♡黑夜火鍋低至$288二人餐♡岩漿沙嗲溫體牛肉火鍋任食♡自製超濃郁沙嗲牛大光麵♡ ▫️溫體牛喺台灣掀起一時熱潮！溫體牛即係新鮮宰割未經任何冷藏嘅牛肉，夠新鮮所以肉質鮮甜度同亮度都比較高！ 原來喺香港都可以食到啦😍 旺角有間台灣料理，晚市主打「台灣溫體牛火鍋」，每人加$33仲可以任食牛肉！ ▫️佢哋一共有五個套餐，全部都係$368/二人份量！20:30後入座仲有黑夜火鍋優惠$288/二人！一樣可以每人加$33任食牛肉60分鐘😍 認真抵食！ ———.+:｡(〃ω〃)ﾟ.+:｡ ｷｬｧ♪ ✰岩漿沙嗲鍋套餐 $368 套餐內容包括👇🏻 ▫️岩漿沙嗲湯底 -如果第一次食呢一間餐廳，我覺得必試推薦係佢哋嘅沙嗲湯底！超級濃郁！未加入清湯之前所有食物都唔需要再沾點醬汁，食佢嘅沙嗲原味！仲要記得未加清湯之前食個公仔麵先😂 最濃郁嘅時候煮麵係最好味😋 ▫️任配兩碟牛肉 -我哋今次試嘅係牛嫩肉同埋牛菲力，溫體牛真係好新鮮，牛嫩肉比較軟嫩，牛菲力冇乜油脂比較有嚼勁。 另外仲加錢（$68碟）試埋牛頸脊，牛頸脊嘅油脂同埋口感係我哋最鍾意嘅🫶🏻 佢哋嘅牛肉都比較重牛味。 ▫️丸餃拼盤 -蛋餃 4隻 & 墨魚丸、牛丸各3粒 -蛋餃勁正，蛋皮唔會太薄烚完唔會散，肉餡亦好鮮味。墨魚丸同牛丸都好彈牙。 ▫️蔬菜拼盤 -生菜、油麥菜、娃娃菜、金菇、蘭花乾（台式豆卜）等等。 -蔬菜夠新鮮，索晒啲沙嗲汁好滋味😍 ▫️兩份主食 -可以揀烏冬/大光麵/白飯。建議揀大光麵，係台灣嘅非油炸公仔麵，同沙嗲岩漿湯底真係好夾！ ▫️兩杯飲品 -多款台式飲品選擇，如果加咗$33任食，可以任飲 古早味冬瓜茶 / 山茶花烏龍 / 茉莉毛尖。 -我鍾意佢哋嘅飲品可以揀甜度同埋冰量🫶🏻 💵人均$220，好抵食👍🏻

