咁多日本嘢之中，鐵板燒都算係我嘅最愛之一，適逢今日去銅鑼灣做嘢，比我發現咗呢間優質又抵食嘅鐵板燒 - 本命 上到去正值晚飯時間，其中一張大嘅鐵板燒枱已經差不多坐滿客人，但空間闊落唔會覺得逼唊。餐牌方面，入門級嘅套餐只係$588，喺銅鑼灣區嚟講算係非常抵食👍🏻 前菜: 碎蛋薯蓉、蘆薈沙律 酸甜嘅沙律配上粒粒蘆薈非常清新，碎蛋薯蓉撈埋洋蔥絲青瓜絲增強口感，兩樣冷盤都有醒胃作用，食完即刻好期待主菜😆 甘鯛 - 師傅先將調校好嘅甘筍汁煮熱鋪底，再將魚皮連魚鱗煎到脆口，魚肉又能夠保持嫩滑，配合獨特擺盤，賣相同味道極為吸引❤️ 北海道帆立貝 - 生熟程度剛剛好，表面收乾水但入面仍然鮮甜多汁，配埋冬瓜醬汁口味居然出奇地襯👍🏻 大蝦 - 每次食鐵板燒都會欣賞師傅拆蝦殼嘅手勢，今次仲要連殼都食埋🤭，師傅將大蝦拆肉之後，連蝦頭同殼都燒到脆卜卜，加上蝦膏mix埋蒜蓉牛油做嘅醬汁，香到不得了🤤🤤 黑豚薄餅 - 第一次食鐵板燒有黑豚薄餅，先將薑汁黑豚洋蔥炒香，再以春卷皮包住，解除油膩感又唔會搶去黑豚肉嘅風頭🫶🏻 SRF極黑和牛+美國安格斯和牛薄燒 厚切極黑和牛粒味道較為香濃，雖然厚切但係一啲都唔靭，薄燒和牛油脂較多，中間夾埋蔥蒜一啖入口真真正正齒頰留香😋😋 炒飯、湯、炒野菜: 飯粒乾身而粒粒分明，特別推介個湯，以金鯛魚骨熬製，離遠已經聞到一陣鮮魚香，飲落極度鮮甜濃郁，就算食到好飽都一定唔可以錯過個湯🙌🏻🙌🏻 甜品及飲品: 焦糖多士香脆可口，配埋紅豆雪糕非常完美，加埋勁大杯嘅日式檸檬茶同青檸梳打，消滯解膩，劃上perfect池嘅句號❤️ 以上套餐只係$588一位，性價比極高，一定要再去食

星期五放工想同朋友仔去chill下，朋友推介呢間［Day n nite ·昼夜］，話飲品同食物質素💯 餐廳日頭同夜晚嘅氣氛與風格都截然不同 ☀️係一間Cafe ，餐廳門口位置仲有個靚靚打卡位，仲可以帶毛孩一齊黎添🐶🐱 🌙夜晚就係一間好chill嘅餐廳+酒吧 又好味，又有特色飲品，打卡一流📸地點仲好方便添🫶🏻 識叫一定叫［Bartender signature cocktail🍹］佢嘅冰制造型鴨仔洗白白同埋海豚🐬真係Q到暈🥹仲有充滿少女味嘅玫瑰花Margarita 🌹 🧡龍蝦意大利飯🦞 平時出面食嘅問吓意大利飯，通常同埋啲意大利粉都唔覺得有龍蝦肉，呢度原隻龍蝦配埋魚子醬上碟非常奢華😍而且大大嚿龍蝦肉鮮甜好味😋蟹鉗一樣咁多肉🥹濃稠醬汁包裹著每一粒飯，非常creamy🤩推介👍🏻👍🏻 💛黃金風沙雞翼 好少食到鹹蛋黃雞翼，鹹蛋黃粉末覆蓋住整隻雞翼，而且非常入味🫶🏻每一啖雞肉都充滿著鹹蛋黃味，鹹度適中，非常惹味～正🤩 🤎慢煮西班牙黑毛豬肋骨 慢煮嘅關係所以肉質嫩滑，而且煮得非常入味，伴碟有蕃薯條、薯條，沙律菜，如果可以再跟一碟燒汁就好喇😋 💚蔥味牛肉卷 我鍾意呢款味道清新嘅菜式，一味兩食，可以先品嚐牛肉卷，之後再用伴碟的紫菜包住食，2種風味都要樣咁正🫶🏻最驚喜嘅係入口牛肉好Juice，香蔥為整個牛肉卷帶出fresh既感覺～正 💜紫菜芝士Parma ham千層包 呢個菜式係心機之作❤️一層紫菜+一層Parma Ham+一層芝士以層層疊形式造型後再炸，然後底面加上烤過的麵包，切開之後見到溶左既芝士湧出黎🤩又脆口又有濃濃芝士味+Parma ham既鹹味，口感非常豐富，秒速清左呢碟咁特別既千層包😆 下次要喺Day time再黎cafe風昼夜既靚靚打卡位影相先❤️

