已經成三個月無寫食評,
電腦整番,又嚟評一評先.
話說三個月前.
晌信和行完,想搵吓D好嘢食.
但又唔想成日譚X.
望一下,就呢度啦!點知...
我叫咗個酸辣鴨胸米線加凍奶茶1分:鴨胸咬落去係凍.好似啱啱晌雪櫃攞出嚟!
米線一D都唔淋.仲要有少少生.
可以講湯還湯,米線還米線.
配料算多.有魚腐.冬姑,但食落都係....好似唔熟.
杯凍飲.....都叫唔係太難飲,正常D.
我都食得唔咀刁.都剩番成大半碗..
怕怕,放低錢.無下次!

元旦之後既一個星期.簡直繁忙到行街都無時間.
一直到...
有朋友打嚟話想去波鞋街買嘢.
叫埋我一齊去睇一睇,順便食飯聚一聚.
好,OK.
大掃貨一輪之後.
行到舊KFC門前......我地一於就佢啦!
一上就上咗樓上卡位....四人坐都得.唔太逼..
友人望一望MENU.
.隨意叫咗個..
咸牛肉飛碟配炸薯角$354分:友人話麵包好香脆,仲好食過招牌奶油豬,正.
不過要叫先有茄汁
我就簡單D,一個海南雞飯$60加油菜$154.5分:雞有再浸過上湯
肉質嫩滑
醃青瓜羅白又醒胃..正
今日既湯係青紅蘿蔔.
跟餐既例湯都有水準..好得
餐茶我地兩個都係叫熱奶茶.3.5分:茶就幾好不過D WAITER SERVE到隻碟好似.....
呢點就要改變一下啦.
慢慢坐..慢慢坐.大家都傾左成個半鐘.
約朋友HIGH TEA都係一個好CHOICE!

回想一下,都好耐無執筆啦.
今晚一於寫一寫吓先.
是緣多謝加拿大好友今年大除夕.
回港探吓我地D舊同事.
大家之前都無PLAN定去邊.
係其中一位朋友話俾我地知訂左呢度先識嚟!
入到去,都有幾枱坐定定.
由於有朋友係吸煙人士,於是我地一齊坐OUTSIDE.友人發板.大致以下幾款較為有印象
先嚟湯.4分:好似蟹肉羹.但好多蟹肉,正.
再嚟一ROND刺身船.有三文魚.海膽.北寄貝.油甘魚.立魚5分:好FRESH.魚生新鮮,唔錯.
壽司什錦3分飯硬左少少.一般.
香草焗毫4分:有少少日本清油味.YUMMY.
大家食到仲有五分鐘倒數,
5.4.3.2.1...
一路戶外睇煙花.把酒談笑風生.
唔........2012年啦!

有同事生日,少不免生日禮物.
但我地都估唔到.壽星女請晒我地成GROUP人食飯!
就呢度,我地訂左8:00.雖然好多人,
但我地企左一陣就有位啦!
坐低左,有D想飲番杯,叫左野飲先.
我地嗌左竹蔗水同啤酒4分:飲得出係自家製既竹蔗水
跟住先撈吓自己既豉油先再叫湯底,我地叫左兩款,
一個係莞茜皮蛋湯.一個係咸菜胡椒豬肚湯4分:唔似滾水湯底.真正有用骨熬出味既湯.
先嚟過象拔蚌刺身4分:3斤重,我地9人都話夠爽,正

再嚟多ROUND既本地龍蝦刺身4分:本身偏好澳洲龍蝦既我,都覺今日呢隻都好大隻.
起出嚟既肉,每人都有十塊以上.
打邊爐點少得牛肉呢
我地叫左牛脊同牛柳粒5分:簡直入口,一股好香既牛肉汁充滿口腔.
眾人忍唔住要ENCORE多兩碟
炸魚皮5分:呢個又係大家一致覺得最好食,入口仲熱辣辣.
腰潤拼
4分:洗得好乾淨無異味.
頭先既龍蝦二食,我地揀椒鹽頭爪
唔唔..食到個個飽飽,
ANYWAY,多謝壽星女!

聖誕佳節,少不免出一出尖沙咀行吓!
平安夜正日太多人.唯有26/12先出動啦.
呢幾年,尖沙咀多咗咁多新地標.
行到K11,都係食晚飯既時侯啦!
今日只係得自己.食咩都得!
見到呢間光猛門面,一於一試.
去到門口攞位.連坐低都唔使一.兩分鐘,讚 望一望MENU,都係想飽肚D.
今餐有頭盤.湯.主菜.
先嚟個冷盤蟹子沙律4分:唔單止多既蟹子,仲有蟹肉絲,唔錯!
跟住就日式蒸蛋5分：呢過超正,雞湯底再有少少菇,
同埋好香既日本農場蛋.
海鮮麵豉湯4.5分:裡面有蜆仔.昆布海澡.
比一般既麵豉湯更加鮮味.
主菜:浦燒鰻魚玉子定食4分:剛剛燒起既鰻魚,同唔太濃味既玉子汁.
又唔覺得唔MATCH.

