上個月到過半山的Tea saloon, 原來同一間公司仲有間細細既小店係附近，打過電話詢問，原來兩間都有tea但係細店就提供唔同既tea set。

tea set就得一種，冇第二d散叫既野，形式同上次食那家不同。雖然冇咩選擇，不過個tea set好有趣，因為唔係淨係得食物，仲有個概念既，就係提供既下午茶，會有信紙給客人寫信然後寄出既服務~ 依店員所介紹，寫信先係重點~ 細店叫Another fine day，係一條無車既住宅街，幾靜~其實同上次tea saloon都好近，所以今次好易搵到。外牆白色通花，同樣有大櫥窗，好像外國小民居~入面既裝修都係以花花為主，有d好舒服既sofa。座位有d特別，唔係一張張檯分開，隔離都有人，不過坐落自己個位之後，都幾舒服。好在後來同檯既客人都好文靜，我地大家都好enjoy係自己既小圈圈。

menu既話就得一個，不過有得揀飲品。大部份係茶，都有少少coffee，仲有抹茶latte。我就揀左一個濃少少既印度茶assam，而朋友就揀左清清地既darjeeling tea。呢度用既杯都好靚~~係英國feel既花紋。邊喝茶，還有曲奇作小吃，係抹茶加朱古力碎既曲奇，抹茶味好濃，好味~ :-D

店員仲俾埋信紙我地。d信紙同個盒都好靚~不過個盒其實都係係度寫信先用，問過冇得買 :-( 信紙好有心機，仲俾埋個想法我地可以諗下。因為而家剛剛2014，所以我地就可以寫一封關於新年大計既信，然後年尾會收返~ 之後我同朋友聊夠天後，先開始寫... 希望寫左既野都會做到實現到啦~ 給未來的自己~tea set方面~靚靚既層架有兩個tea sets既份量。一人大概有6樣野。個人幾鍾意蘑菇脆脆米餅，因為剛剛焗起仲暖暖地，d忌廉sauce滲左落塊餅度，好味~ 三文魚tart係少少酸既蛋黃醬碎蛋加煙三文魚，好開胃~

呢度既scone都係玫瑰scone，仲搽埋jam同cream俾我地。同上次食過既一樣，鬆化既質地，好香既玫瑰味，亦有牛油香，jam用既係strawberry jam，甜甜地加落個scone份量剛剛好。

甜品有brownie同埋panna cotta。之前有時食個種brownie係乾乾地，得苦苦既可可味，呢個就係朱古力既甜味較重，同埋唔乾。

6件食物加埋唔係話非常飽，不過一個人份量都夠既，尤其係個scone都幾佔胃~同埋d茶幾好飲~ 加埋好有趣既寫信，我都覺得係豐富既

早餐除了是晨之美，一個好吃的早餐也會為一整天帶來美好的心情~

和老朋友相約了要一起過一個美好早上，於是就搜尋了一下有什麼吃all day breakfast的好地方。

最後選了cwb這間18 grams。

店面小小的，桌子兩三張，都坐滿了。不過好快就等到了位置，於是安排了坐長檯。雖然有其他人坐在一起，不過坐低之後都ok，唔會話好迫咁。

雖然店小，但廚房有好幾個員工，手腳都好快。我點左杯朱古力同埋all day breakfast，好快就有得吃了~蛋是all day breakfast的精華，呢度個蛋都唔錯~好滑，但又不會太稀，份量夠多~

之後是熱騰騰多士。外表勁脆!!  脆得來又唔會乾哂，咬落都係面包既質地。我最怕d多士太乾同埋鞋什什，18grams既多士烘得唔錯~

其餘的，例如腸仔，多汁，唔算太油。

不過如果下次再點，我就不貪心叫有cream的朱古力喇，因為太"漏"同埋無cream先有拉花...>.<

難得聖誕一班人放假，就湊夠幾個姊妹一齊去半山既Tea saloon食個聖誕主題既tea!

