2月某天。 嚟咗幾日食。 海蜇燻蹄 $38 ♥️♥️♥️♥️ 感覺上食燻蹄會比較heavy， 跟嗰甜甜哋既醋食， 先無咁易滯。 排骨蒸陳村粉 $28.8 ♥️♥️♥️ 份量好足， 特別係啲粉。 因為我口無落豉油， 而排骨的醬汁不多， 所以啲粉味道就好plain。 時菜鯪魚球 $18.8 ♥️♥️♥️+ 非常新鮮彈牙， 但墊底既係腐竹唔係菜。 釀虎皮椒 $26.8 ♥️♥️♥️♥️ 呢個無得輸， 因為鯪魚肉新鮮又彈牙， 煎釀得十分香口。 椒，不辣。 紅油抽手 $24.8 ♥️♥️♥️ 以為會辣， 點知無乜， 餃皮爽彈到位， 但餡料實的的， 可以理解為用足料， 但口感一般。 蘿蔔千絲酥 $28.8 ♥️♥️♥️♥️ 香口酥鬆脆， 最緊要係夠熱， 外皮夠酥鬆。 豆苗鮮蝦餃 $22.8 ♥️♥️♥️+ 大大隻熱辣辣， 餡料足但唔均勻， 有的蝦同豆苗都幾平均， 但有啲好少蝦。 不過這種又黏又糯嘅餃皮， 我就麻麻地。 百花釀魚肚 $30.8 ♥️♥️♥️♥️ 蝦膠鮮， 魚肚貨真價實， 最重要係熱辣辣， 香鮮美味。 招牌小籠包 $18.8 ♥️♥️♥️♥️♥️ 呢個大愛。😍 皮薄餡靚湯汁多又鮮， 最重要係熱辣辣之餘唔易穿， 所以比滿分。😁 香芒布甸 $18 ♥️♥️♥️ 唔係我想要既。 質感更似大菜糕， 味道呢OK既。 另需加一及茶💲

2月某日 心血來潮想試新嘢， 見到呢間環境唔錯， 咁就嚟咗食。 揀咗個黑豚肉煮手打烏冬， 鰹魚湯底， 再加咗個山本屋特制沙律， 問左係日式炸雞同麻醬沙律菜。 沙律菜到咗， 超驚喜。 炸雞個炸漿好薄， 炸得好酥香薄脆， 雞肉嫩滑味美， 份量算多， 超愛。 沙律菜夠新鮮爽脆， 配麻醬無得輸。 黑豚肉煮手打烏冬， 今日唔食腐皮， 所以走咗， 但見人哋嗰啲都幾靚。 豚肉新鮮嫩口， 湯頭也可口， 這個口感的手打烏冬頭一次試， 可能我吃沙律比較耐， 沒有即時吃烏冬， 烏冬不是十分彈牙， 口感有點像上海年糕(白色嗰種)， 很特別很有個性。 下次我想試下凍既平烏冬。唔知平烏冬有乜嘢唔同呢？

食物很出色，只是不太對我家老人家口胃。但其中的酥皮pizza，老人家卻是情有獨中，讚不絕口。唯一遺憾的是，份量小，吃極唔飽😂。但七分飽也還是有的 。3人下午2點後吃了人均2009餘，雖不算便宜，但因出品不錯， 也可推介試試。經OR訂位有9折即等於免了加一，所以一定要在OR訂位囉。

