餐廳從琉璃街搬到清風街，提供精品咖啡和新式西餐。裝潢風格走金屬工業風，巨型鏽鐵大門給人一種獨特的感覺。 還提供戶外座位，並且歡迎寵物。 煎脆檸檬雞排 雞排切得很薄，外皮煎得焦香脆口，雞肉嫩滑。檸檬汁的加入使得味道更加清新。 慢煮和牛面肉濶條麵 牛面頰肉中間夾著一層骨膠原，入口即溶，慢煮後更嫩滑。濶條麵煙韌帶蛋香，藏紅花的裝飾吸引 自家製提拉米蘇 不同於傳統的提拉米蘇，底層是軟滑的芝士，用churros代替了傳統的手指餅，裡面夾著軟朱古力。配以熱騰騰濃郁的espresso，倒入杯中時雪糕會溶化，這樣的組合在口感和視覺上都非常享受。 此外還有Panna Cotta，這中雪白幼滑且濃郁的奶香。伴碟上還放滿了耀眼的食用花朵 最後是專業咖啡品嚐體驗！ 一杯Pour over咖啡，卻有一套8件，包括咖啡壺、1/3/5次燒製的陶泥咖啡杯、玻璃杯以及裝有咖啡豆/粉的器皿。這讓客人不僅可以品嚐咖啡，還能先聞到咖啡的香氣。咖啡倒入不同的杯子中會帶來不同的味道，建議自己來試試看！

全部職員極之冇禮貌， 貼錢買難受， 啲嘢食又重味精又口渴， 多春魚一條完整嘅唔畀喺你面前將佢夾返曬出嚟畀爛嘅我地， 入去買過就知道發生咩事，態度極差， 悔氣加趕客， 眼神同講嘢都極之唔友善

排隊時只係8:15左右，等到8:45先有得入座。店員提及9:00 last order，無問題，咪即刻叫囉！都係食碗麵姐，飲杯珍奶姐。麵未食到一半話要埋單先都無問題。你以為佢會放過你，俾你安安樂樂食埋佢？不停行過來逐隻碗收你。收完就拖地，拉櫈，抹你周邊既枱，擰住支消毒野係你隔離噴！ 雖然我真係好鐘意食佢碗牛肉麵，但咁既店員咁既服務都係算啦！

今日一個人，揾間未試過又方便的食店。揀左【愛上米線】。單聽名字就知道主打米線。在香港，譚仔及三哥米線比較出名，而且有不少分店。原來【愛上米線】於香港已經有5間分店，莫非要挑戰譚仔及三哥地位？
原來有網民懷疑【愛上米線】是來自內地，不過餐廳已經出了聲名否認。筆者認為只有集團才可以有財力挑戰，銅鑼灣店剛好在美心快餐店樓下，而且門面設計都似間快餐店，筆者認為是美心集團旗下。室內裝潢都好快餐店feel，紅、白主調真係夠特別。食物選擇少，只有5款，但勝在夠平！五十蚊包杯飲品，在銅鑼灣都好少見。五款米線配上特別的名字，如麻辣湯底「真功夫」、酸菜湯底「好多魚」、素食蕃茄湯底「食住瘦」、豬扒配蕃茄湯底「脆得起」。筆者唔好酸揀左【「好多魚」$56】 走辣。【愛上米線】呢個米線真係「好多魚」，魚肉都叫滑。米線味道不過不失。筆者都是喜歡譚仔及三哥多D，因為湯料豐富選擇多。最後凍奶茶，店員叮囑要搞均先，原來糖漿在底好多好甜……蓋過奶茶味。另外，這裡店員過來下單時要即時用電子方法付款，真係快。

喺大角咀匯豐返過工嘅朋友仔，相信一定食過呢間越旺美食，好多同事都好鐘意，同海南雞，神廚館都係三大下午開飯美食。 前排有人話佢執笠，心寒左一下，好彩原來佢地只係搬左舖，知道佢有新舖後，就一定搵個機會黎食下。 有排training成日過黎食，以前成日好鍾意食佢啲湯粉，當然仲有晚上先有嘅生牛肉鍋，可惜問老闆娘而家仲有冇，佢話改咗Menu就冇得食呢樣嘢，雖然有少少失望，但係對比而家飲食業倒閉潮，有得繼續食已經執到。 簡單的香茅雞扒河，那個湯當然精彩，呢一個同舊店嘅水準完全一樣，雞扒超大塊，而且河粉還是夠掛湯。 除咗越南嘢之外，Menu都好多馬來西亞同泰國食材，叻沙海鮮河，絕對有驚喜嘅原因因為佢哋竟然會有螄蛤係入邊，小店嘅喇沙竟然做到呢個水準同講究，而且價錢唔貴，蝦，豆腐，青口，多種唔同嘅海鮮，當然不會令你失望。 印度咖哩雞配薄餅，記得曾經試過咖喱，咖喱會有越南同印度式兩種，頭先食咗越南嘢，今次試返印度嘅傳統咖喱，唔算太辣，幾開胃，如果你食開重慶咖喱嗰啲款式，呢個一定會適合你。 聽人講奶油蝦喺呢度嘅手本名菜，以前喺舊店反而一次都未食過，十幾隻大蝦，加上米粉底，奶油汁沾上拆好嘅蝦肉，再吃一口淋淋嘅米粉，咁嘅陣容收你$100鬆啲真係唔要對唔住自己。 尾聲當然要過馬來西亞蝦湯麵，要了米粉加油麵，加點辣醬，有肥豬肉，蝦，沒有太濃嘅味道，記得之前喺馬來西亞食過應該濃尾得多。 馬拉盞炒通菜，大碟到一個點，而且吵得非常夠鑊氣，給個讚。 食到八八九九，加少少錢就可以要餐飲，咸檸七，滴漏咖啡，話梅水，熱檸樂，你叫乜都應有盡有，最精彩的當然要數滴漏咖啡。 下次試小菜，睇下有冇退步先。

