Asok Thai Garden到咗荃灣啦！ 哩度出名食泰式fusion 菜 將傳統及新派結合 食物好味又打卡able 環境仲好有泰國渡假風 感覺好輕鬆舒服😌 🔸娘惹蕉葉烤魚（$278） 魚好大條、皮好香，切開後有魚汁滲出，好嫩呀！泰式醬汁酸酸甜甜好開胃，還有大量燒蔬菜，香口爽脆。 🔸青咖喱雞（$98） 好creamy、夠辣、有椰香！雞啖啖肉，仲有軟綿綿茄子，送飯一流。 🔸南疆椰子雞（$108） 好香椰奶、酸酸地、有南疆香葉味，濃郁得嚟唔會膩，飲落好舒服。 🔸Asok Thai小食拼盤（$178） 有免治豬肉串、蝦棗、蝦片、燒菠蘿、泰式魚餅、清邁腸，每款都有2-3件，蝦片又香又脆，仲有少見嘅清邁腸，岩哂樣樣都想試嘅人。

上星期去咗西營盤食飯 餐廳環境幾大 colourful嘅裝修好西班牙風 有outdoor位 不過當日係寒流襲港 我哋就坐入面 播住輕快嘅音樂 氣氛幾好👍🏻 🔸Tuna tartar（$188）♥️ 新鮮嘅吞拿魚刺身做成他他，魚味濃而不腥，拌咗醋汁、三文魚子，加埋炸海苔，多重口感同味道，開胃滿足。 🔸Ham Croquettes（$25/pcs） 🔸Mushroom Croquettes（$22/pcs） 外脆內creamy嘅哥樂餅好卜卜脆、香口，鍾意蘑菇嗰款，菇味好出，好味。 🔸 Bravas（$70） 薯味好香呀！咬落中間軟綿綿，加埋芝士🧀香味十足食唔停口。 🔸Gambas（$188） 大大隻蝦，仲粗過我嘅手指！口感好爽彈，有蝦味又有蒜油香！多士沾點蒜油蒜片食，香氣滿滿。 🔸Crispy roasted Suckling pig（$298） 真的皮脆肉嫩！！個肉好juicy，好食又香口！旁邊嘅椰菜bb更係焗到又香又軟，值得一試！ 🔸P. Mencia by Glass（$88） 🔸Pint estrella（$98）

每次想食蠔就會嚟 有好多款新鮮生蠔可以揀 炸豬手 又脆又好食 仲有蘑菇湯同tiramisu都係我必點👍🏻 今次仲食香濃芝士味🧀嘅carbonara 哩度嘅食物同氣氛都值得令人回訪 🦪法國Fine De Claire （$28/隻） 蠔肉肉色較淺、透明感，入口帶榛果香味、鮮甜，肥度適中，肉質有彈性、爽口。 🦪法國Four Season（$38/隻） 蠔肉甜美，口味甘甜，質感綿滑。 適合鍾意清新口味人仕。 🦪蘇格蘭石蠔Scottish （$28/隻） 秋冬天當造，殼小而蠔肉豐滿，肉質爽嫩鮮滑無渣，具有一股獨有鮮香。 🔸蘑菇湯（跟餐） 必叫！第一次飲過就愛上了！ 用咗意大利進口蘑菇，非常香濃 有好多蘑菇粒，好滑、好creamy! 🔸脆炸德國咸豬手配蜜糖黑椒汁（$308） 好好味！ 外皮炸到好似薯片咁脆、唔油 中間油脂位爽口，而肉質彈牙，軟硬適中 入味得嚟唔會死咸，好好食！😋 🔸Carbonara（$198） 店員將意粉放入大舊芝士內、加埋酒 點起火即炒 濃濃嘅芝士香、咸香黑毛豬 仲有點酒香 意粉彈牙 濃郁而不覺膩。

