一打開openrice個排行榜，就見到呢間cafe長期都名列前矛，今日正好揾地方食lunch，就即管去試一試… 位處內街，揸車黎都好方便…一行入酒店大堂，reciption見我地頭岳岳，就即刻講餐廳响一樓…似乎有好多人都係會黎揾佢… 一行入cafe…果然係朝聖之地，環境一流…好舒服…同埋有隻好靚嘅多啦A夢看門口… 推介飲品…黑啤…全冇酒精…其實係一杯混合果汁…泡沫清新…天熱嘅時候好適合飲 食品方面，試左個黑松露意大利飯…味道做得好平衡，黑松露同個白汁配合得好好，加上意大利飯…煙煙韌韌，好有咬口 另外叫左個菠菜大虾意粉，同樣岀眾，兩隻大虾配合青綠色嘅意大利粉，擺盤都好有心思…虾肉爽脆，意粉清新，値得encore

想揾壽司嘢食…响尖沙咀睇左陣…見到呢一間有日本司傅，應該食物有保證，於是就去試一試… 一上到去，大約七点半左右，我同朋友應該係第一枱客，咁我地想靜靜地傾計，咁就冇坐吧檯，坐左去張order 枱…不過坐左一陣，有另一對order 枱客黎到…當時reception好特別，特登安排佢地坐我地隔離，其實當時大把位，佢地係冇必要咁安排，如果佢地想做一間高級日本餐廳，唔嘅安排係幾失敗，因為日本人係會照顧到客人唔同方面嘅感受…後黎…當然，另一枱客都唔鐘意，佢地要求坐遠一啲…好明顯呢間餐廳係唔夠細心… 當日我地只係叫左刺身同壽司，其中嘅深海池魚係係做得幾好，輕輕嘅火炙，帶岀佢豐厚嘅油份，令人回味…不過佢件中拖羅就只係一般，大半件係赤色黎嘅 比較推介嘅係壽司，感覺係比刺身做得好，其中北寄貝壽司做得好好…保存到北寄貝嘅鮮甜同爽脆… 好可惜，壽司同刺身做得唔夠細心…我朋友响前菜嘅帶子同壽司嘅北寄貝都食到有沙同殼碎…有啲美中不足…

今朝起身，想揾間cafe hea 下，即刻諗起呢間樂啡… 其實都黎過好多次，每次都俾佢地嘅咖啡同音樂深深吸引住，總係一坐就個多，兩個鐘頭… 整間cafe最重要嘅其中一環，可以話係套專業嘅音響，黑膠唱盤，CD 機，靚喇叭，樣樣都有，仲有老闆最自豪嘅原聲母帶…每次聽陳百強，張國榮嘅歌曲，都令人忘記晒平日嘅憂傷同唔開心嘅嘢… 咖啡係另一個重点…手冲咖啡總是會帶有驚喜，今日試左老闆推介呢雲南白蘭地…香味撲鼻…第一口喝下去…就好似白蘭地嘅味道，回味無窮… 食物方面…種類不太多，不過都係用心制作～今次点左咖喱牛肉，咖喱嘅香味令人食慾大增…另外亦点左全日早餐，多種食品，適合貪心嘅人

土瓜灣美景街…相信不少人從來未黎過…地方唔多就腳，又冇地下鐵，要黎又真係幾唔方便…不過如果你真係對食糖水有要求，尤其是對紅豆沙，綠豆沙特别鐘情嘅話，就一定要黎… 先講環境，佢冇豪華嘅裝修，醉人嘅風景，只有幾張平民摺枱摺櫈…就係因為咁…鋪入面係充滿住八九十年代嘅味道，難怪大時代嘅導演會响呢度取景。 服務方面，當然唔會有五星酒店嘅服務員，只有親切嘅老闆娘，用對子女嘅口吻黎招呼，好有家嘅温暖。 食物方面，不得不提紅豆沙同綠豆沙，呢度嘅紅豆綠豆係煲到冇晒一粒粒嘅豆…名乎其實嘅沙…紅豆沙食落有陣陣陳皮香味…清香得黎又唔會搶左紅豆味道…相反，綠豆沙就以香草為主，綠豆為輔，絶不失禮。除糖水之外，老闆娘亦有提供小食，雖然呢啲小食唔係乜嘢山珍海味，但係配合特制醬汁，立刻變成珍貴美食…友人們食過不停… 本篇不提供相片…希望在這裡留白，好讓讀者自行想象，探索，究竟咁特别嘅紅豆沙綠豆沙會係点樣… 返看戲照，鋪面似乎仍然保留住當時嘅環境，無什改變，希望老闆娘可以繼續經營，保留住呢個大時代嘅味道。

早上路經觀塘…想揾啲嘢食…見到一間門口半開…似有開又似冇開嘅鋪…就是是但但咁行入去… 一入去姐姐好好招呼…隨便坐…咁就是但坐啦…望望餐牌…早餐廿幾蚊…我以為時光倒流…好奈未食過二字頭嘅早餐…good 食落又唔差…ok 一個字……平靚正😂😂

夜晩一家人揾飯食…竟然有間鋪叫自己係牛皇…好，就試下你有幾皇… 坐底乜都唔洗諗…整碟牛先啦…一上枱…果然一流…同啲雪藏牛完全唔同… 先睇賣相…非常之靚…比得上A5 和牛… 再淥一淥，入口非常之香…又淋…又有牛味…一食難忘… 一枱六個人…總共食左三大碟牛… 其他嘢都幾好 墨魚丸爽脆，虾滑鮮味，魚旦彈牙，樣樣都咁好 總括而言，响呢度打邊爐係一流…價錢都好合理… 唯一差啲嘅地方係個鋪位係冇洗手間，要行得幾遠下，呢個係商場嘅設計…都冇辦法啦

今日早收工…行行下見到一間日本嘢…心諗香港嘅日本嘢好得去邊…不過都試下啦… 睇見餐牌，嘢食唔多，只有海鮮丼，最後食左個北海丼，帶子鮮甜，三文魚子脆卜卜，好似去左日本咁…正

夜孖孖想揾甜品食～又唔想食啲乜冰物冰…又唔想傳統中式甜品…响openrice look 左一陣，發現呢有椰皇甜品…於事呼飛車去試下…一試難忘 先試一個麥提沙糥米滋…軟滑嘅皮…包佳脆卜卜嘅麥提沙～好味…最緊係…唔甜…一流 再黎一個湯丸燉椰皇…清新嘅椰香味再加粒湯丸，食落就令人停唔到手… 最後加個芒果拿破倫，超脆…十個脆有十二個脆…加上芒果…提升左成個甜品…配合得冇得頂… 整體上樣樣都咁好…不過實左太飽…仲有好多嘢想試…下次下次…下次大概可以…

今日元宵，諗住買湯圓食，近近地去左呢間鋪買左兩碗湯圓返屋企食，一咬就知中蕉。

首先食左粒芝麻湯圓，一陣燒蕉味，再加油益味，即刻食唔落去…

再食粒花生湯圓，勉勉強強啦，不過碗糖水就完全唔得喇，冇佢應有嘅味道喇

最後睇吓碗湯圓，十足撞左隻油船，成碗都係油污，唔想再食！！