euro go go

營業中

休息中

沙田呢間eurogogo幾特別，有露天座位揀，但怕蚊怕熱怕曬的我當然揀番室內。我地3個人叫左3樣野，半份千島海鮮pizza，芝士呑拿魚意粉，香辣雞翼。千島海鮮pizza：個薄餅皮好脆，上面d料好多好正，加埋我最鐘意嘅濃郁千島醬真係冇得輸！芝士呑拿魚意粉：冇咩特別，意粉最尾食，因為有d飽，食唔哂。香辣雞翼：雞翼個汁真係好正，好濃味，但食唔到辣味。仲加左杯桃茶同荔枝茶，2杯都各自加上幾片桃肉同荔枝，唔錯，幾濃味！總括而言，pizza同雞翼真係冇得輸，好正！下次黎一定會再食！