已經試過幾次喇,每次都係好唔同!不太穩定,可能是一個人煮的關係吧。而且太細太迫喇,坐都唔舒服,如果差10-20蚊我會揀森美!

我有時候會想,這間跟森美會否有關,因為set dinner是一樣的

龍蝦湯幾好味
塊多士都唔錯
頭盤焗蠔好一般,可能太細喇!
主菜.....還可以的,幾有誠意(我覺得)未至於其他食評咁講,話好細好薄,鵝肝太大太厚唔好味,會好漏架!不過仍可再大少少,可能成本問題所以,呢個價錢,呢種質素...尚可接受。

甜品,好味,個心太軟幾正,餐飲就.....有待改善!!!

不過d沙律係超唔得,所以真係唔洗考慮!

環境真係好迫!加上本身佢係一間bar,d音樂真係好難頂!

未食過半自助餐係咁差!生蠔好瘦,唔夠甜,唔夠鮮同埋幾咸!

魚生還可以,不過其他野食就.....

d蟹唔新鮮,d肉好"梅"

個黑松露湯,,,,我覺得似普通既雜菌湯囉!

青口,當冷盤就唔錯!可惜無啦啦加左個汁,好唔夾味!

鰻魚炒飯,好腥,又凍!

係d甜品整得較好!

仲有d火腿,算係最好味!不過戲肉都未到...唔講唔得,食個主菜.係羊仔膝...竟然係白烚加個汁就算,成碟野好多水,d薯蓉....好似食薯仔皮咁苦苦地

諗住飲下野啦,點知佢d可樂冇氣仲要溝左水,可樂姐,唔好咁丫,一支1.25公升都只係12蚊左右....我而家飲你一杯....算得係d乜呀!

團購攪得咁差真係唔好攪,每次拎野食都要排隊,朾身 生蠔雖然係任食,不過係出左2次咋!每次都勁多人排囉!7點幾到左要等到8點先食得,9:15pm就冇得食架喇!所以食得好少野......講真比百幾蚊食li d野,我寧可去食放題,食打邊爐!

我奉勸大家唔好抱太大期望,求期當填飽就算!加埋成二百多d.我比多幾十蚊去食d平價酒店自助餐好過。想長做,真係考慮下做好d,如果唔改善,只會越多人唔敢去!

野食質素還可以,入得口都唔係好差既,

不過d服務就真係差到加零一呀,一開波叫左5次都冇侍應,算......

真係唔好叫鰻魚真超慢都唔上,餐飲唔該預早一個鐘前落單,如果唔係.....你永世都等唔到

最差既係........吹左6次都冇飲品到,之後個個唔想等,埋單,個疑似經理既人士.....竟然爆左一句問左句:點解d飲品咁耐都冇架,竟然答[飲品係送架!唔連埋餐]

我真係想爆..........咩態度呀?係送就可以唔黎......係送就可以吹左6次都冇得飲........預早半粒鐘落單......食完再等多45分鐘.........過唔過份呀...............

我真係好想當場插人........

e間咁"星星月亮太陽蝦餃粉腸"既料理....

唔係附近食店唔多睇怕佢執笠都似.....事關同時間仲有另一枱客已經發左火..............狂插!

越做越差，幫襯咁多年，越嚟越冇禮貌，餸又越嚟越少。 打電話落單，男人接聽，覆兩次，兩次都錯，要撈粗，就覆我撈幼，要牛栢葉就覆魷魚。 等咗1個鐘，打去問出咗未就話出咗，好快到。 再過多半個鐘，又話嚟緊。 最後要成2個鐘先到，仲要係送去天耀商場。 叫個外賣等2個鐘，打去問幾時到，只係答好快好快，聽電話果個亞姐又冇禮貌，送到嚟個外賣凍晒，搞到好難食，啲油凍咗漿住啲薯粉，餸又少，牛栢葉少到得6條絲，每條5~7mm闊！ 除咗價錢稍為正常外，搵唔到再幫襯嘅理由！

