北角周圍行吓, 意外見到間bakery的廣告, 好吸引我入去~~
佢哋d包無防腐劑, 無色素, 無反式脂肪, 非常適合我屋企人!
除咗包, 仲有曲奇, 三文治, 蛋糕etc, 而我買咗.....

蕃薯包: 好味又抵, 唔會太甜, 清清哋易入口, $4.5
紅豆包: 一袋6小個, 好味到食完想再食, 除咗紅豆香, 仲有種烤烘ge味道, 不但唔討厭, 反而增加咗個味ge獨特&層次感
橙皮合桃方包: 未試, 不過摸落好鬆軟, 應該好新鮮

依間鋪, 我係100% retention rate!
本身我係麵包初學者, 主張自己整無反式脂肪, 估唔到遇見間鋪理念一樣, 仲要做得咁好味, 不比大集團餅店遜式...
對我都o係一種鼓勵,

我一定要做到健康好味ge麵包!!!!!

間中要在深水埗工作, 好多時都o黎依間~!!
實在太好味啦...... 正確d講, 係好啱胃口!
通常走酸走辣 + 幼紅薯湯粉~

湯放咗好多芫茜, 及少許酸菜, 湯濃味甜, 很有芫茜香味, 吃完也不覺口喝!
透明ge紅薯粉有口感, 很有o趙頭, 粉係孿曲的, 而且有彈性, 湯容易附在上面,

價格方面唔貴, 一碗紅薯粉兩個餸, 大大碗, $2x, 抵食~!
繼續幫襯~!

o係越南食過, 真係好好味~! 湯甜料足~! 知道HK有分店, 過兩日即刻約埋friend去食~!

佢哋上菜ok快, 可能當時唔算太多人啦,
我哋叫了個鮮蝦米紙卷, D料D味, 同越南一樣, 是正宗出品,
不過..............................
HK分店的魚露太鹹啦, 無"吊"起米紙卷清新的味, 真係好可惜..

另外叫了個扎肉鷄絲湯濛 & 牛肉湯濛,
D湯o係越南秘製, 真係好清甜, 比我飲到見碗底,
而d扎肉亦好好味, 係有黑椒的, 同埋很有質感, 唔係一舊粉o個種,
不過提供的香葉芽菜辣椒青檸就太少少少了, 要問待應攞, 但仍然比好少少少...
d香葉係越南菜不可缺少ge, 我真係落多多都唔夠呀

整體還可以, 肉類相信由HK巿場供應, 依方面無得要求, 因為好多地方都係咁..
價格方面, 覺得略貴...

不經不覺幫襯咗4年了, 即使在砵蘭街搬了去斜對面, 喜愛不減~
最鍾意是鯪魚球攦粉, 和桂花糕~!

桂花糕: 口感適中, 不黏牙, 微甜不膩, 加上清新桂香 很好入口, 也很易愛上~
鯪魚球攦粉: 湯清甜, 鯪魚球可選炸或煮, 還會附上蜆芥, 超正!

他們店的糕品都很受歡迎, 易入口, 味道也易接受,
買給朋友親戚一流~

因為買了團購的券, 就去試一下.

叫店員給我試了朱古力及原味乳酪雪糕.

失望, 雪糕到手時已經開始溶了 (前後不過1min啊!!)

朱古力表磅是用Valrhona和比利時Callebaut做, 味道是ok, 但不夠滑, 又是一入口即化為水........

乳酪雪糕的酸味是ok的, 但表磅是"不用糖、不用奶油、不用冰、不用水、不用雞蛋", 但口感卻毫無特別...跟其他店的一樣...

最後要了原味+ 2 toppings, 又是失望, topping分量少得可憐, 是不足夠配這一大杯乳酪雪糕的......

終括黎講, $33包2個topping, 而個價錢出面一定食到好過佢ga.

唔會再去了.

