首先要讚下佢啲自家制飲品，款式多感覺上又健康啲，個刺身船吸睛得嚟又好食，有海膽同象拔蚌刺身已經抵哂。小食方面酸菜魚同麻辣鴨血都好野味。花膠雞煲我哋選擇小辣， 但搵勻成個煲都係冇花膠只有豬皮同埋蜆，雞肉尚算嫩滑不過不失。 到打邊爐嘅時候，每款海鮮、手打三色丸、餃子、蔬菜籃同烏冬都會先上齊，之後可以再refill ， 海鮮方面有蠔、龍躉肉、蟶子、魷魚圈、大蜆、蟹、魚同蝦。 蟶子係中size （第二round變左大蟶子），蟹肉霉仲有少少乸喉，可能只係死咗一陣（第二round正常） 每次refill嘅時候都要搵店員， 到中後期先發隔離枱海鮮船上竟然有鮑魚， 即刻order，但竟然只俾四隻我哋，但我哋係有五個大人，留意返，第一round佢放低海鮮船嘅時候係冇鮑魚，我地係見人地有先嗌，再refill 又漏單之後再追先話賣曬。 整體嚟講間野唔太老實，一係你就話鮑魚冇得refill ，你開得門又唔俾客食算咩意思。

與三五知己過澳門玩兩日，少不免吃貨，住十六浦又點會唔黎六記食蟹粥呢!!昨晚滿心歡喜由酒店行去六記點知閂左門，門口貼住張紙條寫住"5月24-25號休息"，失望之際就去左附近某店晚餐，今日我地又再次期待，未夠6:00我地就去到，由於佢地開6:30，所以我地乖乖搵位坐底邊睇餐牌邊等，我地叫左一個中型蟹粥、抄蜆同炸鴛鴦，蟹粥都唔錯，有蟹味，炒蜆冇驚喜，好一般，炒鴛鴦都唔錯，不過我地唔敢點汁食，因為……鋪頭有烏蠅就一啲都唔出奇，但成群烏蠅係啲豉油同蜆蚧上面停留，店員照冇野咁俾果啲汁我地真係唔太有胃口，其中有位燥底阿姐當正我地係衰人咁，不斷黑口黑面細聲鬧我地，問個廁所係邊又話我地麻煩，叫佢拎個餐牌又叫我地問返樓面，一路食一路有大量蚊仔飛下飛下，冇哂食慾，下次打死都唔黎…

話說同男友黎澳門玩兩日，第二日四、五點去完科學館，上facebook時無意發現有個姨姨都黎左澳門玩，而且仲係林記打埋卡添，讚到咩咁，一於同男友去試下!!好在有巴士直到，因為時間尚早，所以都冇咩人，入到去即刻點餐!!! 叫左葡汁焗雜菜、燒牛舌、炸馬介休球、豬肋骨、牛尾湯加蒜蓉包！！食到攬住個肚！！正呀