▫️呢間居酒屋係蕃薯妹最喜愛嘅居酒屋之一，鍾意呢度裝修好靚好特別，係以京都為題仿江戶時代嘅設計，充滿日本古代風味，燈光幽暗特別有格調。 ▫️呢度有好多創意日式料理，而且酒品都非常之多選擇。 🌟今次嘅必食推介💁🏻‍♀️ ✰八爪魚沙律 $108 ▫️八爪魚片嘅份量好多，鮮甜口感唔韌，加上蕃茄粒粒、魚子、蔥絲及橄欖油蕃茄醋汁，好開胃。 ✰海膽油甘魚卷 $238 ▫️滿滿嘅海膽加上火炙過嘅油甘魚壽司卷，海膽鮮甜入口充滿魚油，捲着牛油果同青瓜，非常好味必食推介😋 ✰燒雞皮蝦 $88 ▫️每次都必定會食，雞皮卷剝咗殼嘅大蝦，燒到外層香脆，蝦肉彈牙，仲有蝦膏！ ✰三色鮪魚刺身迷你丼 $320 ▫️是日廚師推介，吞拿魚三色迷你丼，可以試到三款唔同嘅吞拿魚刺身丼。 ▫️大拖羅，有三片，入口即溶好肥美😍 ▫️吞拿魚蓉、海膽、三文魚子，呢個配搭都好好食！好邪惡😆 ▫️吞拿魚赤身，一樣有三片，我自己就唔係好鍾意食赤身俾咗朋友食，佢哋話都好鮮甜😋 💕其他美食💁🏻‍♀️ ✰溫泉玉子 $22 ✰鹽燒銀杏 $48 ▫️佐酒必備，第一次食咁樣嘅銀杏幾得意，口感煙靭。 ✰蟹肉忌廉餅 $88 ▫️蟹肉忌廉餅波波，用蟹肉同忌廉薯蓉製作，炸得香脆入面薯蓉又好滑😋 拌碟有沙律菜配特製水果醬汁。 ✰鹽燒牛舌 $52 ✰鹽燒活鰻 $78 ✰雞肉京蔥串 $30 ✰豚肉車厘茄串 $38 ▫️串燒類全部都火喉夠燒得啱啱好。 ✰蟹肉炒飯 $140 ▫️有蟹肉同珍珠帶子粒，炒飯炒到粒粒分明夠乾身。 ✰Suntory生啤 500ml $59 ✰Suntory黑啤 500ml $66 ✰梅子燒酎梳打 $54 💵4人食👩🏻‍🤝‍👨🏼👩🏼‍🤝‍👨🏻人均$500。

▫️第一次喺香港去貓貓Cafe😻 旺角原來有一間愛心貓Cafe，餐廳大部份貓都係收養流浪貓，佢哋會幫助流浪貓搵家庭，支持領養代替購買😻 ▫️就算我哋唔係嚟領養只係嚟消費，餐廳每個月都會捐錢俾慈善機構，幫助更多流浪動物💕 所以我哋嚟食嘅每一餐飯都可以幫到更多小動物㗎！ ▫️餐廳環境非常舒服，活動空間好大可以比貓貓周圍走，我哋人類都可以周圍走同佢哋玩😂 而且香港好多寵物餐廳都好少會歡迎小朋友，呢度非常歡迎家長帶埋小朋友一齊嚟玩，就算佢哋周圍走都冇問題！可以慢慢嘆😽 ▫️目測呢度有幾十隻貓貓自由活動，餐廳資料還有38隻貓貓😳 大部份都好鍾意同人玩，有啲一坐低仲爬上身🤣 黐住咗唔走～ ▫️有頸圈嘅貓貓係貓店長，可以掃頸圈QR code睇佢哋嘅詳細資料；而冇頸圈嘅貓貓係接受領養嘅😻 如果同佢哋好啱Key想領養可以即時問職員詳情。 ▫️除咗好玩，佢哋嘅嘢食質素都好好，款式唔算太多，但係味道各樣嘢都唔錯，定位唔算太高。 ✰招牌蒜香蟹肉明太子闊條麵 $128 ▫️必食推介😻 好creamy，蟹肉都幾多，味道好💕 ✰蜂蜜烤雞翼 $58 ▫️一客4隻，皮脆肉滑💕好鍾意佢個碟係貓貓樣😆 ✰燒章魚丸子 $58 ▫️一客6粒，燒得幾好個皮都幾脆，味道都唔錯，入面有章魚粒😽 醬料落得一啲都唔孤寒，更加惹味💕 ✰生椰拿鐵 $58 ▫️估唔到呢度有得飲😻 香滑椰子味嘅咖啡～ 推薦！ ✰茉莉綠茶 $48 ▫️如果想冇咁漏就可以揀茶類，佢哋嘅選擇都好多。 💵全單$385，2個人食👩🏻‍🤝‍👨🏼人均$192 ▫️我覺得下次可以留肚去食多啲嘢😳 咁有意義可以幫助到小動物，佢哋嘅價錢又咁抵，唔好吝嗇去消費多啲🫶🏻

