同好耐冇見的朋友們食飯，其中一個朋友介紹依間新開的泰國餐館，似乎因為係平日加上開張不久的關係，客人唔算多，新裝修加上唔多人，環境同服務都唔錯。
叫左一個二人餐再加幾樣食物
冬蔭公湯: 味道好有泰式風味，足料，有好多蝦，唔錯。
泰式炸皮蛋: 係蝦膠包住皮蛋去炸，蝦膠有蝦味，唔似其他鋪頭咁溝左好多粉落蝦膠到冇曬蝦味。
馬拉盞炒芥蘭: 馬拉盞香口，夠鑊氣，不過有D細碟，一班人一人兩條就食曬。
泰式炒金邊粉: 睇個樣紅紅地以為會辣的，其實酸酸甜甜，做法好似有別於其他泰菜館，味道幾好，而我認為可以炒得再乾身D，依到要讚一讚D侍應，佢地有提我地可以加D泰式辣椒粉或者沙糖撈黎食，撈沙糖呢個食法真係幾特別，而沙糖溶左少少好似包住D金邊粉咁，好好味。
軟殼蟹柚子沙律: 手快有手慢冇, 我手慢食唔到軟殼蟹，朋友話香口而且完全冇油膩的感覺，柚子沙律我就超讚，柚肉好甜，混合辣辣地的配料，大大刺激食慾呀!!
青芒魚鬆沙律: 無啦拉叫兩個沙律，係因為依個落左order後先見到牆上貼住D雜誌介紹，講到好好味咁，就豪佢一豪啦(雜誌仲有提到依到個主廚好勁咁，泰皇皇室都搵佢開餐咁) 魚鬆炸完，基本上唔係食魚味，而係食口感，依到就炸得幾脆，加上D青芒沙律味道清新爽甜，幾特別幾好味，但其實幾大碟而且唔平，成百三四蚊，所以一大班人叫就比較適合。
生蝦刺身: 到泰國餐館必叫之選， 生蝦新鮮彈牙，個汁尤其讚，好泰國feel。
泰式椰汁西米糕: 朋友話佢上次黎食跟餐甜品係千層糕，店內貼的雜誌都有介紹，話個千層糕係用椰青水做，今次變左做椰汁西米糕，大家覺得好好味，唔太甜而且椰汁味好濃好香，西米又唔太淋唔太硬，好正!
因為得兩杯野飲唔夠分，我本來想叫椰青飲但冇貨，所以飲水就算，而且侍應都幾密添水，服務幾好。
其實整體味道都好唔錯，不過上菜的次序好奇怪，個柚子沙律上菜仲遲左碟菜同炒金邊粉，其實客人唔算多，上菜次序可以做好D，不過味道始於最重要，所以今次都食得好滿足。

係百利 FIT姊妹裙，係附近食埋晚飯等修改，見到和一價錢合理又多選擇便試下。
店子座位不多但寬敞，坐得幾舒服。
我地要左兩個 SET，好多野食，而且十分抵！
生姜燒豚肉飯拼拉麵連沙律、前菜、麵鼓湯、燉蛋及雪米糍 ($88)：沙律菜新鮮爽甜；前菜的花生和黃豆都好味道；豚肉燒得嫩滑，飯粒有咬口香噴噴；拉麵口感滑中帶靱；麵鼓湯咸左D；燉蛋十分滑、蛋香一般。
另一SET是壽司定食 (9件壽司+卷物 8 切連沙律、前菜、麵鼓湯、及雪米糍) ($98)：壽司整體都幾新鮮又多款式；卷物好大件、很飽肚。
$100 唔使甘多野，而且味道頗好，真係好難搵！

越興園開左甘多年，去開旺角經過無數次都未試過，今晚終於入去試下味。
店子細小，座位比較逼，價錢貴左d，份量亦唔多。
要左 3 個菜，味道都幾好，但很油膩。
鑊仔越式炒粉微辣、配合酸酸甜甜既汁幾野味。
牛油雞翼炸得十分多油，炸粉頗厚，幸好雞肉醃得入味，炸完亦保持肉汁。
炒雜菜鑊氣十足，菜炒得唔老，但油太多了。
味道是 ok 的，但認為食一次便夠了 …… 覺得去九龍城食會抵D和有風味些。

沙爹王既食物質素保証唔差得去邊，而且價錢大眾化, 每次食完都不會很失望。
蒜蓉雞翼和沙爹粉絲係必食既菜式。雞翼炸得外皮香脆，肉質嫩滑又入味。沙爹炒絲湯底香濃，炒絲幼滑，加埋爽口芽菜好配合。
魚柳焗飯：魚柳醃得咸左d，如果配白飯就ok，但加埋香濃既忌兼汁就過左火，而且飯既比例少，整體感覺太咸了。
葡汁焗四蔬：想食d 清淡既炒菜，但餐牌沒有，只好要四蔬，不是太喜歡吃鋪滿葡汁既蔬菜 ……
每樣野都好濃味，飯後送的薄荷糖可以清新一下口腔。

