又再嚟尚座食lunch la~ 真係好鍾意呢度，環境好又唔貴，服務又好可以過一個休閒既下午～ 鎮江肴肉 將平時啫喱狀位置混合老陳醋，唔需要再點醋，同一般食法唔同，唔會比酸味搶左～好有層次🫶🏻 冰鎮柚子鮮鮑 腍得嚟又好彈牙～加埋柚子好清新🍊 煙燻素鴨 味道有d似煙燻左既鮮竹卷🥕 楊枝沙律蝦球 蝦球好大隻～新鮮彈牙，估唔到蝦可以同楊枝甘露咁夾🥭職員介紹呢個時我都有d擔心🫢 香酥烤鴨🦆 片皮手法高明，完全冇皮下脂肪～烤鴨考得好酥脆，鴨肉好鮮嫩，配合醫料、青瓜、哈密瓜、蒜蓉、蔥味道好夾唔會蓋過鴨香念面皮有個電爐保溫keep住溫度 花膠雲吞鴨湯 花膠又大又厚～好足料🤤 小籠包 皮薄鮮甜多汁，唔油膩～每次都必食👍🏻 拔絲琉璃鮮果 分別有蘋果同香蕉係入面，外脆內軟。靚得嚟又好食，唔會太甜 💗個人比較鍾意蘋果味🍎 2-12人分別有唔同既套餐，唔洗驚人少試唔到好多野～叫套餐就可以每樣都食到👍🏻 晚市套餐價都好優惠，我已經預約左下星期，同屋企人嚟食😍

好耐冇食因為覺得佢越嚟越貴，份量好少。琴晚放太晏無野食，所以揀左嚟食。叫左個蘿蔔，豬紅少少辣米線，嚟到辣到爆炸。我之前係呢間食中辣都食到，呢次直頭要叫碗清湯沖水食🤢我老公就叫左個走辣米線，但碗都有辣味。唔知搞咩。成間鋪full哂，但得一個侍應。侍應禮貌麻麻，因為太忙問多句都唔想理你。講下碗麵，蘿蔔夠淋，但d米線超少，食完係一定唔會飽既程度。湯底剩係食到辣油味，唔係酸米線咩？可能真係太辣我食唔到其他味

出開荃灣行街，朋友仔帶我嚟左呢間，開業已經9年既意大利餐廳食好西～～ 一坐低送上餐包同多士～餐包外脆內軟，多士脆卜卜配埋黑松露牛油 炸魷魚圈配他他醬$68 Q彈香脆👍🏻 蘋果木燒牛肋骨 $328 用蘋果木慢煮左18/hr，店員倒上榛子酒燒2分鐘左右，鎖住肉汁～肉質幼嫩,有淡淡蘋果木香～ 鮮菇蜆茄醬燴意大利麵$168 很正宗的意大利口味～意大利麵硬度剛好 Apple crumble $78 熱辣辣肉桂蘋果粒+曲奇脆脆～配上凍冰冰既雲呢拿雪糕～好有層次～3樣野配搭得好好～ 見佢哋依家做緊9週年活動，據單7日內要光顧午市9折，20:30 前埋單85折，20:30後入座8折～生日重免切餅費～重送紅/白酒1支👀 餐廳：Vision 8 地址：荃灣兆和街34號永安樓地舖

mokumoku yakiton 午市有7折~我哋2點零嚟到，過左lunch time 靜靜地😻～一坐低就上左個前菜《蒜子蕃茄沙律 》比我地開下胃先🍅蕃茄好新鮮，加埋蒜茸酸度啱啱好～重要$28抵食👍🏻飲品揀左巨峰梳打$38 同蘋果酒$65 勁易入口，好啱女仔飲～ 我地叫左2隻生蠔$88/1pcs ～生蠔勁肥美鮮甜～配埋柚子汁好正～新鮮飛機貨次次都食到唔同既蠔😋 油甘魚鰭$198~油脂豐富肉質幼滑～肉質好實淨👍🏻 味噌煮日本蘿蔔$32~豆腐同蘿蔔都好入味～ 小原條魷魚筒$198 ~好柔軟新鮮～ 茶漬飯-三文魚 $78 豬顎骨肉串$38/1pcs~質感好彈牙～ 豬皮串$30/pcs~啱啱燒好外脆內軟地幾得意，但一定要趁熱食，放耐左會變靭～ 林檎紅薑豬肉卷 $38/1pcs~豬肉片包住爽甜既蘋果，好清新～ 皮蛋豬肉卷$38/1pcs~勁特別既配搭～但又好夾😂皮蛋控可以一試～ 抱子甘藍$28/pcs 舞茸$88 甜品燒菠蘿$38~呢個必食，外面一層脆脆既焦糖😋有驚喜～ 餐廳：mokumoku yakiton 尖沙咀分店 地址：尖沙咀厚福街12-12A號藍馬商業大廈16樓

