近日天氣好好，爭取時間貼近大自然。 九龍灣返工必來食lunch的cafe、遠超一般星爸蝦嗰d連鎖店的水準。 吹著微風好舒服。 個carrot cake好好味，舖面我估係cream cheese, 一d都唔漏，入面還有好多nuts, 好有咬口，個小蘿蔔仔唧花好cute. 🥰. 下次拎部電腦過來hea一日先。 😂 今日約咗附近返工朋友來食lunch吹水，感覺放咗半日假咁😂😂😂 。 原來還有即炒意粉食，下次再試先。😋😋😋

一個人係觀塘，想聽下歌，享受下午餐，平平地，我就會返來呢度。通常我都會避開rush hour，人地小店， 靠rush hour做生意，想坐耐d又唔會內疚，就會1:30之後去，慢慢坐，慢慢嘆。重有wifi上網添。 野食好ok, $88蝦球🍤炒扁意粉set linch，香辣煙韌，超正，我加咗錢top up特飲🍹。好悠然自得，好relax。 間餐廳好細，希望佢堅持到落去。 有時夜晚會約朋友仔來食飯，自帶紅酒🍷😝

公司攪了個小function, 有9位同事，去試這家的高汁晚餐😆。 Book枱後，餐廳打來確認，問有沒有budget大慨食幾）一位，因為如能到$400 budget, 可以要求廚師整特別餐單，不再只跟menu. 本來公司budget冇咁多，問了同事，自己貼少少可以試下喎。於是乎就訂咗斧頭扒，前菜炸蠔、芒果沙律軟殼蟹沙律（個醋針勁正）、鮮忌簾bb青口配欖油包（正到食完再encore個包點鍹汁） 主菜先上魚，再來主角斧頭扒、然後麻辣海鮮飯，最後甜品大併盤畫上完美句號。 酒我們自己帶，現場我們還點了很多杯特飲。最後每人$400幾，真的超值，小店大家當自己屋企咁，很愉快的一個晚上🥰🎉😆 廚師還親自出來問我們意見，真的很有誠意的一間fine dining餐廳。

舊同學是大廚。自然要捧場。扶老攜印印，也有和朋友去食，一於要試曬所有菜式。 真心好食，午餐好抵，不過份量大了些，但好奇怪又食得曬 晚餐menu有個原條牛仔骨，二人份600幾，有點貴、要揾到人請先試🤣😂🤣😂 紅菜頭多士配欖油好脆好正，條腸辣的，好正。三文魚我從來唔食的，不過見佢係他他，見唔到魚樣，就試咗少少，點知好食到停唔到口，churr曬😂 野飲跟餐是綠茶，可熱可凍，也可upgrade特飲，咁梗係up la, 叫咗個夏威夷特飲，勁菠蘿椰奶味，酸酸甜甜好開胃👏🏻 環境冇出面大場咁靚，但勝在企理舒服，有輕音樂，傾下計唔錯。超班水準。

最近疫情， 常常WFH, 悶死人。 出入地點就是家樓下的商場（我住元朗西鐵站）。 有點像坐窂的感覺， 只是活動範圍比較大。 朋友約我去這裡吃lunch，便馬上仆出去了。 本身它座落位置在普仁街， 東華三院醫院隔離， 個個都說那是個死位， 但是去了之後， 就覺得很適合它這店舖/餐廳， 有點像去了日本， 忽然在一個幽靜的角落冒出一間很有味道的店舖/餐廳同樣的感覺。 我去的這天， 人來人往， 有好些外國人， 和睇落似住港島區的客人， 可能是附近住的青年材俊。 這種舖， 就是像那種你會要特登去的， 絕不可能是路過， 不過坦白說， 香港那麼小， 又周圍都是地鐵， 其實都很便利， 坐到西營盤站， 行一會就到了。 入門便見到有個小小小超市，左邊是cafe, 右邊行到尾是時裝店， 整個感覺好像去了間高級版本的log-on., 但價格就平過log-on. 它是用會員制的， 會員價和非會員價差很遠， 例如咖啡， 非會員價是一般的$38， 會員價就是$28， 那杯咖啡很奇怪， （我是喝Americano) 看起來顏色很淡， 但喝很來很濃香咖啡味， 而且很好喝， 很久沒在街上喝過好喝的咖啡了。 這個大力推介。 坐鎮的主廚是米芝蓮一星， 不過可能因為店舖定位原因， 只有簡單的餐牌， 不過早午tea晚餐都很夠選擇了。 有些餐牌， 是要隔一段時間才會想去再吃的， 例如鐵板燒/火鍋/fine dining等等。 但像他們家的餐牌， 就是常常天天都可以重覆吃的東西。 平凡中能見出真功夫。 味道不錯，但其中意大利飯覺得太咸，告訴他們了，他們也很重視意見。 和朋友點了沙律、飯、三文治包、美式咖啡、Latte, 也不貴， 吃2百元多點，挺平民的， 在那裡坐坐， 工作， 和友人聊聊， 都很relax很舒服。

