2
0
1
開飯介紹
阿鴻小吃連續五年榮獲《米芝蓮指南》香港一星級榮譽。食客能以大眾化的價錢享受高質食物。推介有素鵝、招牌撈麵、滷水鵝片。
繼續閱讀
營業時間
星期一至日
11:00 - 00:00
以上資料只供參考, 請與餐廳確認詳情
招牌菜
食家推介
買金光飛航套票送百老匯精選美食券，上次同今次都選擇阿鴻小吃食鹵味飯套餐，AB餐分別是鹵水雞翼+蛋 / 鹵水腩肉+豆腐，今次個人認為鹵水汁八角味道過重，還是上次吃的鹵水汁伴飯美味！鹵水雞翼及腩肉都比較入味
繼續閱讀
今年 Boxing Day 晨咁早過咗澳門玩..嚟個兩日一夜快閃食食食！上次喺碼頭搭銀河 Shuttle Bus 時有人派左兩張銀河吃到飽套餐 coupon 還未用...趁今次有時間...兼喺12月31號前未過期用咗佢！參與吃到飽餐飲券優惠食店分別有七間...當中有我至愛嘅『阿鴻小吃』！趁喺出碼頭前還有時間...所以去咗氹仔百老匯大街嘅阿鴻小吃...用$35換購咗個吃到飽套餐。我哋order咗兩個餐...一個滷水豆腐蛋拼豬頸肉飯、同一個滷水豆腐蛋拼牛展飯。兩個餐都有例湯...當日例湯係粉葛湯！豬頸肉同牛展都煮得好林好入味！滷水汁好正...用嚟撈飯啱晒😋 $35真係超抵！不過要留意餐券換購時間只係限於11:00至21:00！
繼續閱讀
侍應態度差，見我用吃到飽劵想拎多杯茶洗洗筷子都唔想比我，講左句：筷子好乾淨！動作慢，收檯收兩三分鐘，坐低左餐牌都唔拎來。雙面人，用劵就唔理我，態度明顯同付錢的食客有分別。食物質素差，凍嘅飯。 用吃到飽劵的我等了半小時，好多食客都等左好耐，我好皮氣冇催佢地，侍應完全不理會，明明知道我等左半小時，都唔理會我。我對這間餐廳感到非常失望，浪費我旅遊的時間和影響我的心情，如果大家想開開心心去一個旅行，不要去幫襯！
繼續閱讀
2015年5月27日，澳門一大盛事，銀河二期、百老匯酒店及大街正式開幕，當天下午獲邀出席開幕典禮及酒會後，於同日下午5時，正式對外開放，當然第一時間去搵鴻哥，見店內已八成滿，好不容易才有枱，由於第一日正式開張，所以不是全部食物也供應，點了滷水鵝片、墨魚、腩肉同招牌撈麵。鴻哥用來滷鵝之滷水汁是用鵝骨及鵝油敖製而成，通常上碟時才淋上熱辣辣之滷水汁，鵝片肉質算嫩、不會過韌，皮又不會太肥；墨魚爽口彈牙；腩肉肥瘦適中，可以做得更好。招牌撈麵，做得算乾身，豐富材料有蝦乾、XO醬、芝麻、蔥、芽菜等，少少辣，麵條爽口彈牙，非常惹味，以前在北角老店時，就算食咗多款食物，仍可自己食一碟撈麵。恭喜賀喜鴻哥，祝生意興隆，越開越多！
繼續閱讀