▫️呢間日式嘅特色卷物專門店係蕃薯妹飯堂😂 基本上要就啱地點，每隔一兩個月我就會食一次！ 銅鑼灣呢間第二次嚟，今次又叫咗少少未食過嘅菜式，又有驚喜！🤩 🗻富士山 $98 ⚘蟹柳⚘鰻魚⚘牛油果⚘脆片⚘蟹籽⚘ 一客8件 ✰長期人氣高企嘅富士山，以滿瀉嘅蟹柳加脆脆為賣點，再加上自家製醬汁同埋蛋黃醬，口感同味道都一流😋 🎸搖滾樂 $118 ⚘鰻魚⚘芝士⚘炸蝦⚘牛油果⚘一客8件 ✰肥美嘅鰻魚鋪滿炸蝦牛油果卷上面，再加上鰻魚汁，非常好味！朋友唔食芝士，我哋走咗芝士，都冇減低佢嘅滋味😋 🐟鹽燒鯖魚 $82 ✰難得喺日本餐廳食燒鯖魚係覺得唔會太乾，魚身厚亦有啲水份，味道唔腥，口感有少少似食緊一夜干👍🏻 🐮埼玉 網燒牛舌 $78 ✰古今及古今二必食推薦一定係牛舌！無論係串燒定係網燒，佢哋都可以做到好Juicy，口感好好，而且冇臊味～ ▫️另外佢哋有好多清酒可以揀🤩可以食住日本嘢同朋友飲返杯sake🍶 💵2人食👩🏻‍🤝‍👨🏼人均$207

發現尖沙咀有間好抵食嘅台式火鍋，120分鐘任飲任食，最平$319就可以食到澳洲M9和牛！ 佢哋主打台式風味湯底之餘，仲有多款台灣小食同埋台灣甜品。 佢哋嘅火鍋配料選擇非常多，有齊豬牛雞羊同埋海鮮！ 而台灣小食都有去旅行必食嘅炸地瓜丸、炸花枝丸、台灣腸等等。 今次特別留意到佢嘅甜品真係非常吸引，有去台灣一定要食嘅芋圓DIY，配料非常之多，有我好鍾意食嘅紫米、啫喱粒粒同埋鳳梨椰果。 除咗有芋圓之外，仲有雪糕😋 好豐富～

呢間西貢懷舊Cafe，好似一個迷你嘅懷舊博物館，收藏咗唔同年代嘅舊物品，好有趣。 環境非常之令人放鬆，好適合放假過嚟Hea下飲吓咖啡食好西。 🐷加拿大法式豬鞍扒 - 肉質軟嫩煎得啱啱好，外層有微微焦香，豬鞍扒都幾大塊，可以同朋友share一齊食。 🥦焗西蘭花 - 用芝士白汁嚟焗，好好味😋 西蘭花唔會淋晒，個煲仔好得意好懷舊～ 份量都唔細，食得多肉要食多啲菜平衡返。 ☕️ Tiramisu - 佢嘅Tiramisu整得好好，咖啡味夠重，啲cream好滑😋 🍵冷泡茉莉花茶 - 茉莉花味好香🫶🏻 清香怡人，坐喺度慢慢飲Hea吓好放鬆。