食完火鍋梗係要有個甜品做結束~~~
我好鍾意食乳酪, 所以forzen yogurt大行其道, 點都會一試, 我覺得依間最好味,
佢唔似其他鋪整五六種味雪糕比你揀, 只有原味選擇,
但佢ge"乳酪雪糕"係同乳酪的味道最接近的, 牛奶味比其他鋪濃, 而且幼滑夠酸, 好正~~
加上兩三款topping, 已經令我好滿足~
最要一讚係地方食物好乾淨, 好好~

買了團購一試, 發現整體上出品不俗~

點了個皮蛋芫茜湯底+清湯底, 意想不到"清湯"是蕃茄栗米湯底, 好意外~~
丸類唔係鮮肉類ge丸, 但不錯, 唔係求其入貨"夫衍"o個種, 係彈牙好味o既~~
而d蔬菜亦好乾淨
羊肉無"蘇味", 唔韌有彈性, 而且有口感~~ 淥到過咗時間仍唔覺好鞋, 可接受~~
我敏感無食牛&海鮮, 反而我個friend就"全牛宴", 狂食牛肉, 佢話好靚好好味, 但切得薄咗d~~佢結論係:"最好GE出品係肉類&海鮮"~~

o個度ge服務唔錯, 有求必應, 而且會清楚解釋, good ~
另外, 團購券個電話太難打, 成日無人聽...唯有打網友留ge電話, 點知o個個人話佢無o係牛大哥做, 但好好人咁幫我搵電話簿, 比咗另一個no.我, 先可以成功預約咋, 真係好多謝佢~~

希望下次再去ge時候, 係同屋企人去啦~~~

買了2張拉手網團購劵~~
3選1拉麵餐, 有豬手/ 滑蛋豬扒/ 照燒雞 + 金桔蜜/ 柚子蜜 + 雪糕糯米糍
另外叫o左南瓜天婦蘿..

滑蛋豬扒: 日式炸扒, 完全唔似吉列又厚粉又乾~ 外表很脆, 配上甜甜地的洋蔥滑蛋, 好好味呀~!!!

照燒雞: 味道普通, 不過食得出係炭燒ge, 無偷工減料, good~

拉麵: 個湯底唔錯

南瓜天婦蘿: 好味! 南瓜清甜, 個粉唔算厚, 醬料普通, 點唔點都得~

雪糕糯米糍: 我諗係"維紀迷你雪米糍", 當然好味

總結: 食得好飽~~ 最值得一讚是出品無偷工減料, 全部足料上齊, 而且服務好好, 唔會因為團購而"另外對待", 誠意十足~~我會再去~~

食店係屋企附近, 自從有一次嚐過佢地ga 米線, 自此不能自拔呀.....
$18 一線2餸, 超值!!! 平過其他地方, 譚仔而家1餸都要$19啦~
我次次都食清湯底, 加少少冬菜, 正ar~~
而且餸多選擇, 由其豬大腸, 真係招牌菜~無奇怪味, 清理得好乾淨, 又無乜肥膏, 真係唔錯~~
唔會差過其他米線專門店~~

而度ga冬菜係店主自家製, 好多客人都一大匙一大匙甘落~~
去過甘多次, 油渣麵應該係最多人叫, 可惜我唔食油渣.....

半小時前去左食下午茶,我叫左set D: 豆漿+豬肚九菜餃雞湯米
點知:

1. 亞姐送錯檯, 將間離檯的"雞肉雲云雞湯米線"比再我.......ok, fine, 我自己都無為意, 平時習慣係米線一上就會試啖湯先, 點知我飲左2啖, 個亞姐就無情情過黎想拿走我碗米線 <------ 問都唔問下!!!!! 我果時手上係拿緊筷子架!!! 唔好甘無禮貌好無?!?!?!?!

2. 亞姐叫d湯做雞湯, 飲一啖, 好明顯係有雞味味精, ok, 其實出街食飯度度都係味精, 不過佢最差係 -----雞湯溝水!! 無乜味......最後為有自己加d醋....雖然都係唔好味...不過都叫好過無...

3. 米線煮得太耐, 無晒口感....唔係真係好累想食d野...真係想走人...

4. 半杯豆漿!!!! 豆漿係跟餐ga, 但當上檯時, 只有半杯 仲要係平時茶餐廳比客人飲茶的細膠杯!!!:huf0: 問個亞姐, 佢又答跟餐係甘大杯ga.......雖然我覺奇怪,但心想都係算啦, 見人地叫紅豆冰就大大杯....唉...大細超ar?? 點知之後見到個亞姐拿比其他人ga豆漿係一整杯wor 甘就即刻問其他亞姐, 點解人地一杯我得半杯, 個亞姐又答得好好笑"豆漿係廚房倒出黎, 佢比幾多就幾多, 我地唔可以叫廚房倒多d ga"....亞姐, 係係未傻ga??? 係做門面, 代表間餐廳ga, 入面拿乜出黎, 你都照比客人, 甘係未有隻小強你都照比我ar????? 痴線ga

食完, 即走, 唔會再黎!!!
一個字: 差