太耐無寫，但真係好難得可以咁輕輕鬆鬆Lunch.
事緣本人啱啱晌養和出院，奈何繼父做柴可夫。
三口子又想飲吓茶，又要泊到車。
諗都唔諗就直出中環。
11點9上到去。都好多人。好啦，我地坐低咗。
正，三口子最鍾意既點心車。
但居然先叫一大煲湯。4分：正，西洋菜湯。唔太鹹，啱晒我地。
點心:叫咗成15樣，由於食得比較快。所以只係影到少少。
蝦餃，燒賣，叉燒包，鳳爪，呢啲大路嘢少不免。一籠兩隻，因為媽打唔食。 4分:彈牙過蝦餃，正，所以叫左兩籠。出品方面，整體好滿意。
服務方面，基本上去到中環既美心，唔會差得去邊。
加水，換碟，基本service 做到，但唔過火。
值回票價。

OH!共事咗一段時間既伙伴.
因為仔女升學,轉做全職媽咪!
其實我地個個都好開心.
又一個藉口大吃大喝一番.
經過一輪討論之下.
今次既飯局由一位不知名既食友推介.
先打電話訂9位.
去到門口,嘩.人山人海.
不過間餐廳都唔係太大.
我地都等成20分鐘先入坐.唔埋三七廿一.睇一睇MENU先再嚟埋幾個DRINK.4分:拍得住LOUNGE既.又睇得又飲得
叫左差唔多成十幾樣.好似就......
依希記得呢幾樣
SALAD4分:好多露筍,正.
沙爹串燒什錦4.5分:果然係即燒,配上濃厚味道既沙爹汁一齊食.
別有一番風味.
FOUR SEASON PIZZA4分:比晌PIZZA專門店嗰D更加香,
上面既欖同配菜,番茄仔.
好得.唔會淨係得CHEEZE咁單調!
PORK RID5分:一切開,大家都"嘩"咗一聲.
未食過就覺得少少肥,但真係好香,
食過就話正過WILDFIRE
平時滴酒不沾既同事都要叫番杯送酒
RISOTTO3.5分:個人並不太熱衷此菜式,
飯底唔硬,好,不過汁味一般.
中東菜卷4分:餡料足,有中東式既風味,唔錯.
整體食物大致都滿意.
用餐途中,D WAITER同人客唱生日歌.
卒之我地全枱人同隔離一齊唱happy birthday!
A級MUMMY,比心機呀!\

呢日實在太多嘢做啦.
簡直一D飲水既時間都無,
好在,偷得浮生半日閒.
偷偷地出去買LUNCH.
食嚟食去都係茶記,
今次叫茶水姐姐幫我買外賣.$68有10件.
都幾有睇頭,有鰻魚.三文魚.蟹子.
4分:買左番嚟十分鐘.D刺身都幾新鮮.
好怕魚生重雪味
似係今日貨.
壽司飯實正.醋份量剛剛好.拍得住連鎖店
芥辣似係自家製.豉油一樽過,唔使分幾枝,環保
多謝姐姐幫我買.下次唔使成日都係元氣

電腦配件買唔成,收拾一下心情食個靚晚餐.
上兩次行過門而不入.睇COMMENT都幾好,
自己一於走入去試吓先!坐低見到一大樽醃蘿蔔.隨意叫左個黑柏葉鵝腸蝦子撈面4.5分:我真係第一次食呢種蝦子面.
蝦子炒得好香,咬落去係香
而樽蘿蔔,D網友話好正.
我就話仲正過海南雞飯配菜嗰D!
後加左碗淨雲吞3.5分:呢個俾出面大少少.
入面隻蝦都幾大隻.
下次...真係為碟蝦子面...

炎炎夏日,三十幾度既氣溫底下.
米線基本上成為除左飯以外既選擇!
但除左三哥,今次又俾我試到一間差唔多水準既米線!隨意叫左個貢丸豬潤酸辣米線4分:有當年雲南米線既手法
中辣又唔太嗆口,適中.
起碼D餸係熱.唔會好似上一次嗰間!
好耐都未試過連湯都飲,正!
叫左凍檸檬茶3分:夠大杯都幾好!
睇嚟三哥同佢, 我只能夠二選一啦!