一說私房菜，往往以為好貴，好睇唔好食，又或者懶係fusion, 食裝修。如果你追求的私房菜是這樣，抱歉，它并不是這種。 我覺得影容它是家常宴客菜會較為適合。不管如何，「好食」、「用心」便巳夠值得你去一試。 它在九龍南華會入面，菜餐廳隔局，地方隔涉，但真有住家feel, 食得出人情味，邊食重邊可以睇人地打網球。 由佐敦站行過去，或食完行返出黎，都有少少遠足feel。做少少運動，好健康咁。 要早幾日訂位，whatsapp傾定菜式以便廚司買餸，豐儉由人。餐廳會問你多少人，有沒預budget，或有什麼喜好，可以直說，然後他們會建議一個菜單，看到後想怎麼改都可以協商。 我們這晚菜式收費如下： 日期:13/12/19(Friday) 時間:7:00pm 人數:10大人+2小朋友位 1.羊腩煲 2.咸蛋黃鮮尤 3.黑毛豬咕嚕肉 4.酸菜魚 5.小炒皇 6.上湯浸豆苗 7.沙姜雞 8.蝦煎米粉 現價錢約為$2,150，免加一免茶芥及開瓶費，有冰提供，現場點酒水白飯另計。 只接受現金付款 最後因為有朋友遲到，我們加多了兩個小吃椒鹽豆腐同炸魚蛋下酒，拎了些汽水和烏龍茶，最後總數$2360。自帶威士忌和紅酒。 餐廳招呼很周到，酒杯、冰塊都提供，服務一流，免開瓶費。 羊腩煲的湯超級鮮甜好飲，清曬！其他食都很好吃，沒有多餘材料調味，很好吃。 個蝦煎米粉底，米粉是脆的。 黑毛豬咕嚕肉也是脆的。雞有雞味。總之好耐冇吃過如此令人滿足舒適的一餐飯。也沒有限時間，老板員工都會同你傾下計，交流下心得，朋友一樣，很是寫意。

友人介紹去三聖邨食海鮮。 香港近人政治撕裂讓人心煩，很久沒出來吃飯走走。 趁明天選舉前度的片刻安寧，便乘機出來「飯聚」。 去趁這類海鮮街如鯉魚門、流浮山、三聖邨，其實除酒家外，邊間買海鮮亦非常重要。 友人介紹在關財記買，生猛不呃秤。 上的士同司機吹水，他也說是。 我們只有3人，在關財記買海鮮如下： 1、海星斑一條一斤重 $240 2、琵琶蝦大大只2只共1斤13両 $500(280/斤) 3、重皮蟹賣剩一只, 唯有加只奄仔, $90/只共$180 4、哥仔話台山蠔蠔味重些不是時時有, 1條$120 5、雜魚蝦貝湯包, 條魚好大條札札跳, 免費送嘅 哥仔大慨15歲, 應該是幫屋企手, 都好熟同手快, 共$1000, 佢話平咗比我 朋友介紹這間海天，佢講明係貴過其他，只因環境好坐些，廚房烹調工夫亦可接受。的士司機亦說海天比出面貴10-20%，佢自己就推介冬菇亭興記。 但我還是選了海天，這個年紀，想坐得舒服些。 海鮮只要新鮮，簡單煮法，是不會難吃的。 上到酒家，安排煮法如下： 1、清蒸海星斑 2、上湯焗琵琶蝦煎米粉底 3、油鹽焗重皮奄仔蟹 4、薑蔥焗台山蠔 5、雜魚蜆蝦湯 6、加點了碟上湯浸豆苗 1、豉油太咸，嘥咗我條魚。 2、好得！琵琶蝦我最重意，强牙爽口比龍蝦重蝦味，但平過龍蝦好多。不過佢嘅煎米粉底唔夠焦脆。 3、蟹正常 4、台山蠔。。。第一次食，下次我都係食返桶蠔。 佢有落鼓油定蠔油，都好咸。唔記得影相 5、好鮮甜。不過加工費$150+1略貴。 6、豆苗好好食。不過$148+1都貴 整張單比酒樓係$975.7，同料錢$1:1，都算正常嘅。 大家都可以一試。只是不要叫有鼓油菜式，真的咸。

