由聖誕節book 完再reschedule 左幾次，好彩最後都stick with 呢間餐廳，先可以嘆到咁高質嘅一晚 ❤️ 餐廳位置係炮台山同天后中間，要行十分鐘先到。 我地係為左生蠔先黎，餐廳recommend 左2款生蠔，一款海水咪濃啲，一款爽身啲，2款都好正！ Steak 5成熟， 外邊有烤過嘅香咪入面又好juicy！ 黃金龍蝦意粉嘅texture 控制得岩岩好，意粉唔會過腍又唔會太硬！龍蝦肉用鹹蛋黃包圍住好香口！ 有機會再番黎試吓其他野🥰

隨機係搵食地圖上搵到正野😍 舖頭細細原來臥虎藏龍，食物質素出色💯 〽️芝士多士係牛角包鬆脆嘅質感，看似其貌不揚但原來芝士同包中間有層松露醬，大驚喜🥰 🍔飯堡好厚身，兩邊煎香夾住入面泰式辣腸、洋蔥、生菜，一啖咬好滿足！ 🍤海鮮冬蔭宮意粉，酸酸辣辣，炒得好乾身，意粉又有咬口，兩隻蝦又大大隻❤️

餐廳係西營盤內街，主打多款綠色&有機配搭嘅𝚜𝚊𝚕𝚊𝚍 𝚋𝚘𝚠𝚕。寵物友善嘅小店門口有隻狗狗𝚌𝚑𝚒𝚕𝚕 攤🐶 整體氣氛好𝚛𝚎𝚕𝚊𝚡 👯‍♀️👯👯‍♂️ 間中想食下清淡嘢不妨考慮下！ 招牌黑松露蟹肉醬配多士 $135 超！級！正！非常多蟹肉🦀 烘到脆卜卜嘅多士🤩 好濃嘅黑松露😍 推薦俾松露粉！💯 烤有機豆腐餅配菠菜沙律配大啡菇 $118 好多人都推薦佢哋嘅豆腐餅，又真係幾特別喎！質感腍腍地，好似冇味版嘅豆腐乾，食多兩啖先開始𝚝𝚊𝚜𝚝𝚎到清清地嘅豆腐味。甜黑醋汁令人更開胃，調劑一下𝚓𝚞𝚒𝚌𝚢嘅大啡菇、甜甜地嘅烤蕃薯蓉、爽脆嘅紅捲心菜、南瓜籽、菠菜！🍄🍠 慢煮椰汁有機雞塊配椰菜花藜麥飯 $150 清香椰汁🥥包住嫩雞塊，加埋椰菜花藜麦饭，低碳水高蛋白質！👍🏻

雖然兜左個圈先搵到，都趕及開店第一輪入座💛💕 麵包好有誠意，用牛油烘到好香好脆👍🏻 🍔 黑松露醬沙巴龍躉 $88 魚肉新鮮肉質嫩滑，食到龍躉個層啫喱 🍔 飛魚子軟殼蟹 $84 原隻蟹上，蟹腳炸得酥脆，蟹身juicy又蟹膏 🦪炸蠔 （忘記價錢） 炸漿厚度適中，外脆內軟，隻蠔香甜唔腥！！好緊要！！ 🍟炸蕃薯條 $22 出色，唔會炸得太濃，份量又多 一個burger 跟一罐汽水。 每個都是小店用心製作，要耐心等候😆 座位供應有限，附近居民都會order 外賣！

