371
58
13
營業時間
今日營業
12:00 - 15:00
18:00 - 00:00
星期一至四
12:00 - 15:30
18:00 - 23:00
星期五至六
12:00 - 15:00
18:00 - 00:00
星期日
12:00 - 15:30
18:00 - 23:00
*最後落單時間:14:30/22:30 (星期日至四) ; 23:30 (星期五及六)
以上資料只供參考, 請與餐廳確認詳情
食家推介
🐈⭐️⭐️⭐️⭐️⭐️⭐️⭐️🍽️ 黑龍📍 灣仔汕頭街29號地舖對上一次去日本旅行都已經係一段時間之前！我哋都幾鍾意食拉麵，對上一次係喺沖繩食暖暮拉麵。今次就揀咗灣仔一間拉麵黎食～牛筋Black拉麵($88)呢個拉麵好好食😋湯底屬於非常濃郁嗰種，配有黑椒味；入面嘅牛筋非常軟腍，雖然原味湯底都好好味，但食完比較濃味嘅呢款之後有啲返唔到轉頭😂 值得推介！黑龍豚肉拉麵($98)都好好食嘅原味拉麵😋份量足，湯底都好香，如果唔夾硬同上面嗰款拉麵對比嘅話，都已經係好濃郁好飲嘅湯底，如果鍾意食得相對唔太重口味嘅人，建議可以揀呢一款！除咗拉麵之外，我哋仲嗌咗啲小食～炸雞($30)外脆內軟嘅炸雞！稍微有少少鹹不過味道都好好，算係小食之中我最鍾意嘅一款😋餃子($40)經典日式餃子嘅味道，餃子皮嘅質感幾好小丸子($30)係表皮保持到脆脆地質感嘅小丸子，唔會冧晒～天婦羅蝦(free)我哋食嘅時候，見到優惠期間如果follow咗IG就可以送一條天婦羅蝦，大家食嘅時候都可以留意吓有冇優惠！我地仲嗌左一碗白飯($12)😂食咗好多嘢咁😂因為我哋都鍾意拉麵湯底再配飯一齊食，白飯吸收咗湯底嘅味道之後真係好好味😋如果未試過嘅話建議都可以試吓!! 呢間餐廳唔收+1服務費，我哋上面咁多款嘢食加埋都係300左右埋單，呢個質素同價錢算係性價比非常高而且食得好滿足❤️
繼續閱讀
♡ 日本人主理的拉麵店｜黑龍拉麵 ♡-香港拉麵店好多✨ 而真真正正日本人主理 正宗嘅拉麵店 ～我就會去黑龍✌️佢嘅湯底真係勁正 而且餃子同章魚燒都係超級好食😍😋而且佢每月都有限定優惠 一定要睇吓佢哋嘅poster❤️- ♡ 黑龍豚骨拉麵 ♡ $100叉燒真係好OP 好好味～ 湯底好濃郁 真係連湯都飲埋落肚最鍾意佢哋拉麵嘅口感 麵嘅軟硬度適中真係比喺日本食嘅拉麵仲好食👍🏻-♡ 牛筋Black 沾麵（大）♡ $110呢個真係必食推介✨牛筋好腍 點埋湯底食真係好入味而且用咗太麵 掛湯能力好高 口感好滑-♡ 章魚🐙燒 （燒汁）♡ $30 因為我比較鍾意食啲外皮脆口嘅章魚燒就連我去大阪嗰次 食左好多間都唔係脆😣但係呢度真係十分出色 真係真真正正做到外脆內軟。-♡ 雞皮餃子 🥟♡ $30呢個係我每次嚟到都會必點嘅✌️金黃色的外皮 脆卜卜😙 食到停唔到口呀‼️❥#⇢店鋪資料：黑龍 (灣仔)灣仔汕頭街29號地舖
繼續閱讀
