上星期去左海港城食飯 環境華麗舒服、服務nice 我哋試嗰個餐好味喎！ 又有乳豬、鮑魚、翅…… 有水準呀！ 一坐低就揀咗杯薏米水 暖暖地、小甜味濃 唔錯呀！👍🏻 . 💠品味饌嚐宴💠 🔸欖角雞中寶 驚喜！走油過後，外層微脆、香甜、香口， 肉同軟骨個比例岩岩好，好好味😋。 🔸即燒無花果天下第一豬 脆脆乳豬，配無花果醬， 果甜味令果到更清新平衡。 🔸潮式荷葉翅 好大碗、料又足，滿滿翅、花膠， 直頭可以用筷子夾起當麵咁食， 湯又夠濃，好滿足！ 🔸蠔皇原隻鮑魚鵝掌伴菜膽 鮑魚炆得夠透又夠淋，口感好好。 鵝掌厚身軟棉，充滿膠質。 🔸金榜醬大虎蝦 虎蝦超鮮甜多肉！好鬼正！ 個醬好有椰奶香、似唔辣嘅冬陰公咁 香濃、惹味、但溫和，令人回味！🩷 🔸X.O.醬美國蘆筍炒北海道帶子 帶子都好新鮮、爽彈， 蘆筍都好爽脆鮮甜，好味。 🔸蟹籽海皇炒飯 用料十足，有帶子粒！ 炒到粒粒分明，有鑊氣。 🔸粵藝特色甜品 綠豆沙煲得好綿！ 好滑唔會卡喉嚨，少甜！ 哩個高質！👍🏻👍🏻 . 🏷️原價$998/位 🏷️FOODIE 會員尊享$699/位

一向鍾意去茶酒飲茶 鍾意佢d位闊d、唔限時 食都食得舒服d呀~ 今次去咗荃灣彩福 裝修好新淨 窗邊位仲睇到海架！🌊 🔸原個椰皇燉燕窩（$52） 超滑呀！好有奶香！加上燕窩，好滋潤養生！ 🔸彩福蝦餃皇（特） 🔸蟹籽燒賣皇（特） 🔸香滑鮮蝦腸粉（特） 3款都有大大粒爽甜蝦仁，燒賣仲有豬肉香，腸粉滑溜。 🔸鹹水角（小） 又脆又煙韌，中間包住炒香嘅肉碎，好香口。 🔸香酥黑天鵝 頭係餅乾、係芋角，外層好香酥脆，又夠打卡able。 🔸煎蘿蔔糕（大） 任何時候我都好鍾意食煎蘿蔔糕，呢度煎得啱啱好，中間又食到蘿蔔絲、蠟味粒，唔錯呀！

去咗哩間老牌潮州菜大排檔 果然係出色 鵝片彈牙又入味 滷汁好香 蠔餅勁脆、又大塊 石鍋啫啫芥蘭細嫩惹味 D嘢食好正 要飲返幾杯啤啤佢 而且鍾意佢地方乾淨 男女老幼都岩去👦🏻👩🏻🧓🏻👵🏻 🔸椒鹽白飯魚（$118） 🔸潮式蠔仔餅（$108） 炸得好乾爽、脆口，蠔餅勁正超大塊，粒粒新鮮飽滿嘅蠔仔，而且慢慢食都唔會變淋，大愛❤️ 🔸石鍋啫啫芥蘭（$108） 推介❇️用芥蘭苗，所以好嫩，有蝦米、蔥蒜香，好惹味！份量十足。 🔸鵝片（$160） 推介❇️肉質好爽彈、唔會好韌或好梅，滷水汁有花椒，八角等香料嘅味，好香好入味，唔會死鹹。 🔸小食（$20） 有魚乾仔、潮州鹹酸菜，鹹酸菜酸酸甜甜、爽脆、微辣，會忍唔住不停食。 🔸加士伯（$84/3大支）