今日同表哥行街睇戲，之後佢就話帶我食好嘢喎😄佢話佢經常幫襯，一定要帶我嚟試吓喎，咁去到大角咀搵咗好耐都唔見間鋪，原來搬咗，搬咗喺中匯街行入少少，環境比之前清幽，店內燈光光猛 佢highly recommend咖喱👍🏻咁佢就要咗個巴基斯坦咖喱雞飯 叫之前原來咖喱係有分五個級別嘅（零至5），0–》唔辣，5—>最辣,鍾意食辣嘅朋友可以挑戰五嘅級別，因為本人只係食到1嘅級別🤦‍♂️ 講返個咖喱好香,好濃味，一啲都唔希，冇溝太多水，送飯真係一流😋😋 而我都係食咖喱🍛不過係越式咖喱🍛我就要咗個越式嘅咖喱牛尾飯，不同之處就係帶有少少椰香味，個口感會比較滑，個牛尾都好淋，不過我就嫌佢個牛尾份量少咗啲，個飯食到一半已經冇晒lu😅因為太好食😋😋 最後跟餐有個半價嘢飲，我就叫咗杯越南嘅滴漏咖啡水準都唔錯㗎，可以一試👍🏻👍🏻👍🏻 Ps(我表哥真係冇介紹錯😉）

有別於一般茶餐廳的早餐常餐，這裡你會感受到親切貼心的服務，甚至有去 omakase的期待。 明利茶餐廳賣的除了食物，還有濃濃的人情味。當你去過幾次之後，老闆已經對你有印象，吃的東西已經不是一般茶餐廳可以提供到的。例如，我想 keep kit的時候，老闆會為我預備烚菜和豆腐；我想豐富一點的時候，可以在平時的早餐再 order多兩隻烚雞蛋。 每朝去明利的茶餐廳食早餐，成為了我每天起床的動力！

今日去咗呢度食個午餐，真心講百幾蚊食個蒸籠雞唔知算貴定平，味道係唔差嘅，不過服務態度就真係非常之差，我哋食完飯再飲埋湯後真心講係飽嘅，所以杯嘢飲真係飲唔落所以叫個服務員姐姐俾個外賣杯我，點知佢話冇，我話之前嚟食都有俾，佢話飲咗就唔俾外賣杯，我真係真心著咗，我即刻話杯野我都未飲過，之後佢死死氣拎個外賣杯俾我，仲要俾説話我聽下次早啲轉外賣🤬如果我飲得到就唔洗叫你俾杯我拎走啦，你話要收錢都好呀，而家係話唔俾杯先好笑嘛，唔會再去食呢間服務咁差嘅舖頭囉！

放飯時間~見到餐廳門口排哂隊咁，仲以為要等好耐，點知原來外面等候嘅人都係等緊外賣，堂食嘅話就可以直接入去了！
餐牌雙面列印，有拉麵有日式便當有丼飯，應有盡有，佢個價錢比起一般日本餐廳平得多，大部份午餐都只係$60-$80，仲要包埋野飲，喺今時今日嘅商業區嚟講算幾抵食架啦~
筆者嗌左一碗日式吉列豬扒拉麵，麵同豬扒係分開上，賣相幾吸引~ 味道方面，拉麵質感普通，但豬扒幾脆口，份量亦都相當多，喺食飯嘅同時留意到店內宣傳緊大胃王挑戰活動，話只要參加者喺半個鐘之內食哂成碗(for4-5人食用)嘅極大拉麵，果餐就係免費的了！睇起嚟都幾吸引，但相信要本身胃口好大嘅人先有資格參加，如果唔係就真係賠了「腸胃」又折「銀」！
環境方面，店內空間較為狹窄，唔好Expect坐得舒服、闊落，格局似普通茶記，但店內牆身貼滿唔同日式畫像，整體嚟講都OK~ 

中午套餐性價比還可以。比較有特色系A-La-Carte黑毛豬漢堡。 可是大煞風景的系，沒有溫水供應。強迫你買瓶裝水。這是非常非常差的做法。難道一杯溫水不值得收買我這客人的心做你回頭客多帶朋友來嗎？我與店員反映叫他們店經理與管理層溝通一下。 Set lunch has decent value.  A La Carte iberico pork burger is very good.  Seafood Paella was so so. The biggest issue that destroyed the nice impression on the food is the shop does not serve tap water to the guests.  This is absurd as this is the basic things any decent restaurant will do, esp if I've already ordered food.  Staff response was very robotic & non-concerning.  I told staff to tell the manager this is a very stupid thing to do as no one would be this stupid to make a guest upset & not return over a glass of tap water. I hope they'll change.