一睇標題， 就知道同丁麵有關㗎喇💕 祥仔2月到3月， 出前一丁🍜x祥仔期間限定款式， 採用的是北海道小麥粉出前一丁， 口感特別的qq彈牙， 都畀我食勻曬😋 【芝士煙肉一丁伴溫泉蛋】 法式高檔華麗變身， 一丁替代了意粉的港式卡邦尼👍🏻 喜歡卡邦尼的朋友， 一定要試試卡邦尼的另一種演繹方式😋。 【祥仔豬扒脆煎一丁】 祥仔的日式炸豬排不用多介紹， 依舊是豬扒肉厚， 外邊炸得酥香脆。 脆煎一丁是主角， 與潮式的兩面黃可以一較高下， 甚至更好吃😋。 丁麵一樣可以煎到香脆， 麵質本身qq很有彈性， 兩種口感一起吃起來很都是一絕， 再加上羅宋湯底， 令人回味無窮， 成為我的至愛♥️。 【法式龍蝦湯海鮮一丁】 一出場己讓人驚艷 QQ彈牙的丁麵， 配上香濃味美龍蝦湯， 美味的不得了， 再加上以本傷人的美味魚柳和鮮蝦， 感覺如置身華麗殿堂， 把吃的感受與感覺， 全面提升到另一個層次😘。 魔女我也僥倖在1月份的食譜比賽得了獎品😘😘😘。 3月份也很幸運得到了清仔見面會的機會， 有幸可以品嘗由大廚親自演繹比賽中第一名得獎者的創意一丁食譜， 限定中的限定💃💃💃， Not on the menu ✌🏻✌🏻✌🏻。 【西班牙海鮮墨汁撈一丁】 海鮮墨汁撈意粉唔難食得到， 但海鮮墨汁撈一丁就真係第一次品嘗😋， 果然有驚喜🎉。 首先本魔女本身就很喜歡墨汁意粉， 所以一見到頭獎作品就驚為天人😱， 出色海鮮配搭， 烏黑烏黑濃濃美味的墨汁一丁， 為一丁又再締造嶄新口味， 舌尖上的高峰😝。

飯聚令剛剛放寬至四人， 咁樣食個生日飯都無咁困難🙌🏻。 選定咗去心齋。 自從心齋搬咗嚟尖沙咀之後， 我都未去過幫襯🤔。 一上到去， 見到都頗古色古香， 有啲fusion feel👍🏻。 叫咗幾個點心， 全部水準都好好。 燒賣有啲意外嘅💕驚喜， 因為差唔多全部係蔬菜😋。 小籠包又是另一驚喜😍， 包裏的玉汁令人回味😋😋😋。 灌湯餃係必點項目。 高湯係菇菌湯， 味道濃香清雅， 灌湯餃本身非常好吃👍🏻， 口感剛好， 熱辣辣的， 令人吃得很開心😘。 蘿蔔絲酥餅， 美味又出色😍， 跟上個世紀老酒家做的不惶多讓✨。 焗香草淮山猴頭菇火候剛好， 香草的提鮮， 令沒什麼味道的淮山變得吸引。 猴頭菇本身， 也非常鮮嫩美味👌🏻。 沒想過棗蓉糕口感味道超出色， 軟糯的口感不是實實的， 甜酸度也拿捏得很好😍。 這頓生日飯， 在一間素店裏， 竟然吃到各類不同又出色的點心， 好好好滿足😈😈😈。

山頂食下午茶，
首選梗係
太平山餐廳。

呢度嘅公司三文治，
製作認真，
真係幾十年前嗰種模式做㗎。

麵包全部看烘底，
薄而帶脆。
裏面啲 Mayonnaise，
係同燒雞混合，
唔會過酸，
味道平均。
雞蛋薄薄煎，
生菜放得好齊整緊貼，
番茄好薄只放少許，
煙肉係有少少乾同硬身，
做法傳統。