終於食到台灣名物啦！ 上星期去葵廣行街 買年花 行完就去咗新都會食飯 7點前嚟到喎洗得位 菜單有多款滷味、滷肉飯、台飲、芋圓等 入座後用QR code落單好快就上菜啦！ 🔸招牌燈籠滷味（$63）： 有30-40款滷水可選，我哋揀咗花枝丸、蜂巢牛肚、炸豆腐、王子麵，滷汁十分濃郁、很入味、好香中藥香，牛肚軟Q，炸豆腐和王子麵吸了湯汁，好惹味。 🔸麻辣鴨血野菜冬粉（$54） 鴨血吸了滿滿滷汁，麻辣香口，非常入味！大約有五大件鴨血。冬粉似是粗身粉味，口感煙韌。 🔸Shake Shake 海苔鹽酥雞（$52） 每一燈麵炸得脆卜卜，五香粉及海苔好香，令人一口接一口食唔停。 🔸凍燈籠黑糖珍珠奶（$33） 🔸燈籠黑糖珍珠奶（$30） 一杯熱一杯凍，個人比較喜歡凍的，茶香奶滑還有黑糖香，珍珠煮得剛剛好，不會太硬或太軟。

每個月我都書同屋企人飲茶 所以成日都發掘飲茶新地方 今次去奧海城新開嘅中菜 環境夠大、裝修明亮華麗 坐得舒服岩哂慢慢嘆點心啦！ 見佢門口有大大個魚缸 海鮮應該都幾正。 🔸海南文昌雞飯（$58） 有雞髀🍗但唔會好肥、充滿彈性，真係有雞味！搭幾條菜芯同飯，2個人食再叫d點心好夠飽！ 🔸啤梨鹹水角（$48） 外型好搶眼📸 炸得唔會好油，外酥脆內煙韌，口感幾好。 🔸醬皇蒸鳳爪（$38） 係我鍾意個種鳳爪，肉厚、軟得嚟又爽口，咸咸甜甜好入味。 🔸水晶潮州粉果（$31） 大大粒超多餡，花生粒炒得好香，仲有沙葛、豬肉……多種口感，好食！ 🔸鮮蝦燒賣皇（$48） 蝦仲多過豬肉，中間包滿好多蝦，好新鮮，我會點喼汁食，同燒賣好夾架！ 🔸黑豚肉叉燒腸（$38） 幾欣賞佢嘅叉燒好有蜜味同肉香，被滑滑彩粉包住，加埋甜豉油，正！

年尾啦～要好好感謝自己 食餐好嘅！ 我哋去咗中環新開嘅鐵板餐廳 門面氣派 裝修有格調 食物係一級棒👍🏻👍🏻👍🏻 師傅用心製作 會食完想回頭架 絕對物有所值！ . 🦞龍蝦二人前 - $3180🦞 🔸前菜 蟹肉青瓜卷，鮮味嘅蟹肉配脆甜青瓜，好fresh呀！ 🔸龍蝦 超級大隻！！熟度剛剛好，口感好彈牙又鮮甜！配埋濃濃蝦頭膏、清酒煮嘅汁，香味十足！ 🔸甘鯛立鱗燒 真正皮卜卜脆、肉嫩滑juicy！用昆布、海膽、洋蔥等熬煮高湯都好正，飲到一滴不留。 🔸季節海鮮 新鮮鬧北寄貝煮到鮮甜爽彈，底下嘅昆布湯吸引了海鮮精華，要飲埋呀！ 🔸清酒煮蜆 師傅即場點火煮，蜆一煮開口就上菜，非常嫩滑甜美，湯有蜆、清酒、蒜等煮成，超好飲又胃身。 🔸日本黑豚肉薄燒 🔸美國牛肉厚燒及薄燒 🔸A4日本和牛西冷厚燒 每人揀一款，揀咗豚肉薄燒、和牛西冷，肉質好靚！食得出肉香、煮得好鬆軟美味，豬同牛一樣咁好味😋！師傅即場整蒜片，係特別香同脆，好好食！