去觀塘開會，收工就約附近嘅朋友食飯，朋友帶左我去工廈入面嘅餐廳食台灣嘢 本身比較少去工廈嘅餐廳，今次嚟到呢間哈豆，比我之前對工厦餐廳嘅印象乾淨企理，而且每枱都有酒精可以噴手(仲要都幾好聞😆)，感覺舒服。 睇睇餐牌，都係一啲地道嘅台灣食品，我叫咗個鹽酥雞台式腸麻辣拌新竹米粉，朋友叫咗個肉燥時蔬芝麻醬拌新竹米粉(+$8多條台式腸)，再加個滷水拼盤，等咗一陣啲嘢食嚟啦。 見到碗米粉嘅即時感覺係: 抵食夾大件😂，份量好足夠，材料一d都無孤寒，我鍾意個麻辣夠惹味，但又唔會辣到食唔到，鹽酥雞炸到啱啱好，入面仲有肉汁，台式腸熱辣辣，加埋蒜粒非常香口，朋友話個麻醬一d都唔漏，比d米粉索晒啲汁，本身話大碗得滯都食晒成碗😂😂 輪到個滷水拼盤，特別要讚下個牛𦟌，夠淋又入晒味，入口即溶冇得彈👍🏼👍🏼 連埋兩杯嘢飲，加埋都唔使$200，下次如果再嚟呢頭都要再去食😋

一家人出去食晚餐輕鬆一下 選了就近的觀塘商廈裝修簡約的食店 我們一家三口點了三個晚餐 餐湯：南瓜湯 南瓜湯是用鮮奶+南瓜溶同煮 非常甜，質地濃稠，質感與味道都很豐富 呀女食淨半碗都比我秒清～好味 南瓜沙律 唔係普通凱撒沙律，煙肉粒乾身好脆口，有小小鹹好好味，用南瓜醬汁拌上沙律，帶點甜味好特別鐘意食南瓜既我就好喜歡頭呢2款食物喇 卡邦尼意粉配63度慢煮溫泉蛋黃及香脆煙肉 同老公都覺得呢個意粉好好味，好快就秒清左碟意粉 配料有煙肉，磨菇，溫泉蛋，混合蛋液的醬汁很濃味，每條意粉都沾滿醬汁 質地濃稠，較重奶味，食完好有飽肚感 三文魚香草意粉，食完濃味的卡邦尼意粉後，吃這碟意粉比較清淡，不像卡邦尼一樣有醬汁沾滿整條意粉，整碟味道充滿香草味，而煙三文魚帶點鹹味，剛好跟清淡的意粉取了個平衡，但得2片三文魚就少左啲 廣島蠔明太子炒意粉，蠔係一整粒，唔係蠔碎，一口咬落去一啲都唔乾，好入味，有小小鹹，意粉炒得好乾身，唔油膩，只有2隻蠔不夠滿足，肉類控表示感覺好似無乜餸咁 最後甜品雪糕 有2款味道，豆腐跟綠茶 豆腐味道雪糕的清淡而品嘗到微微的黃豆味道 綠茶也相對味道較淡，茶味不是太突出 個人喜歡豆腐的味道 但吃完以上這些濃味的食物，來一個清淡的甜品，感覺比較舒服 而這個價錢能吃到這樣質素的一餐，性價比高，可以再來光顧

Weekend同朋友去happy hour鬆一鬆，俾我地搵倒間好嘢 本身我地已經響第二度打咗底食咗少少嘢，所以只係叫咗一個雞翼食吓送吓酒～ 估唔到竟然咁好味結果叫多一轉雞翼之外仲叫多咗幾樣嘢食，肥死～😂 蒜蓉牛油雞翼 非常好味嘅雞翼，真係皮脆肉嫩，好香牛油味～ 我地一行五人食完一碟唔夠喉要叫多碟😆 千島醬海鮮薄餅 薄批底焗得夠香脆，上面嘅材料豐富夠多汁，味道亦好正～ 魷魚鬚 店員推介我地食魷魚鬚，又真係幾惹味。 黑松露芝士煙肉薯條 飲酒傾計又點少得炸薯條，加埋黑松露同芝士嘅薯條食到停唔倒口。 啲嘢食咁好味，下次響銅鑼灣搵地方落腳happy hour都一定再嚟呢度啦