配菜可以減沙律或者薯角，
薯仔控嘅我，
梗係要薯角啦😍

配埋一杯 Stella 啤酒，
真係天衣無縫💕

山頂之旅前因後果~

今日訂咗位，
去飲嗰個台式茶。
我一直都好想再去呢間舖頭飲茶食點心，
但係就的唔起心肝😂
對上一次嚟食嘢，
好多年前喇😅



蝦餃係老式中式茶樓口味，
細細隻（ 懷舊size），
一籠竟然有五隻😍
蝦唔係成隻放落去，
有啲豬肉，
整體好juicy。




菇菌素餃食嘅係刀工，
裏面有其中我估有鮑魚菇，
咬口比較爽脆硬，
跟餃子裡的其他餡料有點對比。




最出色嘅係豉汁欖角蒸魚雲，
豆豉很落本，
火候剛好，
魚頭很工整，
👉🏻沒有👈🏻弄得支離破碎😄




薑米桂魚炒飯也非常好吃，
油水夠，
看下去很油但實際上不會過多油，
味道也剛好，
只是薑味略嫌不夠。




鮮菇魚肚扎有點特別，
原來鮮菇是草菇，
魚肚扎是腐竹包魚肚，
配的是蠔油汁底。




台式小籠包沒有讓我失望，
小籠包內有應該有的肉汁，
包皮也薄，
配的是我們最喜愛的黑醋💕




蚵仔卷讓我們有點意外，
沒有想過是春卷😂
炸的非常脆口，
可惜內裏比較鹹👉🏻👈🏻


整體來說也是很滿意的一頓午餐👌🏻

今天想找新地方飲茶， 唔想諗咁多， 貪方便， 就上咗openrice去睇， 見到嚮旺角有間叫做canton pot 有茶飲喎， 仲有七折添💕， 所以就去咗嗰度喇😋。 去到都成兩點半， 所以都無其他人了， 自然我就變咗包場😂😂😂。 見到張餐單， 都有幾多選擇， 但係就特別留意到無蒸排骨🤔， 應該係因為依家啲豬價錢太貴了😥。 蒸籠點心全部熱辣辣上枱， 餡料還很juicy😍。 海皇粥用料新鮮， 粥底靚正👍🏻。 咖哩煎餃很有特色， 相當不錯😀。 xo醬蘿蔔糕， 乾身熱辣辣， 乾爽有驚喜😋。 花膠湯也足料， 鮮甜✨。 鹹水角用料足， 十分美味， 只可惜外邊有少少部份炸over左， 有丁點位硬身左😔。 作為一間小型酒店嘅食店， 質素方面整體都算唔錯， 性價比方面也可以👍🏻。 食物方面全部都係即叫即做💕💕💕

星級點心閃入民間， 點心廊仍由喜來登酒店中菜廳天寳閣的前總廚陳師傅主理， 賣的不只是美味高質點心， 更用了陳師傅的畫作來粉飾店子， 成為多才多藝的陳師傅獨一無二的美食×畫廊 cross-over 。 原來今日係第一日正式營業， 哈哈， 真的啱啱遇著剛剛。 點心廊有好多點心都有用海鮮， 好似鮑魚酥，蝦餃呀咁。 家人最近剛好不能吃海鮮， 所以也將就沒有多叫海鮮類點心， 但其實海鮮類點心好吸引 ， 而且款式又多， 遲啲一定要返來試。 我自己要了鮑汁花膠撈飯， 鮑汁撈飯唔使講都一定好食， 花膠切條狀， 份量比較少。 家人叫了沙薑北菇蒸滑雞飯， 我聞都聞得到好香， 佢比咗啲白飯我， 吃得到飯中有北菇雞的香氣和鮮味。 黑松露野菌石榴粿造形吸睛， 鮮橙色的錢袋形外觀， 內裡的菌香而味鮮， 但黑松露的味道就唔多覺。 鳳城娥姐粉果反而有驚喜， 餡料多材料新鮮不用多說。 麻婆豆腐日本帶子餃很有特色， 清脆的綠餃子用了少許食用金箔點綴頂邊， 果真是一個特別版的迷你麻婆豆腐沒錯， 反而沒有留意到帶子~ ( 順帶一提，   本來沒有叫這個點心，   在送上來吃過發現辣辣的，   暗自奇怪，   細問是那款餃子才知送錯了來，   本叫店方加返落單，   但店方很大度沒有加。) 鮮淮山毛茄冬菇是一樣的新鮮， 跟自家炒的一樣， 唯份量不多。 松茸螺頭燉雞湯真的好鮮好鮮美， 令人回味。 埋單時有驚喜， 6月尾前去食仲會有85折。

一個出色的素食自助餐， 在我來說， 食物一定要夠新鮮吸引， 唔可以偏重"假肉"， 而且食物唔可以千篇一律。 呢間喺銅鑼灣只係開咗幾個月嘅素食自助餐， 除了擁有以上的元素， 竟然還給我驚喜。 食物分了兩區， 一邊是西式的， 而另外一邊是中式食物。 在這裡， 除了日常可以吃到的素食款式， 更破天荒吃到未曾在別處吃過的~ 芝士薯仔餅 😍 😍 😍。 同埋唔係太多地方有提供的~ 脆薄 pizza 😍 😍。 中式方面， 提供了多款熱葷。 各式其式， 味道恰到好處。 但當我嘗到中湯的一剎那， 直有驚為天人的感覺， 相逄恨晚， ( 因為差不多到最後才喝它， 都差不多飽了)。 跟店方了解後， 知道湯裏頭有 : 冬瓜, 木棉花, 棉茵陳, 紅蘿蔔, 和九種豆類。 真心係落重本， 怪不得這麼好飲 😘😘😘。 店方還透露， 西廚本身學的是法國廚藝， 而中廚就更大有來頭， 曾先後是星雲大師和邵逸夫的私廚 😎。 才百多元的自助素食， 有這樣的條件陣容， 怪不得其門如市。 9-5-2019