試業階段，基於人手不足，可能冇乜經驗，相比同區台式飲品店時間上真係耐好多，同埋物資預算做得未夠好，今日下午兩點幾去買已經因為唔夠珍珠，冇晒飲管而cut單。 味道方面真心覺得唔錯，茶香清新有回甘，飲得出係誠意之作，可惜，得一位沖泡調製，杯杯即沖茶底！至於價錢，唔算抵，不過我相信成本亦唔會好平，杯，蓋同集團式嘅有分別，加上珍珠係自製，我自己覺得值嘅。 玫瑰花珍珠👍👍👍 Baileys珍珠👍👍👍 個人認為半糖已經足夠，太甜會遮蓋茶香。 另外，飲完第一次，茶包可以翻沖，唔好浪費！希望可以keep到水準，用心，有誠意嘅台式飲品係元朗真係唔多。

😶😶😶叫外賣，要乜冇乜，身為一間食店竟然係咁，真心有啲失望。 之前叫過幾次，其實質素唔差，諗住試下其他野點知……希望有改進，本身款已經唔多，如果加埋要乜冇乜嘅話，真係好難留客。 支裝奶茶可以唔洗試，茶太濃，有苦澀味。

其實想試好耐，不過經常遇唔啱時間，終於的起心肝去試下抹茶脆豬同茶冰珍珠奶茶。 果然好味!特別係茶冰珍珠奶茶，加埋半糖，茶味突出，就算溶晒啲冰都唔會淡（梗係啦～茶冰嘛！😂😂），好喇~~到抹茶脆豬，真係又脆又香，不過抹茶啲味……應該係添加人造香料，但係算啦！li個價錢點可能用全抹茶丫~~~一分錢一分貨，過口癮唔錯~~ 其實我另外仲叫咗個奶醬脆豬，味道一般! 一個包加一杯飲品，平3蚊!算係咁啦～😆😆 自從試完杯茶冰珍珠奶茶，我成日都好想再去飲，可惜，唔太就腳，如果開係又新街或者西菁街就好喇!

新開一段時間服務唔錯，refill算快，環境夠闊夠大，冷氣大咗啲，不過用pad落單就……估唔到部pad有問題，不停自己 restart, 最後要搵職員落單！ 雪糕，乳酪嘅配料較少，希望將來增加多啲啦～同埋乳酪機好快冇晒，仲係黃金時間喎！li點有啲唔開心。 去牛一前睇咗食評，見足90cm就算未夠3歲都要收錢，唔知係咪比人投訴過定一早有張memo呢？不過張memo唔太顯眼！ 屯門冇日式葛絲，但li間有，正呀～感覺上li間啲自助食材較少款，可能仲係新啦～ 其他分店會15分鐘前通知客人last order，比啲客可以有預備，但li間就夠鐘即cut即熄爐, 要枱客出去埋單，li方面真係要改善。

買之前已經問咗個店員係咪用人造香料或者香精油整，個店員話：「唔係，係用芋蓉同真正焦糖整，我地賣嘅係用天然材料整，唔會用人造香料。」

原來信唔過，開盒食果陣一咬就中招，人造香料味，啲味好假，唔天然咪唔天然囉！但唔好呃人啦！咁做生意，我實唔會再幫襯！除咗糯米皮夠薄夠軟滑，其他都係名過於實，非常失望。

可能本身店主係好好人，積埋好多熟客，但元朗店都唔好做衰自己聲譽，更加唔應該為咗做成生意就講大話呃啲客，原本我想試其他味，因為li次，我唔會再試。

成日見有人排隊，見食評好似幾好，於是今日同朋友去試，點知……

朋友同我分別叫一份拉斯維加斯軟殼蟹鵝肝漢堡（$158）同吉烈魚柳漢堡（$78），睇樣好似唔錯，以為1分錢1分貨啦！不過希望越大失望更大，麵包係好味嘅，但真係未食過鵝肝係又乾又粉又散，完全冇juicy冇軟滑嘅口感，又細塊，隻軟殼蟹細到😢😢，元氣果啲仲大隻過佢。

吉烈魚柳勁大塊，不過得個大字，醃得有點過咸，啲炸油唔知用咗幾耐，塊魚柳係深色過茶餐廳奶茶，好硬囉！

收li個價錢，真心覺得中咗伏，唔會有下次。