早幾晚約咗好朋友去銅鑼灣睇戲, 臨睇戲之前, 先去附近醫肚。

朋友帶我去呢間Little Vegas, 好鍾意呢度嘅裝修, 好放鬆, 令人可以暢所欲言嘅地方。

食物方面, 我哋點咗明太子天使麵, 卡邦尼意粉, 心太軟, 比利時窩夫。

明太子天使麵: 超多汁, 好多明太子, 白汁配上明太子好夾, 味道帶點微辣, 而且天使麵全部掛上白汁, 天使麵很彈牙。加上洋蔥令味道提昇, 呢碟係我最愛。 卡邦尼意粉: 好友同我分享, 感覺卡邦尼意粉味道較淡, 意粉都彈牙, 不過個人喜愛天使麵多點。 比利時窩夫: 窩夫香濃蛋味及甜味, 食出幸福感覺, 配以各種生果能中和窩夫的甜味。 心太軟: 香濃朱古力味, 做得很不錯, 配雪糕吃, 一冷一熱, perfect~ 餐廳有連儂牆, 讓等候入座嘅朋友可以抒發所想, 店內播著流行曲, 滿有共鳴, 值得大力支持。

同朋友去完街，一行8人夜媽媽搵地方食宵夜。結果揀咗12:00am仲未收舖嘅大中華 啫啫通菜煲 一嚟到見到又聽到“咋咋”聲已經好吸引，食落好香好夠味 蒜蓉蝦乾蒸勝瓜 本身好少食勝瓜，但係連埋啲蒜蓉食又幾惹味，勝瓜都幾甜👍🏻下次可以再食 黑椒鐵板豬手 呢個好好食，黑椒味好香好濃，又夠多汁🤤送飯一流 豉汁炒蟶子 蟶子夠大隻肉又夠厚，而且好新鮮，抵讚 冰鎮王鱔 鱔片好爽脆好鮮甜👍🏻點wasabi加埋青瓜一齊食好正 生炒骨 雖然唔係特別嘢食，但係甜酸都適中，又唔會好痴牙，啲肉唔會乾哂，幾好味 冰鎮墨魚片 墨魚好鮮甜好淋👍🏻唔會好似有啲其他地方咁靭，咬到咀都攰哂🙄 XO醬爆腩仔 最愛食腩肉😍用XO醬爆好香好正，又係超好送飯。加埋個黑椒豬手真係可以食成兩碗飯🤭

荔枝角有間冰室，門面好神秘無招牌，入到去先睇倒餐廳招牌 今次同朋友去食下午茶～ 呢度嘅裝飾環境都幾好，座位寬敞舒服。 下午茶非常多選擇。 全日營養早餐 $58 有鮮油菠蘿包、香煎雞扒、牛奶炒蛋、斯華力腸、炒雜菌、茄汁豆、沙律菜。 勁豐富，只係$58，值得一讚嘅係鮮牛油同菠蘿包係分開嘅，唔會因為菠蘿包嘅熱力令舊牛油上到檯已經溶晒，非常貼心 牛奶炒蛋好滑，炒雜菌係加咗牛油炒好香 成個餐都好好味 當餐 $45 有沙嗲牛肉公仔麵、火腿、炒蛋、奶油吐司。 普通炒蛋都炒得滑 又係成個餐都唔錯無乜嘢好彈。 真心推薦，下次再嚟試下晚餐

朋友仔好鐘意唱歌，搵倒一間響尖沙咀嘅酒吧餐廳，有靚音響而且嘢食又好味 最好嘅係環境唔會好嘈，唔會有好多客人猜緊妹/玩緊骰盅，反而好似Cafe咁有人玩緊board game😂 呢度每檯客每次可以排2首歌，唔會有人霸住啲歌唱到唔願停，好有規律。 嘢食方便，價錢唔算貴，而且整得幾好味 意粉類我地點咗橄欖油炒意粉同卡邦尼意粉，無諗過啲意粉又煮得唔錯，唔會太淋，卡邦尼又夠creamy，都只係6十幾蚊 呢度仲有全日早餐，味道唔錯 甜品推薦心太軟～ 推薦俾所有鐘意唱歌嘅朋友

早幾日一直係度搵觀塘有咩好野食 搵搵下 搵到呢間好有格調既西式餐廳 咁就book左夜晚7點半鐘去食 唔洗等 就入得去 入面既格調非常之適合男女朋友一齊去 我地一行三個人叫左兩個set dinner 頭盤係一個炸芝士薯球配煙燻吞拿魚加藜麥沙律，少少酸配一點炸物，非常之開胃。再黎就係湯，幾多材料，唔錯。 之後就係主菜，我地叫左一個3成熟既M5牛柳同埋埋黑毛豬，先講個牛，外面燒到非常焦香，入面非常嫩滑多汁，岩岩好可以食到兩隻口感。另外隻黑毛豬入口好軟綿綿，好有味道。食完都已經飽飽地。甜品岩岩點綴到成餐飯既一個結尾。 成餐飯既感覺非常之好，格調環境好，食物好，價錢又唔貴，非常抵食。