初初上到去，真係有驚喜，因為外貌睇落去真係一間酒吧，完全唔似一間食潮州菜嘅餐廳。餐牌上嘅選擇都唔算多，但係都OK，當然唔可以同一般潮州酒樓嘅菜單相比，但係好fusion，味道亦都唔錯。菜單入面有一頁都係啲煎炸嘢，比較適合送酒。餐廳入面嘅設計好有酒吧feel，過咗10點之後，開埋個disco嘅波波，再加上現場音樂一路放K-Pop， Crossover有驚喜。不過如果有小朋友一齊嘅話，呢間餐廳就未必咁適合啦。另外因為同朋友慶祝生日，我哋自己帶咗蛋糕上去，餐廳嘅職員好好，幫我哋雪起個蛋糕，仲冇收切餅費添。

同朋友慶祝生日，知道呢間新開就黎試下。員工服務態度好好，有禮貌，環境舒服，可能係平日夜晚，唔多人。我地點咗個套餐，分量好夠，可惜無龍蝦，餐廳用基維蝦代替。不過員工都有係點餐時同我地講清楚，所以我地都算啦。點咗個花膠 ＋胡椒豬肚湯底，好好飲。食到中間重送咗每人兩杯沙冰，涼曬。我地帶咗生日蛋糕去，餐廳無收切餅費，重幫我地雪好個蛋糕，我地食唔曬，佢地又幫我地pack番好個蛋糕俾我地。總括來來，感覺良好。

十月新闕，裝修新淨又干淨。和同事叫了兩煲肉骨茶，一個一字骨，一個肉排，肉夠入味，肉骨茶任飲任加。還點了碗蝦麵(轉米粉)，好夠蝦味。因為係馬拉肉骨茶，有濃濃的葯材味，喜歡與否就見人見志。咖咉超好味，中間夾有芝士，出面的麵包又脆，下次會再去食。重有記得只收現金 。

店舖有好幾種木瓜牛奶，問售貨員那一種好飲啲，售貨員給人的感覺是介紹D貴的口味。點了杯芒果木瓜奶昔，芒果味一點也沒有，木瓜味不夠濃，也不夠香，整杯飲品口感一點也不像奶昔，杯嘢飲遞給我是杯蓋還凹了進去，整體感覺麻麻。

中午12:40去到,人流不太多,自已叫了個肉餅臘腸蒸飯,同事叫了個苦瓜排骨飯外加雞翼(加五蚊)。先說我個飯，幾好味,不過並不是一盅盅的蒸飯，是肉餅,臘腸及飯各自分開，盛在同一飯盒內。味道不錯，雖然同想像中的有些不同。同事的苦瓜排骨飯外加雞翼, ok la, 沒太大驚喜,也不致失望。另外我們外加了中湯 (加五蚊), 湯是西洋菜豬骨湯,一般,不過d伙記幾有禮貌，環境也很不錯及光猛，三十幾四十蚊係金鐘食到呢d質素, 很不錯了~~ 另外有清水可自取飲用,很好

本來打算去串串貢,因為係佢的長期粉絲. 無奈每次去到都無位,又唔知要等到幾時,正在好無奈之際,突然行多兩步見到呢間"阿妹好串",便同朋友一齊抱住試吓無壞的心態。店面雖然不大,但不失整齊。我們先小試一下他們的廚房手勢，點了燒豬頸肉,燒帆立貝,燒雞翼, 燒雞脾菇等. 一試之下,都幾好味，尤其係燒雞翼,皮脆肉多汁, 雞脾菇的口感也很好,所以我們俩個食到停唔到口 (加上佢的價錢同串串貢差不多,一d都唔貴),可以儘情咁食。

聖誔長假前， 同事們到樓下的翠玉軒食番個Pre-Christmas lunch in Chinese Style。這裡的點心做得比較精緻，環環也很優雅(當然啦，一分錢，一分貨)。最特別的是它的擔擔麵，因為它用了像裝豆腐花的木桶盛著, 而且食落有點豆奶味，大家都覺得很特別，致於這種特別風味你喜歡與否則見人見志啦

這是妹妹男朋友提議的餐廳,話d海鮮平靚正,所以就試下。
餐廳有兩層,我地一早訂咗枱,所以避過人群,直上二樓。點知d伙記話要先係樓下攞枱,結果我地又要行返兩層落地下,再行返兩層上去。
佢地只有套餐,而且只有海鮮,沒有小炒,所以如果有朋友唔食海鮮的就唔好去呢度啦。
我地有六個人,望落個HK$898六人餐好似好抵,所以叫伙記落單。點知佢地話落單要落地下...吓唔係話...為咗食,無辦法啦.
點知落度去八個餸有兩三樣要轉第二樣,因為無曬, 吓...個陣先七點半,d枱都未坐滿. 算啦, 個龍蝦問可唔可以加伊面底,佢地話要加HK$50,吓...咁貴,算啦,唔加啦。

上菜上得好快,而且橙汁,庶汁及啤汁任飲. 不果因為個冷氣凍,d海鮮上咗超過十分鐘就凍曬。結果大家不停咁食。一餐飯,本來打算一家人傾吓幾,慢慢食,最後變咗要同時間賽跑。後來爸爸話想食碗飯,結果d飯全部都係飯焦,好硬。

不過d海鮮質量唔算差,但好似個鮑魚咁無幫人起埋,結果個個出儘九牛二虎先可以起到d肉食。其他海鮮用呢個價錢計,算幾OK la. 而且食飽都有橙同甜品(椰汁西米糕)送,算係咁加啦

今晚突然想食扒, 係OpenRick見天后呢間扒房好似OK, 就去試下。氣氛真係唔錯, 晚餐一份HKD228, 但係甜品又要加HKD25, 湯--除了Daily Soup外, 還有其他湯選, 但係又要加HKD20, main dish要威格斯(Angus)扒又要加HKD70, 有D搶錢的感覺。朋友叫咗份威格斯扒, 點知黎度, 塊扒得半個手掌咁大，味道OK, 無什麼驚喜。所以有些失望。

中午食飯, 同事帶咗我去麥奀記食雲吞面。起初覺得雲吞面者,度度都差不多啦, 我同事叫我食完先再講。碗面黎到, 食落真係覺得有D唔同。D面非常彈牙, 雲吞亦好足料, 個湯底好清, 結果成碗湯連面一口氣食曬。跟住重要叫多一碗"特效牛根面"。藥就話特效者, 牛根都有"特效"?一咬落去, d牛根無論大小, 都好有咬感, 個湯雖然無雲吞面個湯咁清,但依然好香，好好味。食完俾錢時突然落大雨, 老闆娘重好有人情味咁叫我地坐多陣等雨細d先走。我地真係坐多一陣,因為實在太大雨又無遮. 一坐低,d伙記無俾面色我地睇不單止,重送上兩杯熱茶俾我地,幾有人情味呀!