前一日打電話訂位時，電話中那人溫馨提示辣野是否適合，expectation management 做得又好，因為本身話可能會隔左條走廊，雖然幾full，最後都有張隔板4人檯！甫坐下每人都要掃個QR code填餐廳的電子健康申報表，保障大家👍🏼。 餐廳裝潢由外而內都好岩打卡📸，係一個以英文為主嘅環境，同埋要search下啲野食係咩黎。侍應會主動keep 住fill水💦，可能佢地都知道啲野食好辣🥵🌶！ Sides 共有8款，薄脆隨意配搭有辣有唔嘅辣sides，全部一齊上令我地每樣都有得taste下🤗。 ❣️ Shrimp Kothu with Kari Sauce 👍🏼 爽口大隻嘅蝦🦐、切碎嘅薄餅加入多種香料同配料炒成，配搭咖哩味道有少少辣，食落非常惹味。 ❣️ Bacon and Egg Hopper with Lunu Miris 似豌的造型好獨特，幾得意！蛋煎餅味道加香脆嘅煙層次豐富，又唔係好辣。 ❣️ Yellow Rice with Brinjal Moju, Papadums Cucumber Sala and Fish Cutlets 黃飯加薄脆撈咖哩，另外配搭２個sides（共中一個好似鹹檸七唔係好食得慣），感覺就好似斯里蘭卡人嘅家常便飯！ 味道：✦✦✦✦✦ 環境：✦✦✦✦✧ 服務：✦✦✦✦✦ 衛生：✦✦✦✦✧ 價錢：✦✦✦✦✧

星期六下午2點幾walk-in，餐廳都full full 地，本身話要等30分鐘，最後15分鐘左右就收到電話通知話有位啦。座位被安排於餐廳最入近牆嘅位置，正中下懷！望住舒服嘅環境，充滿渡假色彩嘅牆壁🏞，慢下來享受悠閒的週末。食物每碟都細細份，冇嗌野飲，最後2個人嗌左5樣野食。 Papaya Salad $95 + Salty egg $12 好辣、好辣、好辣！睇落完全唔覺佢咁辣，食落後勁凌厲！🥵 Gai Satay $85 雞肉唔會燒得好乾。 Tom Yum Rice $165 飯冇預期冬蔭功嘅味反而係香茅味，🦐蝦大隻又彈牙，加左炸蒜食落更香。 Duck Curry $195 + Side Roti $15 加左荔枝、柑橘等令咖哩偏甜，一定要加埋Roti 先至完滿！ Banana Pancake $85 成餐最impressive 嘅係甜品！一大塊圓形pancake 切得好工整，面層充滿朱古力醬，口感外脆內軟，香蕉蓉同Netella 醬互相襯托對方🍌🍌。 味道：✦✦✦✧✧ 環境：✦✦✦✦✦ 服務：✦✦✦✧✧ 衛生：✦✦✦✦✧ 價錢：✦✦✦✧✧

成日lunch 行過都好想試下，疫情期間大多數人都係外賣番公司，所以就算3個人都好易搵到中間有塊板嘅位。✌🏻 餐廳有classic set 或sandwich set以供不同需要。Classic set 係$98 揀一款main (雞 or 鴨) ，揀三款沙律，同埋一個湯/一杯凍檸檬茶。沙律超過20種可選擇嘅種類，多到心大心細揀咩好😍，哈哈。例如有炒雜菜、薯仔沙律、烤薯仔、不同嘅通粉、不同嘅藜麥！ 友人個個都話烤雞好正，反而我又想試烤鴨，因為好似烤鴨較罕見於烤雞。烤鴨好大份，味道出色，醃得入味，肉質嫩滑，份量好多🈵。平時去皮嘅我試左少少鴨皮，真係好香‼️😋 配菜方面我紅菜頭、牛油果藜麥同埋雜菜，全部都好出色！如果驚唔夠飽可以全部揀曬通粉、薯仔、藜麥之類。個南湯口感creamy ，值得一試。 下次再黎我會試烤雞🤤，同埋唔揀湯，KO完啲野食已經好飽 ！😉

📌 兄弟小食 📍鰂魚涌英皇道846號民新大廈地舖 朝早嘆個蛋牛治，充滿能量開工🤣 三文治新鮮製作，即叫即製，需時大約10至15分鐘左右，拎上手暖笠笠！雞蛋好厚，明顯見到鹹牛肉；麵包搽滿牛油🧈，咬落充滿鹹牛肉、雞蛋、牛油不同嘅層次。如果麵包烘過會更好。 味道：✦✦✦✦✧ 環境：✦✦✦✦✧ 服務：✦✦✦✦✦ 衛生：✦✦✦✦✦ 價錢：✦✦✦✦✧ 人均：$18