▫️長期爆滿嘅燒烤堂有好多間分店，之前去過銅鑼灣店，今次嚟試吓中環店。
我鍾意呢度嘅裝修，好有日本居酒屋風情，燈光比較幽暗，食客好多非常熱鬧。





▫️燒烤堂嘅串燒種類超多，有齊日、泰、港、川、西、新疆、台、韓式咁多種唔同國家嘅口味，仲有自家研製嘅菜式！


▫️佢哋嘅價錢都唔算貴，有好多款肉類$20起就食到，蔬菜類低至$12起，價格同環境質素不符😂 太抵食～


▫️由於所有串燒都係即叫即燒，有某啲嘢食會耐少少先到，但係全部都好夠火喉，燒得好好味😋



▫️比較罕見嘅係〖日本無激素走地雞系列〗試咗以下兩款都好香好唔錯👍🏻
✰鹽燒阿波尾七里香 $22
✰鹽燒赤雞頸肉 $22

▫️另外極度推介下面呢幾款🫶🏻



✰中切鹽燒牛舌芯 $28
⚘本身想叫厚切牛舌腩，剔錯咗呢個😂但係估唔到都唔薄，而且幾Juicy爽口。冇牛臊味。


✰鹽燒A4宮崎和牛 $58
⚘A4和牛入口即溶，牛油脂勁香🤤入口係滿滿幸福感🫶🏻




✰焦糖青蘋果鵝肝多士 $108
⚘好大件鵝肝🤩外脆內軟夾埋成片青蘋果同煎到香脆嘅焦糖多士，勁好食！



✰泰式豬頸肉 $28
⚘豬頸肉爽脆彈牙，有泰式辣汁點嚟食👍🏻


✰福岡味噌松板豬 $28
⚘味噌松阪豬比較特別，口感比豬頸肉腍，味道比較甜，好有日本風味。



✰SAPPORO生啤 500ML $48 買一送一‼️
⚘必定要叫平均每杯$24真係好抵！食串燒點可以唔啤一啤？🍻


▫️唔逐一詳細寫評喇～ 其實成餐都冇乜邊樣覺得可以彈😌真心覺得好味，鍾意食串燒嘅一定要嚟試吓！




✰鹽燒白鱔 $48

✰海苔黑豚肉鵪鶉蛋 $28

✰孜然燒虎皮尖椒 $12

✰香辣雞中翼（兩隻） $18

✰鹽燒開邊雞中翼（兩隻） $20

✰手釣墨魚鬚 $22



✰川燒蒜蓉茄子 $36

✰燒萵筍伴蟹膏 $26



✰涼伴藤椒魚皮 $38



✰鹽煮枝豆 $28


💵2人食👩🏻‍🤝‍👨🏼人均$400

位於銅鑼灣加路連山道嘅小店，價錢親民，餐廳簡潔乾淨，主打酸菜魚，$198已經食到大大份招牌酸菜魚，好抵食🫶🏻 除咗酸菜魚仲有多款惹味串燒以及麵食選擇。 ▫️佢哋嘅酸菜魚湯底用自家秘方加上老酸菜、小米辣及花椒，味道酸辣帶有麻香，魚片嫩滑鮮甜，配菜有芽菜、金菇、蓮藕等等。 ▫️迷你咱家炸醬拌麵嘅麵質好好，炸醬味道濃郁，加上花生碎同蔥花，好惹味。 ▫️另外佢哋嘅串燒火喉都啱啱好，而且價錢勁平，十幾蚊就有一串！ ▫️越泰特色飲品選擇都幾多，越南奶茶、珍多冰、椰青等等都可以飲到👍🏻 ✰漁稼酸菜魚 $198 ✰迷你咱家炸醬拌麵 $38 ✰雞軟骨串 $14 ✰豬腩片串 $14 ✰錫紙金菇 $28 ✰話梅鹹檸梳打 $36 ✰志明奶茶 $38 ✰白飯 $20 💵2人食👩🏻‍🤝‍👨🏼人均$220。

北角好多隱世食店，呢間«滾得囍宮廷火鍋小炒»喺一個完全唔起眼嘅商場Marble33入面，如果唔係睇到介紹或者帶小朋友去補習應該都唔會見到呢間火鍋店😂





餐廳門口金碧輝煌嘅龍椅俾食客打卡，更有一系列龍袍鳳掛可以揀嚟著吓影相😆 裝修係復古宮廷風，好鍾意佢哋用雕花木設計成一個個小包廂，食飯嘅時候有少少私隱度，亦帶來視覺享受😎