行過灣仔見到呢間拉麵店掛咗個日式紅燈籠 真係好似一秒去咗日本咁 入到去都一樣咁日式 有吧檯可以睇住廚師煮拉麵㗎😙雜錦配料拉麵一見到個menu就覺得呢個好吸引🥰 因為呢一個有齊晒唔同嘅配料 包括有炆得好腍嘅牛筋 入口即溶嘅三層肉叉燒 肉質厚實嘅豬肩叉燒 同埋拉麵配料 木耳 醬油蛋 海苔 筍 炸蒜 蔥等等🍜 拉麵嘅湯底係豬骨湯 非常濃郁 面底有得根據自己嘅喜好選擇軟硬程度 有齊咁多款配料真係好豐富黑龍叉燒飯呢個有兩個size分 我哋嗌咗個細嘅 但係都非常之足料 叉燒好軟身 肥瘦分明🐷 身邊仲有醬油蛋筍同埋海苔 底下嘅米用上珍珠米 個飯偏乾身少少 如果有多啲汁就好啦😹 整體都好滿足 食完真係好飽肚小食餃子 呢個餃子有得用優惠價配生啤 感覺更加抵食🥟 入面嘅餡料主要係椰菜同埋豬肉 仲好香麻油味添 側邊仲有醋可以調味 另外嗌咗一份章魚燒 上碟時熱辣辣 外脆內軟 質素拍得上出邊嘅小食店🦑 飲品Suntory 生啤 可以同朋友啤啤佢🍺 另外嗌咗個Zero 配拉麵一樣好夾🥤呢間嘅食物質素都唔錯 同喺日本食到嘅差唔多味 好正宗嘅感覺🇯🇵 特別鍾意佢哋嘅叉燒 真係好好食😋
繼續閱讀
提起日本料理，相信唔少香港人都會被一碗熱辣辣香噴噴嘅拉麵所征服🤤今次小編嚟到灣仔汕頭街嘅「黑龍」品嚐呢度由日本師傅親手主理嘅正宗拉麵，入到去聽到侍應嘅日本口音就知道夠晒正宗😂睇嚟今次唔使飛去日本，都食到正宗嘅日本濃湯拉麵😝🍜《 豪華明太子拉麵 》 $138 4.5 / 5見到餐牌寫住期間限定梗係要嗌嚟試吓啦！😍 主角明太子鹹鮮味非常突出，奶白色嘅豚骨湯熱辣辣又濃郁配合爽滑彈牙嘅拉麵好惹味😝叉燒肥瘦均勻有咬感，適合口味偏重嘅朋友仔～《 牛筋𝘉𝘭𝘢𝘤𝘬沾麵 》 $110 4.5 / 5沾麵底用嘅係較為粗身嘅太麵，口感比幼身嘅拉麵更有筋道，而靈魂醬汁充滿黑蒜香味🧄內裏仲有滿滿嘅牛筋肉塊🐮相當足料，細食嘅朋友可以嗌中𝘚𝘪𝘻𝘦😋《 雞皮餃子》 $30 4 / 5即叫即炸嘅脆卜卜雞皮餃子😍雞皮炸到金黃🐔咬落又脆又煙韌，雞皮嘅油脂滲晒入肉餡度味道更加豐富😋而家只要𝘧𝘰𝘭𝘭𝘰𝘸佢哋嘅𝘐𝘎惠顧一碗拉麵起，仲會免費送一客炸蝦🍤 貪心嘅小編緊係有點埋😝———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛💛🙇🏻♀️服務滿意度 ：💛💛💛💛———————————————
繼續閱讀
🏮係喜帖街行完打完卡，諗住係附近搵下有咩食，見到有間拉麵店，咁岩同事之前介紹我去🤭舖頭係2014年開業，由日本人開設正宗拉麵店🍜🔸 白鷄鹽拉麵唔係好多拉麵店都食到雞湯，🐓 雞湯煲到白雪，湯底濃厚清甜，唔會有油膩感，配料有雞腿肉、荀、糖芯蛋🥚同蔥，麵既軟硬度，自己就揀左普通，軟硬適中，雞腿肉嫩滑👍🏻🔸 牛筋Black沾麵除左麵既大小可以揀，仲有凍同熱可以揀😍湯底濃郁，帶少少胡椒味🌶️而且唔會好咸，湯底下面仲有牛筋，牛筋煮到好腍，沾麵揀左凍，麵條沾滿湯汁，外熱內冷，麵質煙韌有咬口，🐽叉燒肥瘦適中，肉質好腍🔸章魚燒🐙即叫即整，味道同日本食到既一樣，一啖一粒🔸燒魷魚一夜干🦑用炭火燒過既魷魚乾軟硬適中，配埋蛋黃醬一齊食好正，餸酒一流😋🔸雞皮餃子🥟用雞皮取替左餃子皮，外層更加香脆，入面既餡料係雞肉餡，咬開有肉汁💦🎉2月優惠 ：Follow 社交平台即送泡菜餃子兩隻
繼續閱讀
您可能會有興趣的...