46
19
6
開飯介紹
群芳是一間食物款式齊備且高水準的自助餐廳。餐廳特別從世界各地精選食材，炮製出一系列時令美食，包括每日新鮮運到的海産等。特別推介大家品嚐各地中菜，廚師們會選用當季食材入饌，讓味蕾能夠嚐到季節的味道。
繼續閱讀
營業時間
星期一至日
07:00 - 10:30
11:30 - 15:45
17:30 - 23:00
以上資料只供參考, 請與餐廳確認詳情
招牌菜
食家推介
相關文章
次次同男朋友或者朋友仔黎澳門都一定會黎呢到食buffet 夜晚就比晏就多好多野食特別係海鮮🦞 我超愛食蟹腳同龍蝦仲有呢到既鵝肝多士超好食 即叫即煎一啲都唔腥 仲好香好脆 菠蘿又甜🥰❤️仲有老火湯 好多熟食 超多選擇👍🏼
繼續閱讀
經旅行社買船飛連酒店 buffet價錢比較抵，即日來回一定咁最抵群芳-我之前都食過一次但就食午餐，種類都超多係唔會試得晒，上次同2老食因為好多熟食非常岩食，如果同長者來澳門可以諗諗，飲品超多除左自己㩒嘅幾款飲品，水吧位仲有紅酒，白酒，啤酒，清酒同汽水咖啡熱茶揀生蠔-即叫即開每人只可攞3隻，但食到尾都仲有唔洗急，肉雖然薄身但好甜質地爽口龍蝦-只為回本而食，肉質鞋淡無海水味，膏硬到死又唔香蝦-肉爽甜松葉蟹-好瘦無咩肉開頭食冇鮮味，後期好好多應該關溶雪事燒味檔好遠，燒肉-皮林晒都有肉汁，燒乳鴿-入味但皮唔夠脆，肉滑唔肥鵝肝-有開頭食到尾都有，開始時可能太多人拎煎得唔夠脆好多油，後期開始煎得一面脆有進步壽司吧好多選擇但唔記得影佛跳牆-超足料有螺鮑魚雞排骨好清甜好正甜品做得細細粒可以試多幾款好細心，而且唔會太甜雪糕好多款但太飽只食左2款酸啲可以清清口腔總結:其實食左好多種類成日唔記得影相，食物大部分平平無期，但回本位好多嘅，價錢抵可以一試
繼續閱讀
上網book左平日既自助晚餐$400位，種類繁多冷盤有生蠔，龍蝦，蟹腳，青口，凍蝦等，新鮮👍🏻，車仔面檔好似街邊果d有豬紅，蘿蔔，豬腸，雞翼尖，紅腸雖然平民野，但味道一啲都唔差，湯低好濃，熱盤方面有京都骨，蒸鱸魚，煲仔臘味飯，龍蝦🦞，燒肉，天婦羅，鵝肝，佛跳牆等，另外種有中式老火湯，不過個湯比較淡口😌，最重要紅白酒，啤酒都係任飲👍🏻甜品方面都唔錯，有葡撻，木糠布甸，斑斕布甸，種類都好多！$400黎講可以話好抵食👍🏻👍🏻同環境好好👏🏻可以試下👍🏻👍🏻不過魚生就一般般，種類得4款同吾太新鮮！
繼續閱讀
幾年前已經食過呢一間， 質素令我好滿意 。今日又再嚟試下， 睇下質素可唔可以保持。上次食晚餐，今次試午餐。差別好像是沒有佛跳牆，西班牙炒飯和生蠔。冷盤蝦新鮮爽口，必食！其他印象唔深。印度菜正路，香料可加重。韓國菜一般海南雞飯雞夠滑身，油飯和湯都唔錯。飲品除了果汁外，也去水吧點飲品，咖啡好喝，而且有小餅食併碟。中式茶類用茶包，稍遜，而且每次只沖半杯水。半口就喝光了。😅甜品甜品外貌同永利皇宮咖啡廳相比，較平實，味道就都在水準之上。各得人歡心。焦糖果仁餅和桑莓泡芙超正，前者因有焦糖稍甜但勁香，後者酸酸甜甜層次豐富。雖然未必係全澳門水準最高的一家，但食物種類和味道都在水準之中。論性價比，真的冇得輸。一家大細食自助餐首選之一。
繼續閱讀
其實早幾年已來過群芳吃自助餐，一直都很有質素，但是有些評論卻說它退步了，吃完今晚那餐，我覺得群芳風采依然。今晚是做馬來西亞主題，我對辣麻麻，但仍然找到很多好東西吃。一定不得不提椰青，因為實在太好飲，我連飲三個，只飲椰青我已覺得這餐自助餐超值，我覺得群芳真是很大方，讓客人任飲椰青，椰青一個都便宜，而且質素還要比場一般餐廳好。另外其他凍海鮮也很不錯，不得不提生蠔。雖然身形細少，但海水味濃郁，很好味，也很新鮮。魚生也很不錯，值得一提是有另外一種希靈魚，不是黃色的，是像青魚的顏色下又帶點紅色，口感很不錯。熟食方面，因為我怕辣，故沒有吃太多的娘惹為主題的熱盤，不過有一款柯仔炒幾好吃，另外，煎鵝肝也很不錯，還會給你一個儀器，它響才過去拿食物，使顧客不用呆等。最後不得不提，一定要試的就是佛跳牆。非常好吃，不吃真的對不起自己，味道很濃，用料十足，真的非常好吃，是我吃過最好的燉湯。甜品也非常不錯，以 榴槤做主題的甜品，很重榴槤味，另外其他甜品布丁也很清新。最後我喝多杯群芳賓治，就覺得一切都完美。
繼續閱讀