難得好友約茶聚,少不免中式點心.
但想一下,咦,今日星期日WOO>
同好友講吓轉飲西式既..
於是.兩個人膽粗粗上左I SQUARE
呢間BABY CAFE朋友唔餓.只係叫杯熱桂花茶
4分:佢話好似飲濃味既花茶,不過賣相同口感都幾好.
而我叫左個拿破崙加STAWBARRY SORBET4分:賣相好有大酒店既SETTING.得!
個SORBET有少少酒,驚喜.正

再加CAPPUCCINO3.5分:奶泡打得好幼細.
唯一美中不足,可能放漏奶泡面既玉桂粉.
有少少失準.
餐廳環境"黑白分明"..
雖然靚但一人多就好似嘈左D!
但整體感覺良好.
埋單時,WAITER派左一張$75既COUPON!
可以下次試埋DINNER,唔知貴唔貴呢?

公司同部門既同事放大假!
好耐都無同佢食一餐,
臨去玩同佢飲番杯,叫佢玩得開心D!
呢間都係佢心水之選,我都未試過,唔知D出品得唔得?
好.....就去到門口都好多人.要等成廿分鐘.
都無所謂,我地都唔係太趕時間.
到坐低咗,望一望MENU叫左4個小食.加一個大邊魚番茄湯底.
手拍青瓜.皮旦豆腐.3分:酸酸地幾開胃.又夠凍
老媽干辣子串串蝦4.5分:我地都食得辣,點知.....
噴晒火啦!
但的確好川式既鹹辣.
越辣越想食...
送啤酒一流.
大邊魚上枱啦!.
4分:跟魚既酥餅
有香葉香香地幾得意.
但最估唔到條魚一D都唔腥
一定煎香左先落湯,睇得出店家之誠意
一路食一路滾住,食到尾都係熱.
整體大致滿意.侍應姐姐都好快手.
見我地條魚未食晒.問吓我地加唔加酥餅.
兩個人都飲左4支大啤.
飽晒!!!

難得自己一個睇戲,又可以自由選擇食咩
都幾FELL GA!
買好飛,輕輕鬆鬆搵食.
成日都經過呢度,好啦.
叫左個SET有湯,有意粉
先嚟意式羅宋湯3.5分:無平時飲咁濃,仲有少少BASIL
餐包少少熱,OK
主菜3.5分:一人前剛剛好
芝士汁配鮭魚.
再加ANGEL HAIR又幾MATCH!
炒得好香
餐茶加錢叫CAPPUCCINO3分:打得奶泡好滑,不過就唔係太熱,但都OK
大商場內,起碼唔會淨係大XX.

作為一個對外省菜狂熱喜愛既愛,
突然聽到一個特別聚會....
陳先生招待我地呢班下屬.
慰勞我地同佢出生入死(好似好嚴重WOO)
仲係自己第一次去既老字號...心裡有好多個??????
ANYWAY.總之多謝陳先生!
由於陳先生主場.兼一年會嚟幾次.
菜式當然由佢發板,我地坐低等食啦.
先上兩冷盤
燻素鵝同埋雞絲粉皮.4分:好香茶薰,得!
簡單筍絲.簡單前菜
雞絲都幼細.
仲要我今次先知可以落芥辣!
食食吓..咦主角出場啦,北京填鴨4.5分:一隻鴨有兩碟.食得出唔算係雪藏鴨
鴨又香.又皮肉一齊起.
唔會成口都係油
同一時間上枱既麼麼又軟.
食都尾都好軟熟!
京燒羊肉4分:有D似蒙古式烤羊.
但呢個我覺得仲正過西式LAMB CHOP
再嚟
火腿津白,小籠包.鍋貼.炸銀絲卷2.5分:津白一般,無特別.
但飽點同蒸餃可能熱食會好食D!
涼放5-10分鐘都開始硬晒!
唔知幾錢,但計過無食任何貴價菜色.
都唔會太貴既!
論食味,其實大部分叫做係幾好食
試一試呢種懷舊式既酒家!
大家開懷大笑,大聲D吹吓水!
再多謝陳先生!

出開尖沙咀做嘢,
梗係食埋飯先返公司埋頭苦幹啦!
中午人潮過後.眼內一閃......
蘭芳園....回味一下佢杯奶茶先!又無咩飯癮.隨意叫左個咖哩牛脷撈丁.3分:首先,我其實滿心期待杯奶茶,
但......
首先入口,唔係我4年前中環嗰種口味.
有苦味.唔香.好似煲燶茶..
但好在,今次第一次既蘭芳園撈丁.
食得出牛脷剛剛好,正
丁麵撈得爽口.
本應淨係奶茶都跌落喊面.
不過.........
創意分都算係OK之作.