蜀功夫酸辣粉 (已結業)

灣仔道同克街交界條橫街入面又有新食店上場 ，今次間「蜀功夫酸辣粉」現只為試業階段，所以招牌上張紅紙都仲未拆。小店主打重慶酸辣粉，不過亦有提供小食，餐牌就貼喺玻璃窗門外。餐廳午市都有做酸辣粉套餐，$40有一碗麵、一客小食、同一杯飲品，似乎都幾抵食 。店內只有兩位靚姐打點，XO仔唔係好辣得，所以就叫咗碗唔辣o既「螞蟻上樹面」，五分鐘內已準備好，效率都幾高。靚姐真係好好人，發現細佬俾少咗錢不但冇大鬧 ，走前仲連聲道謝光顧。「螞蟻上樹面」$38碗，粗麵只有肉碎同多條青瓜絲，簡單用上清湯做底已經好夠味，食落感覺都好健康。