更多
2014-02-05
24851 瀏覽
本身係用餐日前一星期SEND EMAIL黎BOOK枱個陣, 群芳覆返黎話FULL BOOKING...好彩即日下晝2點幾去到問下有冇得walk-in個陣, 佢又即時幫我留枱喎 真係好~~結果安安樂樂係各大賭城消磨一個下午, 6點準時去到群芳佢呢個buffet場都幾大, 安排左我地2個坐係甜品部附近, 對住d雪糕!哈哈!但場內有d竟然係面壁位, 勁奇怪....... !!如果2個咁樣坐食自助餐, 咪好似去左麥記咁款?? 動手拎野食前...先巡場一週有既野大概如下: (記性唔好未能盡碌,請見諒)p.s 部電話神神地, 影相成日郁左曚左, 唔好意思... = =區1.芝士, 麵包, 凍櫃有6-7種甜品 (要叫人拎), 有人幫你"筆"雪糕, 朱古力噴泉...區2.沙律, 中式前菜, 凍長腳蟹, 凍帶子, 壽司, 刺身...區3. 生蠔吧區4.即煮湯粉麵 + 中式燉湯...區5.東南亞及中式食物如咖哩雞, 巴東牛肉, 蘿白牛腩...區6.西式區: mini漢堡包, 薯條 (勁多小朋友拎), 非洲雞, 即燒牛扒, 蔬菜串燒, pizza, 蕃茄湯...區7:中式區: 燒味, 羊肉....區8:
好彩即日下晝2點幾去到問下有冇得walk-in個陣, 佢又即時幫我留枱喎
真係好~~結果安安樂樂係各大賭城消磨一個下午, 6點準時去到群芳
佢呢個buffet場都幾大, 安排左我地2個坐係甜品部附近, 對住d雪糕!哈哈!
但場內有d竟然係面壁位, 勁奇怪....... !!
如果2個咁樣坐食自助餐, 咪好似去左麥記咁款??
動手拎野食前...先巡場一週
有既野大概如下: (記性唔好未能盡碌,請見諒)
p.s 部電話神神地, 影相成日郁左曚左, 唔好意思... = =
區1.
芝士, 麵包, 凍櫃有6-7種甜品 (要叫人拎), 有人幫你"筆"雪糕, 朱古力噴泉...
區2.沙律, 中式前菜, 凍長腳蟹, 凍帶子, 壽司, 刺身...
區3. 生蠔吧
區4.
即煮湯粉麵 + 中式燉湯...
區5.東南亞及中式食物如咖哩雞, 巴東牛肉, 蘿白牛腩...
區6.西式區: mini漢堡包, 薯條 (勁多小朋友拎), 非洲雞, 即燒牛扒, 蔬菜串燒, pizza, 蕃茄湯...
區7:
中式區: 燒味, 羊肉....
區8:飲品區
好講完有咩食, 正式去拎lu~
一開波襯冇咩人, 梗係去拎生蠔食啦!!
今次揀黎群芳都係因為聽聞有生蠔食~
早2個月食渢竹冇生蠔ga...
呢度d師傅開蠔都幾快手, 每人每次只可拎3隻
老實講, 300幾蚊一個buffet...當然唔expect係d咩好靚既蠔..但呢度個d蠔真係瘦得好誇張....
佢地好似d人未食飯個肚餓到扁左咁, 隻蠔都扁到痴住個殼XD
食落...冇咩味道...少少咸咸地咁
我走左幾轉食左幾隻, 都好似冇咩落過肚XDDDDDDDDDDDDDD
之後去左拎刺身同D沙律+前菜
D三文魚...有點韌...@@
反而吞拿魚會好一D, 八爪魚好大塊, 又係有點韌...
呢度D刺身感覺麻麻.......
前菜我拎左個蔥油海蜇,
我好鍾意食海蜇, 真係好少見BUFFET有得食
佢唔係一條條個種, 係海蜇頭黎GE, 所以比較硬D
但整得幾好食~好爽口!!
沙律菜方面, D菜都好新鮮靚仔
有撈好左既凱撒沙律俾你夾, 好多芝士碎係上面, 唔錯!!
食完D生冷野就去食熱葷
要講下個牛扒真係唔錯 (下圖左上方)!!!
見住個師傅搵網即燒的, 生熟程度岩岩好, 仲要唔韌!又夠JUICY~~仲有唔同醬汁俾你揀黎點, 正~~
而都係o係牛扒附近拎既牛油雜菇都非常好食!
好香牛油味~~嗜菇朋友不妨一試~~
因為我唔太好中式肉類...所以燒味冇食
巴東牛肉感覺唔錯, 辣辣地但牛肉好稔~
非洲雞都幾得意, 佢又唔係炸但食落感覺似食緊快餐店雞雞既味道XD
之後淥左碗湯粉黎食
佢個麵檔唔多選擇, 得刀削麵, 河粉同類似D上海麵既東西配料方面有豆卜, 牛展同貢丸....
由於我覺得配料麻麻, 就要左個淨河+生菜, 要喇沙湯~
食落幾正BOR!!! 河粉夠滑, 喇沙湯好香椰汁味,少少辣
河粉索哂D湯味~~好惹味呀~~~!!
最後到甜品...佢大概有6-7款甜品..但老實講賣相都麻麻地......主要係D大路野好似Tiramisu呀..奶凍個d..
我要左一個芒果布甸....諗住實冇死
點知.......食落去.... 感覺好奇怪
唔係平時個種芒果味, 係人工甜味.......
食完呢個我都唔打算再試其他甜品喇...@@
仲有飲品區個度, 可以叫師傅沖一杯新鮮既熱檸茶
千祈唔好飲佢個d機既凍檸茶, 超難飲 x___x
總括黎講, 不過不失既buffet...
款式都算多架喇, 不過質素就一般, 未見突出~
題外話/補充資料：
想讚下當晚所有waiter, serve 食物既staff全部都好好笑容同態度, 值得一讚!
(以上食評乃用戶個人意見 , 並不代表OpenRice之觀點。)
張貼
