打工仔食晏時間有限，一小時午飯時間分秒必爭。 由辦公室衝到上環街市，12:35坐底叫快餐，飲品3分鐘到，十分好。但一碟炒烏冬等足30分鐘！過了20分鐘開始追問店員阿姐。一句句答你會跟會追。但答完就去第二張檯落單，完全冇視你追單要求！猶如乞丐懇求有心人真的幫你追單！ 最終等了30分鐘終於上檯，碟嘢暖的，應該放了半小時掛。味道偏咸，油多。如果閣下揀得係度食，祝君好運，沒漏單應該會好得多掛。。。。。 十分不愉快經歷！！永久blacklist!

今晚想食pizza，原想去銅鑼灣食，但驚好多人又驚D條街好混亂，係上環落船後行到黎水坑口街，見到間餐廳細細，燈光暗暗的，好有格調，就同老公入去試下

入到去menu係英文，唔係好識睇，好彩d服務生識廣東話 會介紹俾我。

一開始嗌左兩杯飲品，一杯mock tail , 一杯milk shakes, mock tails blueberry Lemonade酸酸地好開胃，岩食pizza咁滯嘅野

杯rocky road milkshakes 就好足料，所以都好「漏」下因為兩個人食, 都唔係好敢嗌太多, 雖然有好多都好想食, 今次就試下意粉同PIZZA先.
意粉嗌左呢個大蝦寬意粉, 唔係好大碟, 但好足料, 味道唔錯~PIZZA方面嗌左個PIZZA PEPPERONI, 
好大個, 兩個人真係食唔晒, 起碼3個人以上食都OK, 
辣辣地, 好多芝士, 好好味, 呢個我好鐘意~!
所以食唔晒都打包拎返屋企第日做LUNCH都OK.食完PIZZA之後, 再嗌多個甜品, 
呢個PUDDING係佢地推介, 真係好好食, 唔係太甜, 但入面熱熱地, 再配香口嘅雲尼拿雪糕, 
真係冇得頂呀, 就算頭先食得好飽, 都要食埋佢.整體上呢間鋪頭我覺得好正, 我會再去, 因為我見到佢D BURGERS好吸引, 
我好想食, 但真係黎一次食唔晒, 可以叫多D朋友下次一齊開心SHARE,
可以叫多D唔同野食一齊食.

食物質素好, 據知係五星級酒店師傅出品的, 員工服務又好, 值得再去~!

6點左右去到, 已經有人等位, 拎左飛去地下超市行左陣, 之後7點左右就有位啦.

本身好鐘意食韓國食品, 今次3個女仔食, 睇到個MENU樣樣都好想試..價錢亦都適中啦

食物方面:

反蛋卷 $55. 不過不失, 未至於好好味好鐘意食年糕, 但MENU D年糕只有一款係唔辣,
試左個特辣年糕伴拉麵..$72......真係好鬼死辣........
平時係食米線個間都食到3小辣的我..呢個拉麵嘅辣..我食唔到>_<飯就嗌左太陽泡菜炒飯$84
呢個係飯黎得超快, 落單唔駛5分鐘就到..
D飯都幾好食, 泡菜個味幾香..個鑊好熱.呢個要推介: 墨魚卷, 雖然外表麻麻, 食完排牙仲烏卒卒..
但真係好好食, 口感好好, 好食到我..加單嗌多一碟....之後呢個...完全唔掂..
我都唔就得係炸乜..好似係炸魷魚咁上下..
但..真係好難食...冇乜味..黎到..已經似反炸再戶炸咁..飲品方面, 叫左兩樣.
棉花糖草莓艾立菲....
圖片與事實好似有點不乎喎..
同埋..超多冰..似飲淡味草莓冰囉...另一樣.. 比較之下...好飲好多...SO FAR整體我覺得OK.
食物黎得超快. 但食就預早拎定飛啦..

是晚星期二約左四個朋友到旺角食野, 朋友只係話想食放題, 由我決定地方。
咁我梗係揀返D之前食過, 印過唔差嘅地方食啦. 咁我記得呢間之前食過, 中規中矩啦, 起碼記得坐得都舒服丫.

咁我晏晝2點左右打電話訂位啦, 好搞笑, 打通之後, 好明顯聽到有轉駁線嘅聲, 之後就聽到有人講: 『而家線路繁忙, 如果要訂檯就留低姓名同聯絡電話, 會有人覆你。』咁個刻我以為電話錄音, 所以係度等”DO”一聲後諗住錄低口訊, 點知……………有人講:「喂喂」…原來係真人黎..唔係錄音. …好瘀…..咁留左之後大約4點幾就有電話覆返訂檯喇。咁我訂左8點個時段啦, 個職員話留檯10分鐘..

