更多
2015-09-21
9596 瀏覽
由2014年開始躍升成為澳門米芝蓮三星, 長期打入澳門開飯排行榜頭幾名位置, 8 嘅實力當然無可置疑. 喜歡去 8 係因為環境同食物質素都好高, 到現時為止, 8 係每次到澳門時必到嘅餐廳.以中菜廳嚟講, 8 嘅座位唔算多, 但就算座位唔多, 枱與枱都有適當嘅距離, 坐得舒適之餘, 亦沒有一般中式餐廳嘅喧鬧嘈吵. 這一點好奇怪, 唔知係咪好彩, 一般嚟講, 中式餐廳係會比較熱鬧同嘈吵, 但每次去 8 都唔會有咁嘅情況, 所以係其中一個鍾意去嘅原因. 服務當然唔駛講啦, 咁樣級數嘅餐廳係唔會有人對你視而不見, 避開為你服務的. 相反, 就算佢哋好忙, 都會 keep 住禮貌同笑容為你服務的. 雖然價格同之前比有所調整及提升, 但與香港同級數&同質素嘅相比, 依然覺得物有所值. 因為當日想食點心多啲, 所以冇叫小菜. 未上點心/菜前, 餐廳會送上餐前小食 : 前 - 黑豚肉粒盞, 後 - 柚子鮑魚 啲肉切到咁細粒, 係咪黑豚就食唔出啦, 不過連同個脆盞一齊啪, 脆脆嘅口感, 都幾好食. 至於柚子鮑魚, 細細隻, 但連同底下個層柚子啫喱一齊放入口咬, 陣柚子味好香, 又甜, 又好咬, 得一隻
喜歡去 8 係因為環境同食物質素都好高, 到現時為止, 8 係每次到澳門時必到嘅餐廳.
以中菜廳嚟講, 8 嘅座位唔算多, 但就算座位唔多, 枱與枱都有適當嘅距離, 坐得舒適之餘, 亦沒有一般中式餐廳嘅喧鬧嘈吵. 這一點好奇怪, 唔知係咪好彩, 一般嚟講, 中式餐廳係會比較熱鬧同嘈吵, 但每次去 8 都唔會有咁嘅情況, 所以係其中一個鍾意去嘅原因.
服務當然唔駛講啦, 咁樣級數嘅餐廳係唔會有人對你視而不見, 避開為你服務的. 相反, 就算佢哋好忙, 都會 keep 住禮貌同笑容為你服務的. 雖然價格同之前比有所調整及提升, 但與香港同級數&同質素嘅相比, 依然覺得物有所值.
因為當日想食點心多啲, 所以冇叫小菜.
未上點心/菜前, 餐廳會送上餐前小食 : 前 - 黑豚肉粒盞, 後 - 柚子鮑魚
啲肉切到咁細粒, 係咪黑豚就食唔出啦, 不過連同個脆盞一齊啪, 脆脆嘅口感, 都幾好食. 至於柚子鮑魚, 細細隻, 但連同底下個層柚子啫喱一齊放入口咬, 陣柚子味好香, 又甜, 又好咬, 得一隻真係唔夠.
餐廳送的餐前小食
126 瀏覽
1 讚好
0 留言
金魚造型好得意, 藍天使蝦好爽甜, 成隻餃都係蝦, 啖啖蝦肉好滿足.
藍天使蝦金魚餃
224 瀏覽
1 讚好
0 留言
強推 ! 真係好好食, 食咗N次都冇次失手. 脆香即係煎, 煎叉燒包. 第一次食時真係諗都冇諗過咩係煎叉燒包. 其實叉燒包係可愛小箭豬造型, 但因相片數量所限, 同應該其他食家可能都有箭豬叉燒包相, 所以決定剩係比個底大家睇. 叉燒包底煎得金黃香脆又唔油, 底脆之餘個面依然 keep 住軟墊, + 上熱熱哋嘅叉燒餡, 真係好味到試過一次自己'隊'哂一碟(3隻).
脆香叉燒包(底部)
113 瀏覽
1 讚好
0 留言
'漬' 即醃製嘅意思, 可用醋, 鹽或米糠等等. 青瓜漬即係醃青瓜, 配上叉燒做成叉燒腸, 少少鹹鹹的, 比平時嘅叉燒腸少咗啲啲肥膩感, 都幾有趣.
日本青瓜漬叉燒腸
127 瀏覽
0 讚好
0 留言
將薯蓉, 蟹肉同少少西芹撈埋, 再 + 成隻蝦一齊煎. 蝦味比其它2種材料重, 口感豐富, 又係啖啖肉之選.
薯蓉蟹餅琵琶蝦
116 瀏覽
0 讚好
0 留言
造型為主, 味道就係一般瑤臘味蘿蔔糕味, 不過不失, 但同其它點心比就普通咗.
瑤柱蒸魚形蘿蔔糕
91 瀏覽
0 讚好
0 留言
餐廳職員推介. 味道與想像不同, 龍蝦肉夠爽但唔夠鮮甜, 龍蝦肉味亦唔強, 只算 ok 好味, 及一試無妨.
龍蝦小龍包
67 瀏覽
0 讚好
0 留言
相中嘅乳豬焗飯係切件後嘅樣. 乳豬燒得皮脆肉嫩, 配上醬油臘味飯同焗, 飯吸收咗豬嘅肉味, 豬又吸收返臘味嘅香味, 兩者同吃, 又香, 又脆, 又軟, 又惹味. 唯一美中不足嘅地方係啲飯唔夠熱, 如果啲飯可以再熱啲會更 + 好食.
原隻乳豬焗飯(已切件)
126 瀏覽
0 讚好
0 留言
就算食到幾飽都好, 點都一定會叫埋個杏仁茶食. 杏仁茶香滑得嚟唔太甜, 杏仁味濃, 燕液份量都唔算少.
燕液蛋白杏仁茶
73 瀏覽
0 讚好
0 留言
布甸又香又滑 : 白芝麻布甸比較滑, 但芝麻味冇咁重 ; 黑芝麻布甸芝麻味香, 但冇咁滑, 兩者擺埋一齊, 就又香又滑. 至於芝麻雪糕, 雪糕面上 + 咗好多黑芝麻粒, 連埋超脆餅底一齊食, 又凍, 又脆, 好有咬口.
黑白芝麻布甸配芝麻雪糕
96 瀏覽
0 讚好
0 留言
奶茶及燕液椰果杏汁糕
奶茶超甜但茶味好濃, 感覺似係拉茶, 燕液椰果杏汁糕造型漂亮, 花朵上鋪上金箔同燕液, wow ! 好矜貴呀 ! 齋睇未食都覺得靚咗 ... (講笑) 杏汁糕杏汁味淡淡的, + 上煙煙靱靱嘅椰果同滑嘟嘟嘅燕液, 甜甜的, 為美味嘅一餐畫上完滿嘅句號.
餐廳送的餐後甜品
68 瀏覽
0 讚好
0 留言
張貼