魚好滑、新鮮、大條 欣賞條魚👍🏻👍🏻 食完魚順便打邊爐 叫咗d好吸湯嘅瓜類、腐竹、豆卜 惹味又夠辣 叫少辣都好夠味 除咗烤魚仲有串燒、佐酒小食 串燒當中我最鍾意台灣腸😋香脆juicy 白鱔皮脆肉彈 特別嘅有鮮天梯 同埋有水魷、豆干 燒茄子、拍青瓜、娃娃菜蒜味十足 仲食咗算血旺 食物味道夠辣、濃、惹味～ 感覺似去左北上食地道小食 風味不錯 而且仲有室外位 放便邊食邊「透氣」嘅朋友🚬 🔸清江魚小辣 🔸蘿蔔片 🔸鮮腐竹 🔸豆卜 🔸蓮藕片 🔸烤新鮮天梯 🔸奇味雞泡魚干 🔸臺灣腸 🔸燒白鱔 🔸燒水魷魚 🔸燒豆腐干 🔸茄子 🔸燒韭菜 🔸蒜蓉牛油娃娃菜 🔸香辣毛血旺 🔸蒜香拍青瓜

上星期去咁中環食晏 5點鐘左右食個early dinner 嚟到士丹頓街Le Jardin a Soho 坐喺近門口位 望下行人、望下車、發下呆 再嘆杯酒 食吓野 （pancake超好食！❤️） 感覺好relax 同埋5點前仲有lunch set 好抵！ . 🔸Holy Grains（$138） 有好新鮮嘅🍓🫐🍌，份量十足！配granola 、希臘乳酪、食用花，視覺效果好靚！淋上蜂蜜，香甜滋味又健康。 🔸Stenk & Eggs w/ Fries（$248） 牛扒大塊厚身，口感唔錯，煎得好香。薯條好脆好味。 🔸Set - Salad + Wine & Beer（$58） 加錢轉餐，有沙律同酒精飲品🍸，weekend有美食當然要配美酒。 🔸Pancake - Nutella & Banana（$143） 好有蛋香、焗到個邊脆脆、中間濕潤綿密 甜中又有啲牛油嘅咸 好食好食‼️‼️‼️

我是一名車仔麵控 今次哩間 很推介 唔好睇個湯色咁淺色 但其實佢好夠味 ！😋又唔會好味精～ 如果食得辣 一定要加佢哋個秘制辣醬 炒得好香辣惹味 絕對係有畫龍點睛嘅效果 餸方面唔係hea你 例如魚餅即叫即炸香、雞翼滷得好入味 咖哩豬皮非常香、辣辣地、入味 我哋仲加點多一碟嚟食❤️ 炸物都好推👍🏻👍🏻超酥脆唔油膩 韮菜餃好好食 韮菜好鮮新又爽又香 另外蘿蔔清甜、豬紅好滑又係好入味 小店仲有一些特飲 當中我推介自家煲嘅檸檬薏米水 非常足料 有大量薏米 還有山渣 酸酸甜甜好清新解渴🍹 環境方面 好簡潔乾淨 又有電視睇 獨L食都唔會怕悶🤓

每個月必定會同阿媽去飲茶 今次去左尖沙咀 位於The One 18樓 窗邊可以俯瞰成個尖沙咀 仲可以行出露台睇風景 裝修華麗又冇大柱 除咗飲茶食飯 仲好適合婚宴擺酒👩🏻‍❤️‍💋‍👨🏻 🔸翡翠原蝦北菇燒賣皇（$38/4件） 有大大粒鮮蝦、豬肉 充滿肉香 口感彈牙👍🏻 🔸瑤柱鮮蝦豆苗餃（$38/3件） 外皮煙煙韌韌 包住滿滿嘅鮮豆曲、爽甜蝦肉 🔸古早味黑糖馬拉糕 （$31） 蒸到好鬆軟、黑糖好香 記得要趁熱食！ 🔸武大郎皇橋燒餅（$31/3件） 餅皮超酥、入口即化 入面是好香的豬肉和蔥餡 好香口。 🔸田園蒜蓉鮮蝦春卷（$38） 炸到脆卜卜 內有鮮蝦仁、爽脆紫椰菜，口感很好！ 🔸宮廷養顏棗皇糕（$25） 軟綿綿又煙靭 濃濃嘅棗香感覺好養生 🔸燒腩仔+炆鴛鴦米粉（$208） 五層肉外皮脆口肉質鬆軟，必食！ . 🔸茶位（$17/1位）

