夫子座椅，更係由老夫子作者親自設計，全港得兩張㗎咋，粉絲記住要打個卡啊。準備好未？5餐1宿Foodcation要開始咯~

第1餐：北歐下午茶

位於酒店1樓嘅FINDS，係香港少有供應北歐菜式嘅餐廳，Check-in完就可以即刻去嘆返個tea，以「北歐下午茶」揭開2日食之旅嘅序幕。下午茶包有5款鹹點、3款甜點同自家製鬆餅配自家製瑞典皇后果醬以及飲品。滿滿油香嘅迷你煙燻免治三文魚漢堡係重點推介之一，而最有驚喜嘅一定係極地雲莓慕絲蛋糕，莓香突出，酸甜有致，相當出色。

第2餐：地道北歐四道菜式晚市套餐

晚餐繼續沉醉喺北歐嘅世界，頭盤有煙燻烤牛柳同北歐蟹肉餅可選，後者外層酥脆，包住啖啖鮮甜蟹肉。湯品建議可升級香烤龍蝦三文魚湯，一上枱已經聞到香濃嘅龍蝦香味，飲落味道更覺濃郁。而主菜選擇則有牛有魚亦有素食，呢度嘅烤牛柳固然出名，但鱈魚柳伴月桂葉亦值得推介，皮脆肉嫩，伴埋香蔥蛋黃醬則有淡淡甜香，層次再多咗重變化。最後記得留肚食埋甜品。

第3餐：型格打卡酒吧Welcome Drink

夜晚點都要有下場，特別係呢度個酒吧設計好鬼靚，就更加要去參觀下。唔同corner有唔同風格同感覺，有全黑型格、亦有華麗麗復古風，行入去幾間房更有唔同主題，例如北歐火車同花花庭園風等，全部都好啱打卡。套票包有2杯指定酒精飲品，加錢更可升級享用招牌雞尾酒。喺微醺氣氛下，同閨蜜或另一半夜話就更有feel啦。

第4餐：招牌全日早餐

第2朝嘆返個豐富嘅all day breakfast，絕對係一個good morning。呢個早餐一樣滿有北歐特色，除咗全日早餐常見嘅炒蛋、腸仔、番茄、薯餅等，多款配料都特別選用北歐食材，好似心形嘅pancake就用咗瑞典小麥製作，配搭酸甜越橘莓醬份外醒神；煙燻三文魚當然來自挪威，更以芬蘭煙燻木片燻製，夠晒smoky，就連煙肉都選用丹麥嘅呢~

第5餐：秋季盛饌午餐

Check out前食埋個lunch埋尾，前菜可選湯品/沙律/三文治，主菜中嘅香辣茄醬雞肉長通粉既有陣陣芝士香，亦隱約滲有微微辣香，係惹味之選。另外亦推介肉質嫩滑嘅烤鱸魚柳。而是日甜品總係帶有驚喜，開飯仔採訪當日試嘅係芒果栗子蛋糕，口感香滑，甜度適中。

今次呢個預訂套票，包有雙人雅緻客房住宿一晚，可以免費升級至高級客房，加錢更可入住勁有北歐特色嘅主題套房，例如模擬冰天雪地嘅「雪屋」同遊牧民族嘅「Nomads」等，入到去一定會忍唔住瘋狂打卡。房內有迷你酒吧可以免費享用，另外全日24小時都可以免費使用健身室呢，咁就放肆食足5餐都唔怕啦。

而家經OpenRice網上訂座預付優惠，即可以$1588享用[2位用][日至四] 嘆足5餐連住宿！「美食．家」帝樂文娜公館1晚STAYCATION套票[已連服務費] (價值: $3800)，而星期五、六都係$1788！訂座時輸入優惠碼【FOODCATION】，頭50位買套票嘅朋友仔即可獲減$100優惠。（有效期至2021年12月31日）仲諗？搵朋友book期啦~

FINDS 
地址: 尖沙咀金巴利道39號帝樂文娜公館1樓

Dada Bar + Lounge 
地址: 尖沙咀金巴利道39號帝樂文娜公館2樓

立即預訂嘆足5餐連住宿！「美食．家」帝樂文娜公館1晚STAYCATION套票
星期日至四 (按此)
星期五、六 (按此)