後尾加多杯即磨咖啡3.5分:夠香,仲要係即磨,OK
睇MENU雖然主打拉麵.
但其他菜式都估唔到做得幾好!

星期一,又係搏殺既日子.
臨近聖誕.天氣又凍.....
眾fb友想打邊爐兼吹水!
經過一輪網上對話.得出結論....
任食同地點就腳
於是就有呢篇火鍋大格鬥part 3啦!
我地11:00幾上去,都見有2.3個人等位.
我地4位,唔駛5分鐘都入到去.
坐低左先叫定湯底莞茜湯底同麻辣湯3分:一般,唔香既湯
先出去行一round
攞左牛肉,肉丸.菜.菇類呢d大路野[IMG:5
3.5分:賣相同色水,以至新鮮都ok.
食味就不什突出!
牛肉淥左三下都唔硬.可以接受
菜我地揀皇帝菜同生菜
4分:放題火鍋都唔馬虎,無沙乾淨
丸類攞左蟹子丸.貢丸.魚旦.芝心丸
3分:略有少少雪味,都可以
汽水有幾款.仲有好少會買既提子梳打大家都係旨在傾計.食味反而無留意.
但服務就一定有改善空間.
門口嗰位姐姐既語氣就如樓下所言.
服務極度唔友善.
但對住自己既熟客就另一個版本.
呢點就要請老闆留意一下.
味道.出品係可以既.
但一位姐姐就拉低晒所有.
所以ok一個.

dinner之後,友人咖啡癮未夠喉.
想嚟多round!
行出大堂經過.
咦南洋咖啡>>>>>
我地一人一杯熱鴛鴦4分:又有港式既香茶.兼有南洋咖啡既醇,正.
再一round小食
菠蘿油同半熟蛋兩隻.3分:包唔係幾鬆化.一般.
大家一路坐,一路傾,都吹水吹左成個鐘.
夜啦.下次再傾過!

火鍋之後,由於甜品既不足之處.
於是再下一城,睇吓搵d咩甜品.
行到呢度..
大家又再擦埋幾碗甜品先返歸
.心水之下想食燉既甜品,店家一早售罄.
我地分別叫左
椰汁黑糯米清心丸3.5分:成日覺得清心丸一定要配綠豆爽.
但咁拼又另外一番味道
香芋西米露豆腐花西米圓4.5分:我朋友話香芋好多,正.
楊枝甘露芒果布甸
3分:另一友人既至愛,想影低但好快k.o左
糖不甩5分:簡直另人再三回味.由其是啱啱上枱.
熱辣辣既湯圓,沾上面既花生粒又多,
後尾仲要加多一碟tim.
滿足既甜品,但美中不足既係坐位比較細.

唔經唔覺,表妹搬左過嚟德福差唔多一年啦.
佢話多謝我上一次同佢睇樓,呢餐佢請.記得兩年前曾經飲過下午茶,d點心幾好.
唔知舊地重遊又如何
小小地叫左
我同表妹一人一盅川芎魚雲湯4分:藥味濃厚,魚雲都好大舊,我唔係幾好魚頭都鍾意
鳳爪.豬肚燒賣.芝麻卷
3分:鳳爪一般,好硬.
燒賣反而我表妹自己一個食晒.
芝麻卷我既至愛.正
服務方面我真係覺得無咩問題.可能我地飲早茶,
唔覺得有d咩甩漏.
點都好,多謝表妹!

放完大假既第二日,由於要追番晒之前既進度!
DINNER呢個字.......就要出一出街同朋友搵啦!
雖然朗豪坊有自己至愛既八月軒.
但人家店子有EVENT.終於都要上多一層.
眾多食肆...就嚟過"簡單"的一餐.
行到門口,咦見到郭小姐在場.
唔知會唔會只係明星效應
一於試一試......
一坐低,STAFF已經放低MENU!!是日由朋友發板...Order咗個Samlon Caesar salad
頭盤Share3.5分:三文魚唔腥,ok.
沙律同油醋汁都好正.
一人一個Pasta
我叫左個龍蝦汁海鮮pasta$853分:龍蝦汁好濃郁,
但海鮮只有蝦球.蟹柳.帶子.
一般.
我朋友叫咗香煎鵝肝配天使麵$984分:我朋友食既.
但佢對件鵝肝讚好woo.
佢嗰set dinner,我地叫咗兩杯熱咖啡加甜品!3分:咖啡就一般,唔覺特別香.
反而小小地一杯杯既甜品幾吸引人!
整體嚟講,又唔係樓下眾人講到咁差,有d就幾好.
有d表現一般.
始終地點方面,都有一定既人流支持.
不過,
我朋友都讚好.都應該唔會太差!
多謝朋友呢一餐.