Randomly 搵到呢間樓上café小店，座位唔多，Walk-in好好彩有位。一入去店員仲好窩心話你知邊到可以洗手！食物高質！ Weekend Brunch Set 🤤 慢煮安格斯封門柳三文治 $126 封門柳係牛牛其中一個好細嘅部位，所以格價稍高。肉質鮮嫩軟腍且味濃，油花較少，係我喜愛嘅質感。餐廳以慢煮方式烹調安格斯封門柳能鎖住肉汁保持肉質嫩滑，裡面仍然是鮮嫩的粉紅色，賣相相當討好！法式Ciabatta bread外脆內軟，搭配清新嘅生菜，夾有滿滿嘅封門柳，十分滿足！🈵 😋 48小時慢煮煙燻手撕豬溫泉蛋扁意粉 $80 同樣慢煮咗嘅豬肉非常juicy，撈埋用日產雞蛋嘅溫泉蛋一齊食，意粉食得安心又有層次！ 😊餐湯：粟米忌廉湯 細細碗份量適中，暖暖地，唔太稀幾creamy又有好多粟米蓉，甜甜哋，唔錯！ 😊餐飲：Hojicha Latte / Dirty Hojicha Latte有隻好得意嘅熊仔拉花，好開心！未攪拌前先飲幾啖，已經好濃！飲到差唔多一半再攪拌，Hojicha 的味道更加濃郁！飲到底仲有好多茶粉係度！ Dirty 簡單黎講就係expresso 加奶，冰火交溶而層次分明！ 😊 甜品：檸檬撻 (加配+$20) 味道：✦✦✦✦✦ 環境：✦✦✦✦✧ 服務：✦✦✦✦✦ 衛生：✦✦✦✦✦ 價錢：✦✦✦✦✧

星期六晚上7點walk in 去拎飛仔，門口已經有好多已訂座或walk in的食客係度等候，足足等左一個鐘先入座！好彩附近有幾個超級市場行下，每半個鐘我地就番舖睇下進度。 啫啫雞煲 $75 一上檯，煲內嘅醬汁仲滾緊，望住佢聽到「咋咋」聲好治療！啫啫雞煲份量相當多，雞嘅比例佔大多數，唔會用豬潤濫竽充數！蔥頭、蒜頭預先爆香。大大塊雞件有煎香，啖啖肉，豬潤薄薄地口感有少少爽脆，平時唔好豬潤嘅我都食左幾塊。冬菇都算入味。 白鱔煲仔飯$88 另加臘腸+$20 可能一直都煮緊煲仔飯…個煲仔飯15分鐘左右就上到檯，唔算等好耐。一黎到梗係淋鼓油整色整水，再用熱力焗多一陣整飯焦，正！飯粒乾濕度剛好，粒粒分明，5塊鱔片都肥美厚肉，豉汁令白鱔生色不少。加$20有5塊臘腸，好香！每次添完飯就蓋番煲飯，食到最後仲係熱熱地。煲底一啲都唔痴飯粒，唔知關唔關四季火山石煲事呢！？ 蒜蓉粉絲蒸茹子$72 上檯時不禁「嘩」一大聲！因為好！大！份！蒜蓉粉絲呢對孖寶可以有好多組合，唔一定下下跟海鮮嘅，清清地跟蔬菜類都幾有新鮮感。茹子用左好多油以令紫色保持鮮艷，食到底下會見到明顯底層冇沾到油… 個人prefer 少油，都明白餐廳要令菜式外觀耍有吸引力！ 好彩冇嗌椒鹽豆腐！一個飯兩個小菜，再多一個都太多！唯有之後情況好啲先約多啲朋友一齊試其他小菜啦😊 味道：✦✦✦✦✧ 環境：✦✦✦✧✧ 服務：✦✦✦✧✧ 衛生：✦✦✦✦✧ 價錢：✦✦✦✦✧