係自從好運新裝修後 第一次去食嘢 去到個時剛好搭正午市、下午茶交界 所以叫左個午餐 及一個下午茶餐 Hehe😝 🔸午餐海南雞set 好抵！ 有大大碟去骨海南雞、油飯、迷你喇沙 雞夠滑、有彈性 油飯煲得岩岩好唔會太乾或太濕 好味 🔸娘惹茶燻鴨喇沙摻摻（$68） 個湯底好出色 有椰香、蝦香 微微辣好夠濃 跟機有碟魚乾辣椒、青檸 加入湯中 味道即刻提升不少 鴨肉厚身又彈牙 煙熏味突出 成個配搭好正❤️ 🔸沙嗲串燒（➕$42/4串） 燒得好香、微微焦脆又入味 好好食😋 🔸大蝦青木瓜沙律（$72） 用嘅材料好新鮮爽甜 蝦係有彈性❤️唔係雪到梅哂個種 個汁酸酸甜甜 整體好味！

哩間，我覺得好食！ 環境又舒服 望到半山🌄 用料新鮮、靚👍🏻 哩個質素 哩個地段 價錢合理 🔸西班牙火腿雜錦拼盤（$199） 巴拿馬辣肉腸、莎樂尾腸、西班牙辣肉腸、油浸蕃茄乾、焗腰果、沙律🥗，火腿同腸都油亮新鮮，餐前配酒好岩。 🔸黑毛豬火腿茄子卷（$89） 烤香嘅茄子中間包住爽甜彩椒，配上紅椒汁，口感清爽味道豐富又惹味。 🔸唐揚池魚仔 （$89） 池魚夏天當造，魚味較濃、肉質嫩滑，炸漿夠薄脆，香口而不失鮮味。 🔸炭燒加拿大天然豬鞍（$269）❤️❤️ 超級嫩！睇圖就知，熟度剛剛好，厚身得嚟又嫩又juicy又有肉香！簡單嘅調味已經好好食。 🔸Tiramisu Cheesecake 一個令人食完好滿足嘅甜品。 上層係Tiramisu 波波，層架係用牛油曲奇做，因為好味所以我哋食埋佢。而芝士餅好出色，芝士濃郁、咸咸甜甜、口感好滑，好好味😋。

非常之欣賞用心嘅小店 創出拉麵配咖啡嘅組合 食出驚喜 （甜品都好好食😋！） 店主們有時會休店一日去研發新產品 . 上次嚟食咗限期間限定干貝湯底拉麵 非常喜歡❤️ 今次就有蒙古羊肉湯慢煮羊肉拉麵 用咗羊腿肉煮湯 可揀濃湯/清湯 我哋揀咗重口味濃湯😆 羊味極濃 口感厚身起膠 配埋蒙古手撕羊肉、羊卷 💁🏽‍♂️話正 仲成碗連湯麵飲埋！ 我就食『海』 係濃郁蝦湯 每啖都好鮮味 湯上仲有少少桂花 有清新嘅感覺 飲落濃而不膩 配食漿果大嘅慢煮西班牙黑豚肉 肉香又軟滑 拉麵 軟硬適中、掛湯力合格 洪都拉斯咖啡 頭段係Jasmine、中段巨峰提子 余韻係龍井茶 同濃郁拉麵配住飲用 非常夾！🤝🏻 甜品叫咁Oreo巴斯克蛋糕、手工雞蛋布丁 2款都好好食😋😋😋😋😋 雞蛋布丁用蘭王蛋 味濃滑溜 Oreo巴斯克蛋糕口感超滑！ 好味到我想外賣一件返屋企食！