真係由頭盤到甜品、咖啡都好味！♥️ 環境靚 服務好好 非常有禮又貼心👍🏻 環境清幽、靜靜地好舒服 今次食嘅brunch set好高質！ 前菜係無限任食~ 有： 🔸鵝肝多士 - 超級綿滑！配埋酸酸甜甜蘋果醬好好味。 🔸好彈牙嘅三文魚配cream cheese 🔸新鮮水牛芝士配番茄沙律 🔸風乾火腿配蜜瓜 - 咸香可口 🔸烘蛋 - 中間好滑好有蛋香，幾驚喜！👍🏻 等主菜時我就再encore咗按肝多士、風乾火腿。 意粉揀咗鮑魚番茄扁意粉🍝 鮑魚切成條狀 口感好有彈性、爽口 係新鮮鮑魚！ 番茄醬濃郁好掛汁 帶點微微辣 開胃惹味 意粉口感好爽彈、食到有蛋香。 主菜係超級勁好食嘅羊架！❤️❤️❤️ 7成熟非常嫩口、做到又軟又有咬口 口感一流！ 羊味幾香 煎到個邊微微焦脆 大推！！！ 最後拿破崙配芒果雪葩 一樣出色🥭🍰 做得超酥脆 香但唔油 吉士香滑 雪葩嘅芒果味好突出😋 杯咖啡都好正 豆香烘焙香加少少奶好滑 好好飲！

日前出去辦年貨 無意中喺荃灣廣場附近 搵到一間又平又好食嘅海南雞飯！ 小店有雞、蔥油豬扒、咖哩等 50幾蚊跟埋姬松茸雞湯 而且水準相當唔錯 絕對值得回頭👍🏻👍🏻 🔸海南雞飯（$59） 🔸海南雞脾飯（$69） 雞整得好滑！皮薄爽彈、肉又厚又嫩，皮肉之間仲有層jelly，好正❤️！ 跟三色醬，當中薑蓉夠香、出色！ 🔸姬松茸雞湯 每個飯都會跟個湯，煲得好濃，又有姬松茸，飲完好舒服。 🔸生菜（$18） 🔸娃娃菜（$18） 菜份量不少，煮得爽脆，$18好抵食！ . 🔸凍檸檬茶（+$8） 🔸熱奶茶（+$6）

原來the oyster house搬咗 新店依然喺灣仔 不過環境大咗、新咗、靚咗 食lunch嘅話坐窗邊位好chill~ 我哋個日坐圓形梳化位 就比較有氣氛 Burch set好豐富！❤️🦪 有是日精選生蠔 當日係日本宮城縣蠔 口感爽而清甜、蠔味適中、好新鮮！ 仲有五款前菜： 🔸挪威三文魚薄片、粉紅胡椒及鮮果 🔸海鮮刺身塔、芝麻味中東米、泡菜醬汁 🔸鴛鴦紅酒燴豬臉肉伴黑松露薯蓉 🔸自家製蟹餅 🔸西班牙八爪魚伴白豆薯肉沙律 當中我最鍾意紅酒燴豬臉肉、蟹餅 燴豬臉肉軟腍入味 蟹餅酥脆 中間滿滿蟹肉絲好香！ 主菜6選1 我哋分別叫咗 🔹燒美國春雞伴雞髀菇醬汁 🔹油封鴨腿伴黑松露薯蓉 春雞肥美多肉又juicy 伴菇醬汁令口味更濃郁👍🏻 鴨腿皮脆肉質有咬口 肉味亦較濃郁！ 最後甜品有三款呀！ 燉梨、檸檬撻、Banaffle 檸檬撻酸酸甜甜撻皮好香脆。 Banaffle是我至愛嘅甜品！❤️好少地方有 哩度嘅Banaffle好味！ crame好有奶香、好滑！蕉夠香！ 餅底香牛油又脆 我食完加點多一件😋😋

作為一位港女 我好鍾意食香港地道美食 間中會去茶記嘆返杯奶茶 有日 去咗荃灣名物 - 嘉樂冰廳 哩度裝修保持到7-80年代風味 今次叫左名物 「超厚夠吋滑蛋咸牛肉三文治🥪」 脆脆麵包、鬆軟厚蛋、滿滿嘅咸牛肉 口感好有層次 好滿足！ 哩度有米線食 酸菜腩肉米線 出奇地好好味😋 甜甜酸酸微辣嘅酸菜好爽口 腩肉滷到入哂味 我好喜歡❤️！ 小食方面 滷水雞翼好出色 咸咸甜甜好濃郁 又入味 而且大隻多肉 滷水豆腐綿滑、豆味濃 炸雲吞脆口唔油 中間有爽甜蝦肉同豬肉 值得一試！ 叫左熱奶茶、柯華田脆脆 2款都沖得夠濃 我喜歡奶茶茶底夠濃 口感滑。