呢間店開左唔夠一年，之前都有聽過朋友去過，覺得幾有特色，不過自己就一直未試。我地又想聖誕節揀個特別少少既地方tea下，唔想成日都係石屎森林入面既酒店咁悶，於是就book左呢度。

地點位於近半山 (好近孫中山紀念館)，可以係半山扶手電梯一直搭，上到去有座清真寺附近，中環上去大概10分鐘就到。

紅假中環都仲係車多人多，上到去半山，成個感覺唔同哂! 人少，又靜，好舒服。

去到卑利街，轉角就看到一個夢幻紫色既大門。穿過門前小庭園，裡面係充滿夢幻感既紫色花紋牆紙，西洋風的裝潢和掛燈都佈置得很有心思。我地一行8個人，店員帶我地入到裡面既一個桃紅色的半開放小房間 ，旁邊有棵好浪漫既聖誕樹，中間有盞布藝吊燈，播住聖誕歌，好有氣氛。店員遞上聖誕menu，可以揀多甜品既ladies set，或者係多咸點飽肚一點既gentlemen's set。我鍾意食甜品，所以就揀左lady，有朋友到tea time連飯都未食，就揀左gentleman set。

tea set飲品方面，選擇有很多，有西紅茶亦有現煮的茶，我同幾個朋友都揀左玫瑰烏龍。有朋友就揀花茶。還有店員介紹了一款好像earl grey但有花香的茶，叫mdm grey，朋友飲過都幾鍾意。Tea set來了。就咁睇到個樣都好興奮，顏色豐富，尤其是上面頂聖誕帽同埋小木頭。

先吃咸點，比較喜歡三文魚鵪鶉蛋多士，多士很脆，鵪鶉蛋滑滑的，外層包住煙三文魚，上面還有魚子，鹹鹹的很可口。

這裡的scone是玫瑰味的，配以奶油香的cream和玫瑰醬，頗有特色的。Scone的質地不太濕不太乾，表面略脆然後裡面較鬆化。

甜品有幾件都好有聖誕感覺。底層的玻璃杯杯，是紅梅mousse，白色的mousse好像棉花糖的味道，好似軟綿綿既雪人咁。朱古力卷成的小木頭細細粒幾得意，外層的朱古力是脆的，脆面的朱古力夾住軟身的蛋糕，層次分別。

食完比較甜既雪花造型mince pie，再食粒士多啤梨聖誕帽清返少少，飲多幾啖茶，已經好飽飽~

同兩個姐妹一知道landmark文華東方有LADUREE crosscover既tea set出，就立即打電話去book位。wa! 12月個個weekend都full哂，閑日都係得好少日子，好難先book到一個星期一，咁橋我地幾個都安排到休假，所以好好彩~ (唉! 而家香港咩都要鬥快咁，食個tea姐...><)

臨近聖誕食tea感覺很有氣氛，mo bar門外仲放了一棵macaron聖誕樹tim!坐低左之後，一人叫左個tea set，之後就揀茶。茶既選擇不是很多，重點款式，我都係普普通通揀個breakfast tea，朋友就揀左烏龍茶。

之後侍應就推左個層架黎係我地檯邊，食物分咸甜一碟碟咁放係層架上，然後想吃的就放在檯上，形式有別於平時high tea一層層擺哂係檯。茶方面，我沒大意見，但雖是breakfast tea可是不太濃，我也忘了他們是用什麼茶包了。

食物方面，我比較喜歡呢度個scone。scone係tea set入面都一定會出現既野，但成日食唔同地方整既scone都會有不同質地, 味道，呢度個scone我鍾意在不太乾也不太濕，剛剛好。牛油味也很香。

然後食咸點。比較有趣的是類似macaron造型的鵝肝小點，夾層脆脆的，中間的鵝肝和紅菜頭汁醬則是酸酸甜甜。然後有一件是長形的ham roll，也算是很考手工。因為包條是脆脆的，中間空心，包住酸酸的乳酪醬汁，很有驚喜。

甜品少不了這個tea set的主角macaron! 玫瑰味的macaron帶有幽幽的玫瑰香，不是非常甜，可以中和一下食完咸點後的味蕾。有銀色金鉑的橘味macaron，像橙皮的味道，可能有點苦苦澀澀的感覺吧，我不太喜歡。

朱古力蛋糕的造形得體，不過外層有點硬。

埋單前侍應還給我們換領laduree key chain的coupon，可以上landmark樓上即係換~好開心!

總結這次tea, overall都係滿意同開心~