康熙花膠雞湯鍋（半隻）$338
選用100-120日龍崗雞每日熬製8個鐘以上嘅鮮雞湯底，非常鮮味濃郁。


未落雞件之前店員叫我哋一定要飲返兩碗湯先🤤
花膠厚肉仲有兩大片，好足料，食極都仲有😍雞肉亦非常嫩滑😋





本地牛頸脊騸牯牛肉(細) $338
鮮嫩重牛味嘅騸牯牛頸脊，限定嘅唔係成日有，上枱擺盤好有氣勢。



滾得囍餃子拼盤•十粒 $148
和牛芝士一口餃、新鮮菜苗帶子餃、韮菜豬肉餃、馬蹄冬菇豬肉餃、芋泥豬肉餃，各兩粒
即叫即包嘅新鮮餃子，粒粒飽滿，皮薄餡靚。



手打黃金流心鮮蝦丸•四粒 $78
煮熟後非常彈牙，咬落去流沙鹹蛋黃醬好邪惡，而且啖啖都有鮮蝦肉！



黃金雙拼（秘製鹹蛋黃醬） $98
又係極邪惡推介，即叫即炸嘅響鈴同埋脆炸魚皮，外層係滿滿嘅鹹蛋黃醬，響鈴酥脆到不得了，一定要試！



滾得囍豐盛雜菜拼盤 $128
好豐富嘅新鮮雜菜拼盤，有娃娃菜、生菜、油麥菜、皇帝菜、粟米、蕃茄、木耳、蓮藕等等，擺成一個花盆🥰 呢度全部嘢食都有睇得又食得！



Blue Girl 生啤500ml $88
Hoegaarden 生啤500ml $88


呢餐我哋兩個人食係完全食唔晒，個湯底有半隻雞，仲有餃子拼盤食咗10粒餃子😂已經飽咗啦！
我諗呢個份量細食嘅朋友應該三至四人食😆
💵全單$1300左右。

用咗〖Storellet〗呢個app嚟搵 #餐廳優惠 好多年😆 每間餐廳都有唔同嘅迎新優惠同埋限時優惠券～ 有啲餐廳成日去食仲可以順便用嚟儲積分～ 積分可以換discount優惠甚至係免費換嘢食🤩 今次喺尖沙咀發掘倒呢間«MR. MAKI»日式壽司卷物嘅快餐店～ 佢哋有兩個超抵食二人套餐🤩 👩🏻‍🤝‍👨🏼二人套餐Set A $298 ❁腐皮沙律 ✰原來沙津加日式腐皮咁好味😋甜甜地好得意～ ❁Sushi Platter ✰三文魚壽司x2、王子壽司x2、油甘魚壽司x2、帶子壽司x2 ❁Signature Roll（3選1） ✮V2. 熱情赤富士 或 ✮No.14 先生巨無霸 或 ✮辣味油甘魚金菇卷（+$12） ✰揀咗辣味油甘魚金菇卷～ 呢款卷物平時無得散叫～ 係派對到會嘅特別款式嚟～ 聽倒店員咁講即刻加錢試吓😆 ✰好多油甘魚粒好豐富🤩 卷住金菇天婦羅同埋青瓜口感好好👍🏻 ❁Cold Soba Noodle & Tempura Platter ✰蕎麥冷麵1份 ✰天婦羅：蟹柳x1、甜薯x3、蝦x2、冬菇x1 ✰天婦羅炸得香脆～ 冬菇好得意，釀咗芋泥😋好味～ ❁甜品 ✰日式焦糖布丁🍮 ❁飲品x2 ✰自選罐裝飲品，波子汽水梳打幾好飲～ ———.+:｡(〃ω〃)ﾟ.+:｡ ｷｬｧ♪ 喺〖Storellet〗入面成為«MR. MAKI»新會員， 4月份限時會員迎新優惠🤩👇🏻 1️⃣送200分 (變相可即時用積分換領: 先生炸雞(4件/南瓜餅(1件)/薯條/中華沙律/日式酸薑) 2️⃣V4. 墨西哥卷($59)買一送一 3️⃣其他迎新優惠 - 凡購買任何lunch set,可免費換領其他飲品 - 任選$25以下小食一款 - 枝豆一份