HeSheEat (白布街) (已結業)

朋友聚舊總係傾唔停，旺角既餐廳都係坐唔耐，所以轉場去附近食甜品，朋友嚷住話要排HeSheEat，其實隊長食過銅鑼灣店，仲要果陣唔係有優惠，都未必去食。由於上一餐食到唔湯唔水，大家仲未食飽，所以一口氣叫左3個窩夫：綠茶、朱古力、香蕉窩夫。先講綠茶窩夫，我覺得個綠茶粉好似重手左，個窩夫有d苦，至於朱古力就不過不失，2個都覺得球雪糕細左d，同埋個2兜醬都少左d，唔夠點果塊大窩夫。反而香蕉最正，因為隻蕉有層脆脆焦糖面，而且配埋個曲奇雪糕，感覺無甘hea，整體3塊窩夫都整得合格既，唔會太乾唔鬆軟既感覺。食過2間分店，感覺旺角本店既食物質素好d，怪唔之得成日都有人排隊。