我都明白有時價錢平,質數方面都心中有數架喇~但真係估唔到係咁離譜姐!
話說上月24號同幾個姐妹去打邊爐, 因為團購左既關係, 已經預早幾日BOOK定位,
而且酒樓方面都有早一日confirm返我係19:00 既!!
到左果晚7點鬆d去到, 已經好多人企哂係門口等緊, 咁我地就俾左幾張團購from個知客, 順便問大約要等幾耐, 佢就塞左張飛俾我, 話:"等叫NO啦"(語氣唔好)
好啦~因為我地未齊人, 就邊傾計邊等...
19:30齊人, 我就問多次到未, 因為book左7點,
佢望一望個list話:"book左都要等架喎!"
我:"既然係咁, 我book黎有咩意思? 入面豆潤咁細, 你就咪收咁多街客啦!!" (因我見不停入walk in客)
佢唔出聲, 話好快到我地咁話~
無耐有班c9都燥底, 都係咁鬧!!!我都廢事出聲喇, 唯有繼續等...
19:45我又問多次, 佢話埋緊單!!  ok, fine~
20:00我再問佢:" 阿姐呀, 你話埋緊單果張台係幾號, 我睇下佢埋單埋成點!!咩單要埋15分鐘咁耐呀!?"
佢答:"3分鐘有台!!!"  [[我即刻計時!!]]
幾經辛苦, 8點鬆D先有位...
一坐低即點野食, 肥牛,芝心丸,脆肉鯇等等...
肥牛>>真係全部係白色肥膏, D肉唔知去哂邊~~
丸>>次次黎都得幾粒, 點分呀!!
魚皮餃>>又酸又臭!!
菜>>原全冇洗ga, 仲有沙!!
款式選擇少!!!
熟食方面, 係要出去拎o既, 但因為我地8點幾先入座, 咩都俾人食哂, 成張台好似打完仗咁,
而所謂任食"高級雪糕", 都係冇哂o既...
漏單我都算, 叫左3,4次唔黎咪當冇囉, 雖然好想食脆肉鯇
但點知隔離台個中年女人同我一樣都好想食脆肉鯇, 仲叫埋經理黎鬧!!
中年女人:"我突登黎食脆肉鯇, 你竟然冇? @#$%*#$
2分鐘後, 我眼見經理拎住2碟脆肉鯇放係佢台度, 我即刻火到黎, 搵經理!!
我話:"你係咪放錯左碟野係隔離台呢?我入左3,4次單都唔黎都算, 人地發火就有呀??"
經理:"都唔關我事架, 廚房執架喎!!"
之後死死地又拎返碟俾我~

經個fd帶路之下,去左呢間"天然甜品店"
一坐底友人便order[[桂花卷]],可惜買哂~
之後我地三人叫左個[[什果涼粉雪糕]]、[[什果雪糕椰汁西米露]]、[[香芒湯圓雪凍黑糯米]]同[[海藻香蕉卷]]
[[什果涼粉雪糕]]$20-->什果夠甜、份量都幾多
[[什果雪糕椰汁西米露]]$20-->芒果肉加上芒果雪糕,
[[香芒湯圓雪凍黑糯米]]-$20->香芒湯圓入面真係有粒芒果肉,雪凍好好味,入面好似雪糕咁
[[海藻香蕉卷]]$4-->外皮太軟身,如果冇保鮮紙包住真係唔敢想像
整體都抵食~

一行3人去食~around 6點半同其中個fd拎位先,可能時間尚早,冇人排隊~
簡左個卡位坐,坐低之後開始睇下Menu,,無幾耐有個侍應推介左個[[醬燒三文魚]]$9俾我地,仲話師傅即整,諗住個fd未到,咁o岩我地又肚餓就order左兩客
本身諗住即整就應該係熱食,點知完全唔係果回事~
醬汁係好味,不過凍左囉~有d失望
之後講下其他壽司先~~
壽司類
[[鰻魚]]$16--->係就係好大件、好肥美,不過又係凍左,而且仲要咬唔開,橡筋???
[[三文魚]]$9-->一般
[[雪場蟹柳]]$14-->好味
[[築地蝦]]$20-->好爽甜,唔錯
[[帶子]]特價$8-->肥美、厚身、正!!:

美國卷
[[波士頓券]]$14-->入面o既芝士流哂出黎,,幾好
[[吉列炸蠔券]]$14-->雖然唔係好熱,不過都ok~
[[芥辣蟹券]]$20-->炸蟹肉過淋
[[鰻魚露筍券]]$20-->食唔出有露筍
[[黃金蝦券]]$20-->唔脆

軍艦壽司
[[八爪魚芥辣]]$14-->辣!!不過幾好味
[[芝士蟹籽]]$16-->唔錯
[[蔥花吞拿魚腩]]$20-->必食!!!

[[波子壽司]]-->外型討好,細細粒o既波波
[[蝦波子壽司]]$14-->重蝦味,唔錯~
[[三色波子壽司]]$20-->可以滿足你三個願望

整體黎講壽司感覺都唔太新鮮,唔熱~
服務態度唔錯
p.s.長期有兩隻蚊飛黎飛去