朋友話好味～特登過嚟西環試吓～又無介紹錯喎～我哋叫左（尚燴三寶餐）～2個人食份量會有啲多，我見隔離對情侶打包左個湯返去飲～我哋2個就食得哂，但好飽😂要睇吓你平時食量喇 個餐包括有:招牌秘製花膠、巴蜀烤魚王、川式燒肉串。 首先會上左招牌秘製花膠雞窩，飲左個湯先～原隻雞同d花膠份量都幾多～個湯味道好濃厚🤞🏼d花膠食極都有😍飲完湯之後，就開始食「巴蜀烤魚王 - 我哋揀咗麻辣，因為怕太辣店員特登幫我哋做左小辣👍🏻 烤魚好大條～仲有好多配菜，豆卜、芽菜、青瓜～魚肉好滑完全唔會覺得佢老～ 「川式燒肉串 」 包括牛肉，雞肉，豚肉，羊肉，章魚串 可以揀3種，我哋揀咗牛肉、羊肉、章魚串!串燒孜然味好重～我哋最鍾意係羊肉串～味道一啲都唔臊～重好野味～不過再厚身少少會更好😋二個人total HK$658~咁多野食都幾抵～下次叫多d fd一齊，可以食多d唔同既野食就更抵喇～

估下門口後面有d咩？入面竟係日式omakase 鐵板燒餐廳🧑🏻‍🍳餐廳只有10零20個位左右，過嚟記得要提早book~今次我哋book到bar 枱位坐～望住師傅燒特別開胃😋坐底我地叫左麒麟同Inedit 啤啤佢先～之後揀左$688/1ppl 八道菜omakase套餐～ 前菜 第一道菜：黑松露泡沫煙三文魚沙律🫧 2道前菜都擺得好精緻， 尤其欣賞 第二道菜：蟹籽乳酪panama ham伴菠蘿 ，酸酸地又唔會太酸好開胃🍍 海鮮🦀🦐🦑 第三道菜：黑松露帶子 & 蒜蓉鮑魚 第四道菜：燒白鰻 & 蘆筍、鴻喜菇 🍄聖子 海鮮總括嚟講都好新鮮，好鮮甜～特別鍾意白鰻，魚皮煎得好脆，肉質彈牙 主食 第五道菜：宮崎縣厚切黑豚扒配菠蘿醬 第六道菜：蒜香牛油雞扒 第七道菜：鵝肝炒飯 甜品 第八道菜：紅豆pancake，甜度多啱啱好，唔會太多cream～蛋味好香🤞🏼 餐廳 :燚 ITSUMÉI 地址 :大埔翠樂街11號美豐花園地下10號舖

估唔到九龍灣工廠大廈，入面會有間日式Cafe～《Hidden 和洋食屋》有得食，又有game 玩～呢度有部街機～同有好多唔同類型既board game ，比客人任玩～重有標機可以掉下標～不過呢個要收費既～cafe 依家有個prom $128，買枝豆送生啤任飲🍺啱哂一大班朋友嚟玩～今次我揀左厚切A4黑毛和牛三角腩 $168，加追左秘製蔥醬薄切牛舌、厚切牛舌（半份）$58 明太子蟹肉虎蝦意粉$128 虎蝦都幾大隻～有一隻手掌咁大～ 一粒粒既明太子味道好出～同蟹肉好夾～口感有豐富鮮味～👍🏻

去開D2 place行街～搵下附近有咩好野食～點知搵到間打卡cafe~《I’m Not Nothing》之前都有食過佢哋觀塘店，估到荔枝角都有👀環境係女仔最鍾意❤️既純白歐陸宮廷風👸🏻牆上面嘅畫都好靚～今次我哋2個人叫左1個小食，2個主食同1個甜品。 小食揀左 ： 牛油香煎帶子伴忌廉菠菜配香脆酸種麵包多士 $98 其中最鍾意呢個～忌廉菠菜好入味，帶子係刺生級好新鮮 主食分別揀左 ： 慢煮西班牙黑毛豬安架伴香桃醬$238 香煎虎蝦蕃茄意粉 $158 甜品就揀左： 香蕉榛子朱古力忌廉班戟 $78 好鍾意佢個pancakes 即叫即整，唔會太甜～😋又擺得好靚

呢幾日天氣好好～去左大埔放風箏,順便去L’amour 食正嘢😋😋~法式私房菜嚟講，性價比算高。法國菜一般都係小巧精緻，但L’amour既菜式，精緻得嚟份量十足～每碟菜都擺得好靚，藝術品咁。 法式龍蝦沙律 $288 好多龍蝦肉🦞 焦糖法式燉鵝肝 $208 玫瑰花型餅同燉鵝肝好夾，鵝肝好滑有驚喜😍 忌廉加拿大海膽扁意粉 $298 海膽味好鮮甜，好多海膽～忌廉味極濃👍🏻鍾意Creamy既朋友必試～ 烤焗紐西蘭羊架 $388 好juicy~肥瘦剛好😍重有成4支骨🐑 原隻海膽雪糕 $228 海膽雪糕好特別～個底我覺得有d豆腐味，mix埋又幾夾👍🏻 Dream $133 蘋果味甜甜地～好易入口～🤞🏼平時最驚啲Cocktail好似藥水味🙈

係公司附近間唔中都去買外賣食，個雲吞係幾出色既，同埋份量係夠哂多既。但有位亞姐超級勁無禮貌，因為幫同事叫埋，所以外賣有2大袋，佢整好左一袋，唔知做咩唔放低係枱先，大大聲叫我收埋個電話，拎住袋野企係度等🤢咁我放低係枱等啦，無理由拎住架？咁佢整好第二袋，佢放出門口喎🤣我話我企係度你放出門口？佢完全黑哂面無應我，我同第二個姐姐叫野食，無同佢講過一句。唔知邊度得罪左佢。真係唔會再去，癈事激親自己，貼錢買難受。