同朋友好耐冇見,佢鍾意食放題....終於再黎呢度!

星期五怕人多,所以就夜d食同埋訂左位,到埗時都仲爆晒場

甜蝦怪朋友自己吞左40隻有頭甜蝦...好似俾平時食開嗰d大隻少少, 佢話好鮮甜喎!
而我就食左好多三文魚,厚切, 新鮮,好正!芝麻雞翼=脆+香, encore 左２次==> 好怪唔好食, 唔係好夾囉,肥牛好大陣雪味,包住米紙好似保鮮紙

見到枱枱都叫好多温泉蛋, 於是都叫黎試試,大隻,好濃蛋味,但食一隻已經好飽串燒和牛雖然明知唔係真係和牛,但厚燒得好香,好淋....ok！跟住仲食左天婦羅蝦, 蝦好咸,天婦羅汁都咸
天婦羅有機蕃薯ok,但比較喜歡之前嘅燒有機蕃薯,甜d香d

可能得2個人,除左食左好多剌身外,其他野都試唔到......

巳經唔係第一次嚟....但係响澳門食buffet實在抵過响香港....次次都黎!!!

呢度大到行一圈都有排行,野食選擇多到不得了,次次都試唔晒
Refill 得好密,唔需要一開始入座都好多野食!!!例牌頭round:
即開生蠔-好新鮮又有兩種口味,適合不同人嘅口味
大蜆-算大隻,但不是太鮮
凍蝦-好大隻,爽口好甜

仲有即切魚生,普普通通,有三文魚,吞拿魚,八爪魚等大路野, 但都夠凍夠新鮮特色面包好多種,好香但驚太快食飽晒而唔敢食太多==>呢個麻麻怪怪地燒乳鴿-每次必食.....又熱又脆又juicy
意粉-雖然不即炒,但也不錯,勝在大路口味....不古靈精怪扮有特色
一小碟焗田螺- 薯蓉焗得好香...細細碟又唔會太飽肚
印度烤餅-都係每次必食,印度chef用傳統烤爐即烘,又熱又脆....配咖哩一流燉湯-好足料,原隻冬菇+鮑魚次次都好滿足咁離開,不過有d野食次次都見,希望下次會有新菜式新驚喜