好, 咁大約7點10左右上到去, 門口姐姐話可以入去坐低先, 個場都好FULL, 雖然係平日。 咁環境都OK嘅, 差唔多全少都係卡位, 可以坐得舒服, 卡位個隔屏又夠高, 可以傾計得有私隱D, GOOD~!咁係食物方面, 都算有好多選擇, 一般刺身壽司都有,熱食炸物個D都有。咁係落單之後, 刺身勁快到, 都叫執得好齊, 刺身都新鮮好食。 炸物方面, 芝士年糕同炸香蕉好好食, 好脆~! 燒嘅食物方面, 燒菠羅同粟米都好好食..但係…要等好耐..同入一次漏一次…所以…一般啦,... 熱食方面, 都有清淡嘅菜鍋, 幾好~! 豬骨湯烏冬, 冇豬骨味, 好淡… 飲品方面, 熱菜蜜幾好飲, 唔係太甜, 好飲, 飲左起碼4杯. 甜品方面, 綠茶雪糕好食, 唔太甜, 綠茶味夠濃, 唔錯.總括黎講, 每人為返204一位, 食物都算叫ok, 起碼唔係剔左唔黎, 我地叫刺身頭個2次叫完之後都係冇章紅魚, 開頭都諗會唔會係因為貴d所以冇得食, 咁就直頭落一張單15件章紅魚刺身, 最終都有返, 咁都算係咁啦, 當佢執漏啦.
唔滿意就係飲品黎得慢, 燒物又係等勁耐…起碼等20分鐘以上, 另外就係執野好慢, 次次成檯吉碟要叫人先有人黎執, 如果可以主動d執就會更好啦. 另外可能因為我坐得近門口個邊, 好鬼死熱..邊食邊出汗…可能我熱底啦…我行去廁所個邊反而感受到d冷氣.. 計落都食過好多間餐廳嘅放題, 呢間都算ok嘅. 唔可以話好突出, 但都未至於會失望啦.

訂位方面: 當日晏晝網上訂位, 留了要求坐卡位, 餐廳安排到, 抵讚~!

食物方面: 算唔錯, 整體上都OK,
1. 叫左個鵝肝, 味道唔錯, 仲要係試食價, 抵啦! 五十幾蚊~!2. 煎牛柳粒, 唔好食, 好"UN" , 唔知係咪個老世聽到我地講唔好食, 佢唔計呢個錢, 超NICE~!!

3. 芝麻醬雞扖沙律, 好味, 好鐘意D芝麻醬味道~!4. 香草挪威煙三文魚意大利飯, 其實整得唔錯, 但最衰唔係用返意大利飯好似珍珠米個D米整, 口感即差左, 用左好似泰國米咁..5. 蕃茄醬海鮮意粉, 一般啦, 冇驚喜但又唔失望~飲品方面: 整體上較淡, 同埋冇得跟餐, 廿幾三十蚊杯貴左D~!服務方面:
1. 唔會趕你走同限時, 好!
2. 卡位都坐得好舒服, 又有電視睇, 好!
3. 但侍應較新, 第一個落單好似唔識咁, 我地叫野食, 佢叫我地講慢D, 之後都係唔得, 搵第二個人幫我地落..=.=
4. 廁所好細, 要入去屙都好有難度..

以一人百零蚊, 搵到間叫做食得下, 又可以坐得舒服吹水嘅地方, 算係抵啦~!

打電話訂檯感覺服務好好！很有禮貌!

食物方面，除咗中式同飽肚嘅食物係叫完就有，其他魚生個d, 入一張漏一張，要催幾次先有一份!
黎到嘅刺身其實唔差, 算新鮮, 係切得細粒左少少, 同埋每次份量都好少 ; 中式食物金姑肥牛咸左D, 炸物都OK, 不過不失啦, 甜品一般啦, 泡芙幾好食, 但PUDDING就好膠質, 好似食緊D假野咁。總括黎講, 就係食過就算, 唔會再去。

服務態度係唔錯, 落ORDER同追食物樓面嘅人都會即時應你, 話幫你追同SAY SOR, 但見到企係刺身吧嘅師傅就只係企埋係度傾計, =.= , 有冇追過就唔知啦, 我見我身邊個幾檯都係不停追刺身。

其實食放題, 都係想食多D魚生刺身JE, 但如果間公司跟本就提供唔到, 咁不如做SET啦, 唔好叫放題, 搵客人笨, 放題放到只係放粉麵飯,飽肚食物, 咁我覺得其實好呃錢, 唔值!