未食過如此性價比差的餐廳，之前20篇文章要不是打手、要不是親戚朋友，不可能推介其他人去的。 第一碟食完巳沒有心機再影其他相，夠膽死收人平均$150以上一碟竟然如此水平真仰愈食愈嬲。送幾多里數都冇用，邊有可能有回頭客？ 第一碟小食併盤收$168，雞翼有雪味、薯角淋別別、肋骨用水拾完淋汁入面冇味嘅，配d似大陸鄉村酒家醃菜，辣肉腸幾片重要係梅嘅。大家約好曬傾計飲酒，亦𣎴想投訴不愉快，吖多幾碟比多幾次機會佢。 第二個係pizza,又是百成，係薄pizza, 10寸左右切成8件，入到口嘅，不過仍是梅嘅辣肉腸有份登場。全晚呢碟係最好食。 墨魚汁蜆意粉，也是水煮熟撈汁，冇乜味嘅，意粉冇炒過、又冇落咩香料，色香味全庶無。 第四碟黑松露意大利飯，好似煮爛嘅糯米飯。難食之極。 最後叫咗個食評話正嘅拿破崙，$150左右，長條型夠切6件西餅咁。問題是它只是三塊餅乾咁上中下，中間夾啫喱且水cream,夠膽死收你$150，佢真係好意思。仍然是堅難食。 瀨夠野決定轉場再食。開咗兩枝$199 house white wine, 共食了$1274，7個人位位$182 當然唔飽，轉場再食過。走時想問問waitress廚師係咪佢腦細，冇可能咁難食都可以有人請侷做廚師。成晚得兩枱客、究竟他們是不水知道原因？我這10年重未寫過如此差的食評，真心希望不要有人再瀨野。又或者店舖腦細自己檢討下，難食又貴就是騙人了。

長沙灣「明發」嘅魚肉🐟生菜🥬實在太好味。 魚肉多麼細粒，要花多好多時間片落湯，湯清甜，生菜切粗絲墊底，淥湯落去仍然脆甜。我鍾意勁落胡椒粉，食完好舒服～ 只椰菜餃同九菜餃都好好味，夾脆，煎得香口，有汁的，鮮甜唔漏，好快就食曬。

選擇不太多但點心廚師還不錯的。畢竟是利園集團旗下食店，只是走年輕路線而巳。 蝦餃夠乾身不會太大粒咬到甩皮甩骨，剛好一口一粒，夠彈牙。👍🏻👍🏻👍🏻 燒肉是我必點的，雖說$79得9粒骰仔咁，但貴精不貴多，咁細粒都肥瘦幾層分明，塊皮脆到餅乾咁！👍🏻👍🏻👍🏻👍🏻👍🏻 不一定飲茶，我老爸叫了奶茶，我叫了薏米水。是不錯的選擇。 今日做promotion用wechat自己落單95折，慳錢慳人手，自己又清清楚楚睇到有冇落錯落漏單，錯漏係自己抵死，唔駛勞氣去鬧人，又有折。 科技與時並進，抵贊。