素食界嘅年度盛事又嚟喇！第 9 屆樂活博覽暨第 6 屆亞洲素食展即將於 2020 年 10 月 23 至 25 日於香港會議展覽中心展覽廳 3F 及 3G 舉行，展會將會為參觀人士帶嚟今年最新、最具特色嘅素食及綠色生活產品，如今年大熱嘅植物肉、超級食物、創意素食，仲有現場工作坊及超多優惠折扣，一齊嚟睇睇有咩重點推介。

今年展會焦點係近年大受歡迎嘅植物肉及超級食物。現場將展示超過 4,000 種產品， 包括健康食品及營養補充品、果仁及乾果、蔬果、純素個人護理品等。

1) 植物肉

近年好受歡迎嘅植物肉菜式，口感同味道都好像真嘅創新植物性產品，攤位Common Good(F01,F05)有新餐肉、新豬肉、新肉絲及未來漢堡扒，而素茂就有素式檸檬雞丁、素魚片頭等，啱晒新手踏入素食世界！

2) 超級食物

來自世界各地，極具營養價值嘅珍貴食物，包括創之杰(E06)嘅有機超營奇亞 籽、嗎哪有機站(F10)有機羽衣甘藍粉、Nicole's Kitchen(E08-5)嘅紅菜頭草莓奇亞籽果茶以及MyRoots Superfoods (F16)嘅有機卡姆果粉、有機瑪卡粉等。

3) 品味素食

超人氣、適合相機食先嘅創意素產品，例如宏展(香港)(G13)手工花瓣朱古力、 First Green Day(F14)嘅粉紅椰青水、SOCOCO(E19)嘅純素雪糕及TAAC FOOD(E16) 嘅舞茸牛肝菌意大利飯等，健康之餘仲可以呃like！

4) 綠色用品

唔單止食，現場仲有多個售賣綠色用品嘅攤位，添利行有限公司(寶衛美®)係一間一直致力推動衞生環保嘅公司。公司專營研發及生產優質消毒產品，自設廠房，產品全為香港製造，主要產品為PYRAMID®PhD除菌消毒噴液，抗疫期間都可以用得放心。另外仲有主打純天然竹漿紙巾嘅綠色生活360(G16)及純素潤唇膏嘅阿喜皂房工作室有限公司(G20)等。

另外現場亦有製作趣味手作品嘅工作坊，實行「有得買、 有得學、有得玩」。Taste of Veg (TOV) 係專為素食及追求健康人士而設嘅全方位平台，提供各類素食及綠色生活資訊。平台由一群立志推動綠色生活嘅人士所創立，當中信念，係健康生活及飲食方式，長遠能為保護地球作出貢獻。今次佢哋一連三日都會於素食展內舉行工作坊，包括咖啡渣紮染、環保磨砂玻璃樽、自製精油及植物漂染等，令大眾增進環保及健康知識。想玩可以去官網報名先。

除咗有得食有得玩，仲推出好多優惠折扣，「早鳥優惠」就係於首天（10月23日）頭100位進場公眾人士，可獲Jax Coco 純椰子水一支。於現場正價20元購票，即送本地設計獲獎產品Green One Lab「壹對飲管」，送完即止。另外有20多間展商推出現場優惠，仲未完仲未完，今年更同20間素食餐廳/有素食餐單嘅餐廳合作，推出聯乘優惠，於10月23至26日惠顧並出示亞洲素食展場刊或著數指南，即享高達8折優惠，港九新界區都有得食！

抗疫時期，大會安排咗全面防疫措拖。所有進場人士都必須量體溫及帶口罩，售票處及主辦機構攤位均設有 1.5 米排隊距離指示以及展館內、展館場外登記處等以 PYRAMID®PhD 寶衛美除菌消毒噴液裝置作空間消毒，咁大家就買同玩得放心喇。

亞洲素食展展會網站：http://vegfoodasia.com/

樂活博覽展會網站：http://www.lohasexpohk.com/