更多
2015-11-08
2088 瀏覽
食完莫義記，向前行20步就係”晃記”，阿蘇介紹完之後，次次娙過官也街都見一大堆人排隊，何況星期六下午（所以地道澳門人好憎阿蘇），不過排隊都係排左15分鐘左右，都OK。晃記廿幾卅年前無人識既時候，最好食係老婆餅，細個真係超鍾意食。而家店面標榜始創肉切酥月同馳名雞仔餅。肉切酥（＄18）個樣好有藝術FEEL，一咬落去，勁勁勁硬，要用側面D牙黎咬（老人家小心食），大家食個陣都要小心。食落有勁濃既肉香同南乳味，好香脆，感覺上係中式曲奇咁，不愧係鎮店之作。老婆餅（甜）（$35）可能係拎到返屋企先開黎食既關係，餅皮已經開始散，一拎出黎影相，軟綿綿咁，好驚爛。個皮勁薄，上層超薄下層厚返少少，勁粉，無左個種鬆脆。至於個餡真係勁厚，但唔會太甜，勁煙靭，好香糖冬瓜味，但如果有粒粒冬瓜就更佳。蟠桃果（＄27）（由於係澳門一間涼果店”同益百花魁”食品，因此不納入”晃記”的評分，但晃記有售。一邊排隊，前面D女仔0係度傾E盒係乜黎，所以順手打埋食評，比大家參考。）蟠桃果其實係北杏乾，食落無核無渣，酸酸甜甜咁，一盒一粒，以前香港人買手信都係買蟠桃果，不過近廿年杏仁餅出左名，好多人都遺忘左呢種食物。包裝盒印左句“三千年
肉切酥（＄18）個樣好有藝術FEEL，一咬落去，勁勁勁硬，要用側面D牙黎咬（老人家小心食），大家食個陣都要小心。食落有勁濃既肉香同南乳味，好香脆，感覺上係中式曲奇咁，不愧係鎮店之作。
老婆餅（甜）（$35）可能係拎到返屋企先開黎食既關係，餅皮已經開始散，一拎出黎影相，軟綿綿咁，好驚爛。個皮勁薄，上層超薄下層厚返少少，勁粉，無左個種鬆脆。至於個餡真係勁厚，但唔會太甜，勁煙靭，好香糖冬瓜味，但如果有粒粒冬瓜就更佳。
蟠桃果（＄27）（由於係澳門一間涼果店”同益百花魁”食品，因此不納入”晃記”的評分，但晃記有售。一邊排隊，前面D女仔0係度傾E盒係乜黎，所以順手打埋食評，比大家參考。）
蟠桃果其實係北杏乾，食落無核無渣，酸酸甜甜咁，一盒一粒，以前香港人買手信都係買蟠桃果，不過近廿年杏仁餅出左名，好多人都遺忘左呢種食物。包裝盒印左句“三千年開花，三千年結子”，同埋“此果祇應天上有，人間那得幾回嘗”。好似誇張左D，如果0係香港賣，D無謂人唔知會唔會用"商品說明條例”黎攪事呢？！
題外話/補充資料：
肉切酥同老婆餅有效期去到2016年1月7日，即係2個月，不過都係趁新鮮食好D。
(以上食評乃用戶個人意見 , 並不代表OpenRice之觀點。)
張貼
