更多
2015-03-28
4634 瀏覽
牛氣日式火鍋放題愈開愈多,牛x牛x牛xx,哈,今次就黎到牛氣試下!上到去,店員就好熱心咁帶位,再幫我地落單,我地叫左嚴選美國牛肩肉放題,$158一個,價錢適中。而火鍋配料就係出面任取,選擇都幾多,眼見食材都夠新鮮!除左火鍋配料,仲有雪糕爆谷甜品任食,見到都好興奮呢!我地叫左豬骨湯底,湯底呈奶白色,味道濃郁豬骨味都幾突出!不過聞到隔離枱壽喜燒好香好香,下次有機會試下先!嚴選美國牛肩肉放題$158美國牛肩肉切到薄薄的,𤆥五六秒已經食得,牛味都幾濃,肉質嫩滑,唔錯!另外,美國豚腩肉都唔錯,比牛肩肉厚少少,但肉質亦是紮實嫩滑!有機會會再黎試更高級的牛呢!
張貼