行完龍脊，落山搵野食醫肚，入左第一眼見到嘅棠記，多客就諗住冇死。入到黎，行完山例牌叫西多紅豆冰，補番失去左嘅卡路里。誰不知西多無花生醬，入面是蛋漿，可能有人好鐘意，但我真係唔得，花生醬先係靈魂黎架嘛；紅豆冰太淡，水太多掛，總之奶味已經唔重，啲紅豆同甜味消失左咁。太surprise，早知出番筲箕灣先食。男朋友好醒，食味道不變嘅餐蛋麵檸檬茶，安全。廁所乾淨又有露台位，不過唔是望海。服務唔差，都好有禮貌而且好helpful，見你裝裝下都會問你係咪搵廁所。各方面都好，就係西多紅豆冰唔啱我。咁就多謝101$

因為咁岩響中環番工，放飯時朋友叫我試下哩間，咁第日就去左試啦。
佢地點係響Mana fast slow food 同文輝魚蛋大王對面。唔算難搵。
當日係紅日下午三點左右，唔洗等位，有卡位。
朋友話係雲吞出名，就點左碗世家雲吞麵。
黎到都呆左呆，隻碗真係好細，因為見唔到雲吞就估係響底，即係。。。你可以想像到碗麵有幾細。
好彩當日唔餓，如果唔係真係兩啖就可以KO 碗麵。
因為我係好鐘意飲麵底湯既人，同樣幾匙就飲到冇咁濟。
個湯同個麵簡水味唔重👍
麵唔硬身而爽口(本人食開冧麵懶咬野)
雲吞蝦大大粒好食唔會散身
而佢用既唔係辣椒油而係用辣椒醬(應該撈埋啲豆瓣醬個類)
除左碗麵細啲之後其實真係唔差
你個香港人搵錢辛苦又想大件夾抵食
都只可以講句一分錢一分貨
我食左個麵之後就埋單出去再覓食啦