我一直都相信每人的口味與對食的要求皆不同, 即使是同一間店舖有人讚亦有人彈。昨天, 睇左一輪Domon食評, 知道大比數都是笑臉, 所以終於的起心肝來食。當時滿懷希望兼餓住個肚去, 叫了一客蟹腳拉麵(味噌湯底)+蟹子沙律。在頗肚餓時應該吃甚麼都覺十分美味, 當蟹子沙律入口後只覺十分普通, 沙律醬似乎淡口了些, 蟹子亦十分少, 以$83一個餐來說是非常唔抵。雖然蟹腳只有四條, 如果美味都無所謂啦, 不過又唔覺特別鮮美喎, 一樣好普通, 唯一是拉麵及湯底算是不錯(不過仍未覺是最頂好哩)。

我期待下次去尖沙咀那間試試, 希望不會令我再失望而回!!

二人點了以下兩款set lunch:

鰻魚飯+麵鼓湯+三文魚壽司2件: 飯不錯、軟硬適中, 而且夠汁, 鰻魚有兩大塊, 份量足; 麵鼓湯就略嫌咸了一點點; 至於壽司, 因為是跟餐送的, 當然不能要求過高, 不過如果以一間日本料理出品之三文魚壽司, 水準似乎不夠哩!

叉燒拉麵+三文魚壽司2件: 只吃了一小塊叉燒並沒有試麵及湯底, 不過家姐話不錯喎! 但我嫌叉燒不夠軟滑。

什菌魚頭湯: 普普通通, 與一般魚湯米線之湯底有點似相。

明太子燒鶏翼: 我不知道原來明太子是有點微辣的; 可惜食的時候鶏翼已放涼了,如果趁熱食應該會好好多。

總括而言, 去過一次便夠, 下次還是乖乖地回去附近的橫X排隊好了!

值得一提, 因大部份是梳化位, 當然比那間橫X坐得舒適, 而且服務態度都不錯!

今次只係第4次黎食,食物水準尚算OK,而且不算太貴,自自然然成為一家人飯聚的地方了。不過檯與檯之間比較迫,而且有D趕客,未食完就想收碟!

招牌燒鵝--招牌菜梗要試啦,不過千祈唔好期望過高,屬於中上水準
蒜香骨--好香口、惹味!肉質夠鬆軟!老媽子就算怕熱氣都忍唔住要食一件
日式什茶煲--賣相唔錯,好有日式feel,不過原來唔係麵鼓醬湯底的,有點失望,味道只係普普通通
大龍躉兩味(蒸頭腩/翠肉瓜雲耳炒魚球)--$168兩味,炒的一碟份量比較少,差D唔夠食呢!
金銀蛋莧菜--不過不失
魚香豆腐海鮮煲--因為有咸魚關係,當然夠香同惹味啦,食得過!
糯米飯--竟然是第一道菜,可能肚餓關係,食得津津有味!
蘿蔔酥--上檯時夠熱辣辣,亦夠蘿蔔味,不錯!
壽包--媽咪生日,當然要點壽包啦!奶黃味比蓮蓉味香, 而且個包好大,$30/半打算抵食既

只係未試過黎飲茶,應該不會令我失望吧?!

懷著期待的心情同老公再次黎食我心愛既焗薯蓉, 佐敦店似乎是四店之中口碑最好的一間, 但上星期五食過之後覺得水準下降了, 不知是否轉了老闆和大廚呢?!

我們叫了一客芝士焗海鮮薯蓉及芝士焗石斑薯蓉, 一個跟羅宋湯, 一個跟檸水。羅宋湯太辣了, 變左好似飲冬蔭公, 個人認為羅宋湯只需有少許\香辣便足夠。至於薯蓉就不及從前的水準, 味太重、似是用薯粉開的, 不夠香滑、新鮮; 份量亦比從前的少。非常失望呢!!
全晚值得讚的只有蒜蓉包及檸水--包夠香及非常軟熟、檸檬夠新鮮, 冇澀味。
其實這裡的服務蠻不錯的,所以最後有寫低意見書, 希望可以從善如流, 再隔一段時間會再黎\"視察\"一下的。不過由於冇俾貼士, 本來服務蠻好的店員(可能是老闆)最後只有目無表情地說多謝, 再一次美中不足啊!

行街行到攰係無選擇之下入了這一間, 純粹想憩憩腳所以只點了MENU上熱門推介的熱朱古力牛奶和新出的南瓜牛奶。朱古力奶放在檯上已經傳來陣陣香味, 可惜入口後發現是另外一回事, 無甚特別。而南瓜牛奶比想像中差, 淡口而無南瓜香味。

一小杯已經盛惠32大元, 如果唔係貪佢有梳化位算幾舒服, 一定唔會入去。

同朋友去完添馬艦玩左大半日,已經又攰又肚餓,行下行下就入左去金鐘廊呢間法國餐廳。一行三人一坐底梗係即刻睇Menu叫野食,朋友叫左個肉醬千層闊條麵同什菜千層闊條麵, 而我就叫左紅酒雞肉焗薯蓉。過左一陣,有一碟炸雞翼薯條就上檯了,不過一睇就知唔係我地既,問個waiter先話係廚房攪錯左。

點知等左15分鐘有人先黎通知無晒雞肉,問我轉唔轉牛肉,因為唔想食牛所以轉左豬肋骨配薯蓉,但朋友即時發現價錢貴成3份1,於是跟朋友一樣order什菜千層闊條麵便算。等左5分鐘有一個waiter黎問我豬肋骨要配乜野汁,我登時瞪大對眼話我已經轉左要什菜千層麵啦。再等5分鐘另一個waiter又走黎問我要乜野汁!! 佢地竟然唔check清楚D單,明明落好單都可以咁亂!等左差唔多半個鐘朋友們1st order既野仲未出, 要崔先肯拎出黎! 到order餐飲, 叫左一杯凍檬茶、一杯凍檬茶少冰同一杯熱啡,飲品上檯時個阿姐竟然問係咪仲有一杯未order? 飲完即刻簽咭走人,點知又等左10分鐘都冇人返黎,又要崔先肯還咭。其實當時都接近10點,已經無乜客人,真係唔明點解仲可以錯漏百出?!