聽朋友講一風堂拉麵最正，但要排好耐隊，等幾十個號碼，聽到就怕怕。
今晚係附近睇完戲已經九點九，就去睇下多唔多人，店員話今日既籌已經派完，但可以十點三回來看看有無 quota。
最後好彩地可以入去試下。
餃子：餃子望落好乾身，食落無咩驚喜，餡肉唔夠鮮甜和多汁。
赤丸新味：湯底有點辣；拉麵比較幼身，但有咬口和香滑；叉燒選左瘦叉但都幾肥，而且超薄片又很唸身，沒有肉質既口感。
博多醬油拉麵：湯底十分香甜，好好飲；拉麵選左粗麵，更有咬口，但覺得幼麵麵香濃些；叉燒太薄片，感受唔到肉香味；唐心蛋唔太生，蛋黃 “黏黏地”，但唔夠唐心。
如果只講湯底和拉麵，真係超正。希望叉燒可以厚身番更好了！
此外，拉麵份量好少，食完好唔覺飽 ……
店員好忙碌，但仍很有禮貌，做左成日還可以精神奕奕甘招待客人，很好呵！

這裡的丹麥麵包十分有名氣，香濃鬆軟，令人一試著迷，由其我這個 “好飽之人”！
原本想食三文治，貪佢有幾片多士，但晚餐食三文治總是怪怪的 ….. 最後要了帶子意粉餐 ….. 餐湯太咸，飲唔晒；81層多士唔使講一個字 “正”；帶子薄片，唔夠新鮮又無乜味；意粉乾身，sauce 一般 …… 麻麻地，有點後悔沒有食三文治 …..
朋友要左卡邦尼意粉餐，意粉sauce creamy，比我那碟好味。
好想再食多幾片 81 層多士呵！只是貴左d ......

原本想去食拉麵，但好多人排隊，上網搵到佐敦呢頭既麥文記好多人讚，就試下啦。
首先要左雲吞麵、南乳豬手麵和油菜。雲吞麵細細碗，雲吞大大粒，全部係彈牙蝦肉，幼麵爽滑有咬口，湯底清甜，好鮮味。豬手唸身，南乳入味香濃，點埋醋汁，減去肥膩既感覺。
食物甘好味，忍唔住要多碗牛腩粗試埋佢。牛腩肉嫩野味，但粗麵太過硬身，我喜歡幼麵多些。
店員係一班叔叔, 佢地好親切, 沒有因為店舖多人忙碌而黑口黑面。
我地兩個人用左 $100 試晒幾款美食，滿足而歸。

朋友買左一枝靚酒為我補祝生日，要搵一間好既西餐廳而開瓶費又唔貴既，我就即時唸起呢度。
店內環境優雅，坐得舒服有空間感，店員有禮貌。因為幾凍，問餐廳借左披肩。
餐包賣相好差細細片甘，睇落唔好食，但一咬落口外脆內軟，帶點咸香，好好味！
凱撒沙律 ($72)：生菜爽甜，沙律醬酸甜甜又 creamy，bacon 咸香野味。
卡邦妮忌廉汁扁意大利粉 ($135)：忌廉汁睇落好似有點稀，但食落味道十分濃香，扁意粉硬度適中，令人著迷既菜式。
蛋黃醬焗挪威三文魚 ($148)：三文魚焗得剛好，肉質十分嫩滑而且厚身juicy，蛋黃醬沒有 “濟” 的感覺，因為加左酸酸地既味道，與三文魚配合得很好。
朱古力心太軟伴雪糕 (58)：心太軟上枱時已有點流醬，朱古力味香滑，加埋雲尼拿雪糕是絕配。
今天的晚餐真是好 wonderful !!!!

一直是 Table 18 的忠實 fans，因為有美好甜蜜既回憶，可惜這兒的服務一直下降著，今晚再來 …… 真是大失所望。
凱撒沙律：份量少，菜很多油和唔爽甜。
水牛城雞翼：醬汁很稀，沒有濃香火辣既野味，雞翼肉質比例實而無味。
芝士腸：皮薄而脆，腸肉汁 juicy 又有芝士流香，正！如果伴碟既係酸菜絲而唔係薯仔絲，會恰當地中和了腸肉既肥膩感。
卡邦尼溫泉蛋綠茶意粉：份量真係好少！溫泉蛋加入卡邦尼汁溝稀左香濃既醬汁，好在綠茶意粉頗有咬口。
以往很喜愛吃的餐包麵包條也不夠香脆 ….. 漸漸失去再來既興趣。

一直想試下五代同糖既甜品，但原來款色少，份量又細，最重要係唔好食。
Oreo 木槺布丁：Oreo 碎加上木槺布丁，味道普普通通的，但唔難食。
腐竹雞蛋：太甜，欠腐竹豆香味。
楊枝甘露雪花：雪花棉，但楊枝甘露味淡左d。
椰皇燉 3.6 牛乳(熱)：落單時店員話熱食要等 15分鐘，我回答ok；過左 5 分鐘，又有店員黎講同一番說話；再過 10 分鐘又再問多次！！最後過左 25 分鐘先有得食，但只係微暖！一部份凍一部份熱超難食，雖然又要等，但都叫店員再番熱。
轉頭 5 分鐘就已送回來，而且好熱！心唸佢地有無攪錯 , 明明可以好快，之前卻攪左甘耐！
辛苦得來的椰皇燉 3.6 牛乳原來好難食，牛乳唔香濃，還有點酸酸的 ……. 第二日我腸胃炎 ….. 當然不可以話一定關事 …..
總之以後也不再來了！